وحين(ن) لازمه صدفه يجي فجئه ولاتدراء .. حله (عليق بري) .. الحل .. (هوك الجيب (الشاص))

[torrjom]

مسيت بالخير يابو عبدالعزيز مايكون الجلنط (البريك) والفرملــــة .

هلابك اخوي سطام

والله يمسيك بالنور

الحل عند اخونا عليق


كل الوووووووووووووود

[torrjom]

خوي طرجم بعد اذنك
لغزك ذكرني بشيبان كنت اراسلهم في فترة من الفترات في مدينة الخرج على قناة الالغاز وكان اذا اشكل عليهم لغز قالوا يا فلان ( حلله )
علشان يمكن تحليلك يفيد في رمعه نستفيدها من التحليل والتحليل عباره عن تفسير اللغز وفك رموزه من شخص لا يعرف حله يعني بيكون كلامه عام ويحتمل الكثير من الرمعات فانا رشحت نفسي لتحليل لغزك فاقول :

يقول انشدك عن ورعن يحل بمنزل(ن) ذاري


المطلوب : مذكر ويحل بمنزل ذاري يعني له مكان مخصص له ويتميز مكانه بانه ذاري يعني اما انه بعيد عن الانظار مثلا وسط درج, او جنبه شي اكبر منه ويذري عليه وكلمة يحل ( قد) تفيد انه ليس دائما في ذالمكان الذاري .

وبعض احيان لاوالله اشوف بنمزله عذراء

اذا كان هذا الشيء مصنوع فقد يكون المعنى ان بعض الموديلات يكون بدل الولد عذراء يعني شيء ثاني اسمه مؤنث

يجيله لازمن احيان تكون بلازمه داري
وحين(ن )لازمه صدفه يجي فجئه ولاتدراء


يعني احيانا تدري انك في حاجة الولد قبل تستخدمه بفتره , واحيانا تحتاجه بشكل مفاجيء

يشيل الورع مفتاحه وجسمه دايم عاري
وعذرانا بلا مفتاح وهي ياصاح تتعراء

هنا الفرق بين العذرا والورع ان الورع له مفتاح والبنت مالها والمفتاح قد يكون مفتاح حديد وقد يكون زر تشغيل وقد يكون رقم سري وقد يكون بصمة يد

ويجمعهم صفة التعري فالولد دائما عاري والبنت تتعرى ( اذا ما كانت الكلمه للضروره الشعريه والقافية ) يعني بعد ما تجي في هذا المكان الذاري تتعرى


انتهى التحليل

و ابي تقييم راعي اللغز للتحليل والدرجه من مئة %
وسمعونا الرمعات

اخوي مهيلان

ركب البيوت

على هوك جيب الشاص

والبنت الرمانه

وامل ان ينال على رضاك

كل الووووووووووووود

[عليق بري]

الله يجزاك خير اخوي طرجم
ويبيض وجهك على اللغز الطيب ..

[عصام 861]

الله يعطيك الصحة والعافية أبوعبدالعزيز
على اللغز الممتع
وكفواااااااااااااااااااااا أخى العزيز عليق على الحل
تقصد أبوعبدالعزيز الرمانة المدورة الى تركب على
عربانة الطراد البوت
ولكم تحياتى

[torrjom]

الله يعطيك الصحة والعافية أبوعبدالعزيز
على اللغز الممتع
وكفواااااااااااااااااااااا أخى العزيز عليق على الحل
تقصد أبوعبدالعزيز الرمانة المدورة الى تركب على
عربانة الطراد البوت
ولكم تحياتى

الله يعافيك اخوي عصام

وماعليك زود

والرمانه تجي غالبن في السيارة الامريكيه

اللي تسحب به عربانة البوت

زي الكوره مدوره

شف الصوره اللي نزل علق


هوك ورمانه في نفس الوقت

موديل جديد يناقض لغزنا

كل الووووووووووووود

[عصام 861]

شكرا أخى العزيز أبوعبدالعزيز
وصلت المعلومة وشفت الصورة
ولك تحياتى

[مهيلان]

وعليكم السلام ورحمة الله وبركاته

صح لسانك يابو عبدالعزيز إبداع ماشاء الله عليك

مجاراة مع الربع

وش رايك بــ ونش الموتر والإستبنة أسفل المواتر

صح لسان اخوي عليق ولا هنت يا طرجم على سعة صدرك وصبرك طول الايام الصعيبه اللي مرت قبل ينحل اللغز

والهوك دائما يطري علي لكن ردني منه الرمعه هذي

عموما الحمد لله انه انحل وارتحنا من التفكير

تقبل تحياتي

[مهيلان]

صح لسانك ملايين

ابداع \ ابداع\ابداع
وش رايك
طال عمرك على الطاعه

ونش السياره

وهذي بعد

صحيح انك ما تقدر تقول للي يرمع : حدد اي ونش ؟؟

لان الحل بيعرف مباشرة حتى لو ما كان قصده الحل ... لكن مثل هالرمعه تصرف النضر بالنسبه لي عن كل ما يتعلق بالهوك والونوش..
والسلام

[torrjom]

هلابك اخوي مهيلان

وحياك الله وبياك

بالنسبه للونش غير الهوك هذا اللي انا اعرفه

على العموم كل الاسف اذا كان اللغز سبب لك قلق

مع فائق الود والاحترام