لاندكروزر 1988 يُسام بـ50,000ألف ريال ( يوجد صور )

[HAS5SAN]

بسم الله الرحمن الرحيم
السلام عليكم ورحمة الله وبركاته :
أنا لا أعترض على السعر فالكل حر بماله وحلاله
ولكن هل فعلاً يستحق هذا المبلغ .........؟
وفي الأخير صدق من سماه الذهب أو الشيك المفتوح

ركزوا في ممشاه .............؟؟؟

!!!
ملطوش من الأخ ( حسونه )

[ن م ر]

ما شاء الله تبارك الله

فعلا سيارة اعتمادية وقويّه

ولكن مع الموديلات الحديثة والمواصفات المتطورة صعب جداً ترجع للوراء 22 سنه وتدفع نص قيمة سيارة موديل 2006 أو 2007

هذا رأيي وبالتوفيق

[العتيبي 88]

هههههههه سعر خيالي تلقى الي معطيه السعر يمني مافيها كلالام ...لو ابي ادفع خمسين بأخذ لي 97 اطلق واحد مو موديل قديم ...

نشكرك على اللطش ..

[الهوى جنوبي]

هههههههه سعر خيالي تلقى الي معطيه السعر يمني مافيها كلالام ...لو ابي ادفع خمسين بأخذ لي 97 اطلق واحد مو موديل قديم ...

نشكرك على اللطش ..

كلامك صحيح حضرمي دفع لولد عمي 45000 ريال في موديل 88 وماشي الموتر فوق المية الف بس صراحه تظيف وعي ما يبيع مع اني نصحته فرصه ما تتعوض لكن الموتر ثقيل مره وغير مريح اذا ركبت فيه يبغالك اسبوع راحه في الفراش

[فيصل العاني]

(كل صاقط له لاقط).....................
واهل العقول في راحة فية ناس ترغب القديم اذا كان نضيف وتعطي اسعار مبالغ فيها وتجد كلامهم مرتكز علئ قوة الصناعة القديمة ويقولون حديد ماهي مثل السيارات التالية كلها فيبر وكمبيوتر ومن اول حكة تنباع تشليح بس مايستاهل ذا السعر مهما كان نوعة وطبعا فية ناس واجد تبي تشترية يمكن باكثر من ذا السعر علشان نظافة الموتر.......مجرد تعليق بسيط والله المستعان

[احمد الشمال]

والله الموتر نظيف ماشاء الله تبارك الله
وصراحه على نظافته يستاهل 40 الف

[HAS5SAN]

اعتذر
طلع موديله 1989 مو 1988

[asdali]

هذولا الدقة القديمة اللي يشترونه(الناس اللي عايشين في الماضي ويبغون يموتون فيه)

[ن م ر]

واحد أعرفه شاري GXR 2002 ماشي 60 الف بـ120الف ريال سعودي قبل حوالي 6 شهور

والموتر فعلا نظيف لكن مهما كان مستحيل ادفع فيه هالمبلغ الخيالي

[ياوجودي]

واحد أعرفه شاري GXR 2002 ماشي 60 الف بـ120الف ريال سعودي قبل حوالي 6 شهور

والموتر فعلا نظيف لكن مهما كان مستحيل ادفع فيه هالمبلغ الخيالي

أخوي أبي منك خدمه لو سمحت. أبيك اذا قابلت هالشخص تسأله وتقول له
الـ2002 نفس مكينة الـ 2006صح؟؟ ونفس الشكل ونفس الهيكل يفرق الانوار والديكور الداخلي لصالح الـ2006 طيب ليه ماشرا 2006 ماشي 60 بنفس هالقيمه؟؟

معليش أخوي أتوقع إن خويك مغلوب عليه 1000%
صحيح لو اشترى موديلات 97 يمكن يمكن نأيده ونقول فيه ناس تقول لأنه دفرنسات فهو أقوى وافضل من الـ98 وفوق . لكن يشتري موديل دونه وفوقه نفس الهيكل والمحركات.

لا معليش الموضوع كذا يكون لعب عليه اسمح لي.

[بعيد الهقاوي6]

واحد أعرفه شاري GXR 2002 ماشي 60 الف بـ120الف ريال سعودي قبل حوالي 6 شهور

والموتر فعلا نظيف لكن مهما كان مستحيل ادفع فيه هالمبلغ الخيالي

فيه GX-R موديل 2002 ماشي 35 الف الموتر مخزن وارد البازعي ماعمره طب بر كفراته ماشاء الله لاقوة الا بالله شد بلد مافكت ابد والموتر واقف في بايكه ماعمر الشمس طقته

مسيوم 150 الف وعيا راعيه لايبيعه والموتر وكاله ماشاء الله وانا اشهد

[كاشت وحداني]

الموتر يصلح يجهز للبر ويتم توقيفه ولكن ما يصلح استخدام يومي
يقعد واقف للمكشات فقط .
وبصراحه فيها قوة عجيبه وصبر
قد يكون هناك اقوى منها لكن هذه الموديلات فيها صبر عجيب .
هناك اماكن يمشي فيها لاتمشي فيها الموديلات الجديده من اللاند كروزر .

[كارلتون]

ماشاءالله تبارك الله
يستاهل الموتر النظيف ياخذ حقه

[Abu Mryea]

بصراحة يستاااااااااااااهل وبقوة

[طفران بس بطران]

اشترية لو بمليون بس ينفعني ويصير عملي وقوي حديدة هذا يكيفني