هل تلبس الشماغ في البر ؟؟؟

[Al-harbe]

وعليكم السلام

والله أنا من الفئة الثانيه
وخصوصا" إني هالايام محلق مووووووووووووسوفرصه الواحد يبرد

يا أخي يطب إلي يطب ،حياه الله يبشر بالي يطيب خاطره من غير هالشماغ

ههههههههه والله أضحكتني بالحيل
لاكن أنا أفضل بدون شماغ

[ABO 3bdullah]

أكيد لأ

[شلون مغليك]

انا الابسه اربع وعشيرن ساعه بس بلبر افصخه احيانن

[قصيمي وأفتخر]

والله أحيانا ألبسه طبعا البكاريه له طعم أو إذا كان برد حلاته اللطمه

[كبليتر]

والله شف انا من الناس
اللي يلبسه بالبر
لاني متعود عليه
من يوم انا صغير
حتى بعض الاحيان البسه في البيت في فصل الشتاء
يعني (الشماغ الاسود)

[wshwshny]

موضوع جميل جداً والشكر لصاحبه وانا اقول وهل الشماغ إلاّ للبر
نعم للبر فهو الكمام ضد العج وهو دفا الزور والنحر والراس في البر وهو محزم الظهر في الشغل وهو المصر وهو وقا اجهزتك الإلكترونيه إلى بغيت وبالنسبه للي يتضايق منه لا يلبسه يحطه على الطبلون او عمود الخيمه او على صندوق الدلال اما يخليه بالبيت هذا والله الكسل وضياعة الراي وبالنسبه للضيوف والمسايير إذا جاو تل الشماغ من قريب مهب تخليه مره وحده لا انت اللي غطيت راسك ولا دفيت راسك ونحرك ولا تلطمت به من الدخان والغبار ولا استترت به عند الرجاجيل غاديه شوشتك كنها عرفجه ههههههههههههه وش استفدت
إلاّ جيبه واركنه للحاجه

كنت ماشي معك تمام الا ان قلت تستتر به عند الرجاجيل فهذي بحق
ما خبرنا عورة الرجال راسه ولا هوب مره عشان يتغطى بس مشكلة العادات اللي على غير سنع
واللي يقول ان الشماغ من عاداتنا وتقاليدنا اقوله ترى صناعته انجليزي يعني لا يمس تراثنا باي شي

تقبل مروري

[المداوي2]

صحيح من علوم العرب والدليل انه صناعة انجليزية

العرب كانوا يعيبون على الرجل اللي حاسرعن راسه اي مالبس العمامه وفي الاثر(العمائم تيجان العرب) بتقول هذي العمائم وانا اقولك حل بداله العمائم الشماغ




وبعدين تلقا اهل البر والمقانيص صح دائما لابس الشماغه مهوب جيل القارمن قبوع وبرموده


ومن العجائب حرص الامراتيين على لبس الشماغ على السلوم والقوانيين الاوله ويمكنك ان ترى ذلك جليا واضحا في مدرجات الملاعب عندهم

ونحن كنا مثلهم قبل تقريبا 20سنه قبل جيل التحليه والهمر الله المستعان

[بـدر]

احيانا

على حسب المزاج

مرات يكون برد وتحلى اللطمه معه والا شعري حوسه وطويل فهو يقوم بالواجب ايضا

[«نجم الخير»]

قال شماغ بالبر يالحبيب البر مافيه الى سروال سنه وانت كبرت وزره

[برق الجهمه]

الشماغ في البر مهم مهم
خصوصاً في البرد وانت سارح مع غنمك ولا تقنص ولا ولاولا الخ
اما في القيظ ما ازين من النفاهه والخروج بدون شماغ

بالنسبه لي شماغي معي دايم بس البسه احياناً في البر

[عشقي الصحاري]

انا والله ما البس الشماغ الا للمسجد والمناسبات فقط@
انا البر يبيله صرااحه خلك بدوون شماغ افضل @
تحياتي لك@

[خالدعيد]

والله انا اصلع
من يوم اكشت لين اعود الشماغ مايطب راسي

[سامي البلوي1]

لبس الشماغ له اوقات مثل الدوام اذا انت مدني وقت المناسبات والذهاب للصلاه وقت الشتاء عن البرد والصيف يحمي راسك من الشمس وفيه بعض الناس دايم مفرع راسه وانا اشوف انها ماهي سنعه هاذا اللي عندي وسامحونا على التقصير

[صاحب مبدا]

انا من اناس اي تحب التقليد الشمااغ مستحيل انزله على راسي لماين انااام ههه بس هل عادة اخليهاا ببرد اكثرر شي اما بحرارة افسخه فسخ عشان ما اسوي ماء عزوززز

[طحنون]

بحكم اني اصلع خلقه لا موس ولا غيره الشماغ ماينزل ابد ولاهوب علشان المطار الدولي اللي على راسي بس خلاص تعودنا بحيث الشماغ ممتاز صيف وشتاء واذا مالبسته احس اني كيوم ولادتني امي