هل أصبحت البراغي والمسامير الرقع الجديدة لكفرات التيوبلس؟

[ابو وافي 444]

طلعت قبل اسبوع اطعس انا وخوي شرواكم
ونسمنا الكفر وبعد كم كيلو حسيت ان هواه اقل من 5 حولنا والا نحصل الكفر مخروم مع جنبه وليس "بطنه" يعني مهوب مع المداس او الدعسه

والحقيقه ما معنا غير الماطور والتهريب قوي شوي يعني استحاله نعبيه بالماطور الا اذ بغينا نوقف ونعبي كل 2 كيلو وهذا خيار صعب...

وش الحيله! وش الدبره؟ فرفرنا الموتر ما لقينا شين ينفع وبعد جهد جهيد طرت لنا فكرة اننا نسد التهريب بمسمار او برغي خشن... فكرنا وين نجيب خشن منه واهتدينا الى جهاز معي صورته بالاسفل



وطلعنا منه مسيميرن صغير وكربناه وسط الخرم وصبينا عليه مويه ولا شفنا فقاعات

لطسنا الخرم وعبينا هوا حتى وصنا المحطه... وطلبناه يرقعه قال ما عندي الرقعه الخاصه والله ونمشي 150 كيلو لين وصلنا الديره تالي الليل والامور تمام...

امسيت وقلت بكره اكيد بلقاه مبنشر ولكن!! قمت وحصلت الكفر على حاله والان له اسبوع تحت الاختبار وابشركم الامور تمام.

لذا طرحت السؤال عليكم وهو هل البراغي اللي كانت بالسابق تبنشر بكفراتنا تصبح الان الرقع الرخيصه والفعاله مع التيوبلس؟

من ناحيتي رحت وشريت كميات براغي من احجام مختلفه وقلت لنفسي ان نفعت ما ضرت


صور توضيحيه

[ن م ر]

فكرة رائعه تمشي الحال وتفكك من أزمة

ولكن

مع المطبات والبطناج والحصى والوعر هل يبقى المسمار صامداً ؟

أيضاً
قد يتسبب المسمار في تلف الإطار وعدم إمكانية رقعه فيما بعد
كذلك ما قد يسببه المسمار من صوت مع الاسفلت

أشكرك على لفت الإنتباه لفكرة هامّة يغفل عنها الكثير

[m3ax]

من رأيي انك تفك البرغي وتحط عليه شوي معجون لحام بارد وتركبه مره ثانية وباذن الله بتغير التاير بعد ما يمسح على الاخير والبرغي باقي مكانه ما يشتكي ولا تشتكي منه

[aooa]

الحاجه ام الاختراع

واحب اللي يشغل مخه وقت الزنقه ...

[البرتقالي]

المسامير تمشيك
وعودان الاشجار القوية بعد تمشيك ( عن تجربه )

[مطيعيس]

هههههههههههههههههههههههه
اضحك الله سنك
والله ممكن ان تكون هي الخيار الافضل
هههههههههههههههههههههههههه

[سوبر152]

جلس عندي سنتين بالكفر مع الجنب
وهو حبيب مااهنا احليله

[همس الغدير]

لا تستغرب اي شي كل جائز في هالايام مشكور

[عاشق الكابرس]

فكر حلوه و لو تضيف سلكون حيمنع التسريب نهائي

[الرشا]

فكرررررررررررررررررة حلوووووووووة
وإبداااااااااااااااع

وبإنتظار جديدك

[باوزير]

كان عندي برغي خليته 4 شهور في التاير لين ما بدلته

[كبسولة2]

هذه الطريقة تمشي الحال ولكن ليست نافعة في كل الأحوال

لأنه إذا نقص الهواء أو زاد يطيح المسمار أو مطبات أو حكة رصيف ......الخ

الأفضل رقعة بالتيوبلس لك وللزمن

[ابو وافي 444]

فكرة رائعه تمشي الحال وتفكك من أزمة


ولكن

مع المطبات والبطناج والحصى والوعر هل يبقى المسمار صامداً ؟

أيضاً
قد يتسبب المسمار في تلف الإطار وعدم إمكانية رقعه فيما بعد
كذلك ما قد يسببه المسمار من صوت مع الاسفلت

أشكرك على لفت الإنتباه لفكرة هامّة يغفل عنها الكثير

الجميل فيها انها ما تبي مهندس كل الدعوى علبة مسامير وسكروب ويصير معك بنشر متكامل
مع الاخذ بالاعتبار انها ما تغني عن الرقع والعفريته ومنفاخ الهوى خصوصا لراعي البر
ولكن خل نقول هي لزيادة الامان

اما من ناحية انها تفسد الاطار الشباب تحت لهم تجارب يالسنين مع سالفة المسمار والامور تمام
وهي وقت الزنقه مثل سالفتي اكيد بتضحي بالاطار ولو توه مركب جديد

من رأيي انك تفك البرغي وتحط عليه شوي معجون لحام بارد وتركبه مره ثانية وباذن الله بتغير التاير بعد ما يمسح على الاخير والبرغي باقي مكانه ما يشتكي ولا تشتكي منه

اخاف نعود في سالفة حرك تبلش؟ ان شفته ينسم سويت مثل ما قلت وان كانه زبط خليته كما هو

الحاجه ام الاختراع

واحب اللي يشغل مخه وقت الزنقه ...

مجبر اخاك لا بطل

المسامير تمشيك
وعودان الاشجار القوية بعد تمشيك ( عن تجربه )

اضافه ممتازه

هههههههههههههههههههههههه
اضحك الله سنك
والله ممكن ان تكون هي الخيار الافضل
هههههههههههههههههههههههههه

الرجال تحت يقول لها سنتين بالكفر ما قالت شي يعني ارق سنود الدعوى صارت اكيد مهيب ممكن

جلس عندي سنتين بالكفر مع الجنب
وهو حبيب مااهنا احليله

يا سلام عليك يا سوبر انا لي اسبوع وفرحان وانت لك سنتين؟ خلاص يعتمد الموضوع

لا تستغرب اي شي كل جائز في هالايام مشكور

الشكر لله يا غالي اسعدتني بمرورك

فكر حلوه و لو تضيف سلكون حيمنع التسريب نهائي

والله دامها ما طلبت شي وشو له أزيد سلقون؟ وبعدين بالبر وش بيجيب السلقون معك؟
خلها على ماهي عليه دامها ما ناغشتني ليه اناغشها
مع اني اتوقع ان السلقون شي جيد

فكرررررررررررررررررة حلوووووووووة
وإبداااااااااااااااع

وبإنتظار جديدك

الله يحلي أيامك ويستر عليك من البنشر

كان عندي برغي خليته 4 شهور في التاير لين ما بدلته

وهذا يؤكد صحة نظريتي بانه الرقعه الألفيه الجديده

[ابو وافي 444]

هذه الطريقة تمشي الحال ولكن ليست نافعة في كل الأحوال

لأنه إذا نقص الهواء أو زاد يطيح المسمار أو مطبات أو حكة رصيف ......الخ

الأفضل رقعة بالتيوبلس لك وللزمن

والله كلامك منطقي حبيبي كبسوله بس منطقي يقول كما قال ابن جدلان :
دام تمشي مشها

ولا الاكيد ان الشغل الزين ما مثله

[ولد وايل..]

أذكر أحد الاخوان في المنتدى
طرح موضوع بالتصوير عن عمليه الرقع بالمسامير للحاجه طبعا...


لكن يبقى ان الحل مؤقت...

لان مثل ماقال أخونا كبسوله

وأيضا تمزق الإطار يحتمل مع الضغط إنفجارة...