كيفية تشبيك بطارية إضافية للسيارة

[القابوعة]

يا اخوان السلام عليكم ورحمة الله وبركاته ،،

اخوكم القابوعة ما يعرف اي شي في الكهرب وبصراحه عندي ما طور كهرب في السياره وثلاجه توني مركبها وابغالها بطارية اضافية .. هل وممكن ولو سمحتوا يا شباب تدلوني على احد من الشباب او الورش او اي أحد يركبها لي (وما نختلف في الحساب يبشر ..) وش قلتوا يا اهل الفزعات

[المشراق]

أخي القابوعة السلام عليكم ورحمة الله وبركاته

إن كنت في الرياض فهذا محل ركبت عنده في صالوجمس ومجربه في السويدي أسمه مركز الرياض شارع البلد الأمين ( العشرين)شمال نفق السويدي جوار مخابز الخيلاء فيه فلبيني اسمه قطو واجهة الورشة جنوب وقدامها ارض فضاء 0

[ابو درع]

البطاريه لزوم تكون مثل الي فيه او اي بطاريه حتى لوكانت صغير جداً بعني

للمحول وغيره ... علشان تحطها في اي مكان ماتأخذ حجم

وشكرا مكشات على المعلومات

[التصحيح]

السلام عليكم فيه ورشة سوافي تركب لك بطارية اضافية بس شغل رائع ومامون باذن الله لا وعندهم شغلات ثانيه للبر بس ارخ الدراهم لانهم على قولت زبون شفته عندهم جاي من الكويت اذا تبي تسال بكم لاتدخل الورشة

[مدور ربيع]

طيب ليش ماتكون البطارية الثانيه مفصوله تماما"

وبحالة الحاجه لها يتم شحنها عن طريق اشتراك عادي من السيارة .. (( يكفيها ربع ساعه من الشحن للعمل ساعتين ))

خصوصا انه مانحتاج لها طوال الوقت ,, وايضاء تحميلها على الدينمو ,,, ومشاكل التوصيل الخطرة

[التصحيح]

السلام عليكم جميعا يا اخوان مالكم بالطويلة انا معي يوكون 2002 وركبت بطارية اضافية وركبت عليها ثلاجة تشتغل 24 ساعة تشيل ذبيحه 35 لتر ومنفاخ هواء ثابت والايكوم والكنود واللمبات الاضافية في الكبوت وفصلت اثنين من الشواحن كلها على البطارية الجديدة وبدون ما تتاثر بطارية السيارة الاصلية

[الشيروكي]

فيه جهاز حلوووووووووو انا شفته مع واحد من الشباب وهو عباره عن جهاز فيه سالب وموجب ولو فضت البطاريه تشبكه بالبطاريه ويشحن البطاريه لك وتشغل السياره وانت مرتاح اتوقع قيمته تقريبا من 200 ريال وطالع

[dejjo]

السلام عليكم ورحمة الله وبركاتة
جزاكم الله خير على الموضوع المفيد
لي سؤال اذا امكن ماهو نوع الكيتاوت الجبد نوعه او اسم الشركة

[fahader]

اهلين

يمكن يفيدكم


http://www.toyota120.com/html/4runner_dual_batteries.html


تحياتي

[alyos13]

سوافي الي يركبون البطاريه كل القطع صيني وكرسي البطاريه ما يصبغ بويه قلت للعامل ليش ما تصبغ الكرسي قال ماهوضروري تركيب البطاريه الحتياطيه قبل سنه للجب gxr مبلغ 500ريال والان يقلون 750ريال شوف الجشع

[الرهدن]

يعطيكم العافية جميعآ00

وأنا مركب عند مركز 4*4
طريق مشفى العيون (غربآ )بعد ماتتعدى جامع الملك خالد رحمه الله امسك الخدمة والمركز داخل المحطة
ولاأظن أحد يركب مثلهم ( إن كانوا على خبري)وعيبهم الغلا

0

[4800VTC]

ياشباب ناوي اسوي الطريقه اللي اشار لها الاخ مدور الربيع في الصفحه 7
ارجو من الاخوان افادتنا عنها مشكورين

[ونيس البرق]

الله يجزاك كل خير

ويجزى أخونا الخبير اللي دلنا على موضوعك الثمين

جزاكم الله كل خير ، وجعلها في ميزان حسناتكم

تحياتي لكم ...

[alkongrs]

جزاك الله خير والله يعطيك العافية

[ابوعقل]

مشكور

على المعلومات