لآهل الشرقيه والخبر

[الفارس؟؟؟]

السلام عليكم



الي يعرف مكان حق صيد عدل لا يبخل علينا وانا زهقة كل

مااروح مكان مافي شي تعبة والله والي يعرف مكان

تمام لا يبخل علينا

[الوحش79]

وانا مثلك يالاخو
تعبت وجاي احباط وصار لي 2ساعه وزياده افرفر واتطلع في هل مواضيع كان اطلع بنتيجه
وقاعد افكر اني ادور موضوع للمبتدئين برغم ان لي اكثر من 8سنوات وانا اصيد
لكن هل 3سنوات محبطه جدا
وفيني حماس ابي اروح للبحر اليوم

شرايك نخاوي بعض لعل الله يكتب لنا كنعده 100كيلو
(مافي امل) هع هع


موفق خيو

[عوام 5]

في الدمام عند الفن تايم بعد سلاح الحدود

[الوحش79]

هذا موقع طيب ويبيله صبر
وطعم ممتاز

وفي موقع بالجبيل اسم المردومه (بالقرب من الشاليهات)
وهذا يبيله دبل
بس الصيد فيه حلو

والله الموفق

[حداق الخبر]

هههه

ردد

السمكه زعلانة من اهل الخبر والدمام

[قبقب طفشان]

كل الاماكن فيها صيد
بس السمك للأسف صاير مزاجي
وخصوصاً السبيطي

[O M A A R]

وعليكم السسلآم ورحمة آلله وبركآته

يً رجآل أنت ويآهـ تبون نصيحتي ؟ !

حولوآ للغوص والسسنكرهـ صصدقوني بتلقوون خييير

بالنسسبة للجبيل أخوي قبل أسسبوع

مطلع من مطل 5 ثلآث هوآمير على كيلو وكيلو ونصص

طبعآ الصيد سسنكرهـ

وبالتوفيق لكم بالصصيد الطيب وفآلكم الكنعد

[accentkool]

هلايام الصيد شحيح مابي اوصفلك شي واحبطك زيادة

[إلنترا 2005]

الحال من بعضه
وفعلاً الوضع في الدمام والخبر تحديداً محبط للغااااااية

ما غير نقعد على البحر بالساعات

و أخر شي نرمي السلوس والربيان في البحر

ونرجع البيت نتعشى نواشف>>>>>أحبااااااط


ما أقول غير الله يرزقا من فضله

[قبقب طفشان]

شوفوا
الصيد مايجي كل يوم
يعني : مو لما تصيد اليوم ، لازم تصيد بكره واللي بعده
المحاوله والبحث والسعي
راح يجي بعدها خير من عند رب العالمين
عن نفسي بحاول هاليومين ارتاح من الصيد لجل ارجع بنفسيه أحسن
وبالتوفيق للجميع .. : ))

[فهد 20011]

الله يرزقكم يا اهل الخبر بلعكس انا احدق بل قرب من البرج الجديد في الكرنيش الخبر واتوفق مو دايم بس
احيان والحمدالله توفقت بسبيطي من حجم عائلي مع الفجريه يكون ممتاز والله يرزقكم ويرزقنا

[حداق الخبر]

88888


اويلاه لو نقدر ندخل لذا البرج الجديد بس

بس مافي أمل
مسكر من كل الجهات

[أبو ناصرالدين]

إجمالا هالأيام الصيد شحيح و لكن ما تدري انشالله لما يبرد الجو شوي يتحسن الوضع علما أن قبل 10 أيام كان الوضع عند الفن تايم ممتاز، ضرب من اللي يحبه قلبك لكن هذاك يوم و هذا يوم ما انعادت
و الاسبوع هذا ما في شي بالمرة لا عند الفن تايم و لا غيره
و أولا و اخيرا هي أرزاق

[صياد متهور]

إجمالا هالأيام الصيد شحيح و لكن ما تدري انشالله لما يبرد الجو شوي يتحسن الوضع علما أن قبل 10 أيام كان الوضع عند الفن تايم ممتاز، ضرب من اللي يحبه قلبك لكن هذاك يوم و هذا يوم ما انعادت
و الاسبوع هذا ما في شي بالمرة لا عند الفن تايم و لا غيره
و أولا و اخيرا هي أرزاق

غلطان اخوي طلع الخباط يوم الخميس الصباح والسبيطي موجود وطلع
بالتوفيق والصيد ارزاق