هل تلبس الشماغ في البر ؟؟؟

[برق العتيبي]

اشوف انه قروشه باالبر دام الواحد يتحرك ويقوم ويشتغل مع اخوياه اما اذا فيه رسميات وناس مسيرين لابد من لبسه

[معنى الحياة]

ارحب بالجميع استطلاع جميل وأحس انه ضربني ع الوتر الحساس أنا لا البسه في الطلعات بشكل عام سوا بر او استراحات لكن ان كان ولا بد احتدينا عصبناه للبرد او تحت الشمس مباشره وله هنا فايده شكرًا

[ismailkho]

والله انا احبه البسه يعني حتى بالكشتات مو عن انه عيب لا بس بعكس على اساس انه دايم البسه
وهو يحمي بالشتاء وكذلك الصيف من الشمس

خلطة بياض الثلج
reading quotes for kids

[Tmemy]

عن نفسي من لا من الأولى ولا من الثانيه , الشماغ لا ألبسه إلا في مناسبات معينه .

[علم162]

من تالي شكله بيصير عمله نادره الشماغ ماتشوفه على الشباب ابد الامطوع

[ناصح]

بعد خبرات سنوات
لا مثيل للقبعات راحة وحماية في الصيف ودفىء في الشتاء

هنا الخلاصة

http://www.mekshat.com/vb/showthread.php?693201

[mo7sin]

صعبة في البر البس شماغ واذا برد شال مع قبع شتوي

[badermtm]

يعجبني الشماغ كثيرا فهو زي تقليدي راقي

[صاروخ الغطغط]

عاني معلق الشماغ في الدالوب مالبسه الى رحت لدوام وحتى الثوب قميص نوم البس الثوب لصلاه واجدعه فقط

[صاروخ الغطغط]

انت رايح للبر بتستانس حتى لارحت بشماغ للبر بجدعه في الغماره .تراى الشماغ ربطه حتى في الشتاء استخدم قبوع ادفى من الشماغ وثابت في الراس

[أبو فراس]

طيب هل جربتوا القبوع فوق الشماغ

[مانع 1]

انا شخصيا اعتم يعني ارتدي عمامه . ولبس العمامه ماهو ب دخيل علينا ، هو الاصل وكان الناس يفلون العمامه خارج المدن للتلثم اثناء السفر والقنص (ومن هذا بدأ لبس الشماغ لان الشماغ عمامه مفلوله) اما في مدنهم وقراهم وبيوتهم واثناء العمل في حقولهم فيلبسون عمائم .

والذي من اجداده احد من اخوان من طاع الله يعرف العمامه ورجولة منظرها . شكلها رجولي جدا اكثر من طريقة الناس في لبس الشماغ اليوم مضحكه ولا رجولية سوى اللبس الرسمي للشماغ يعني احسن.

وتقدر تثبت العمامه مثل القبعة والكاب وتقدر تلثم بها ان احتجت لثام وتمتص لظى الشمس ان كانت الشمس حارقه وهذه منافع ما توفرها القبعات. و العمامه تناسب الصحاري والوديان والجبال اكثر من القبعات يعني بصراحه لالبس القبعة في البر مثل الذي عليه ملابس التزحلق على الجليد وهو واقف على كثيب رمل ههه. وان كنت راعي سفر وطراد وبر وقنص فكن مع الاصيل وعليك بالعمامه لانها انسب لطبعك هذا من القبعات والكابات.

وعلميا ثبت ان العمامه تزيد التركيز والحزام يزيد القدرة على العمل . انا افضّلّ اي شيء محلي او اصيل على كل ماهو دخيل والعمامة اصل وغيرها دخيل ، هذا طبعي مع احترامي لاختيار الجميع.

[راعي الصقلاوي]

في فصل الشتا احين اطلع البر البس شماغ
في فصل الصيف حين اطلع للبر البس غتره فهي اخف من الشماغ