الله يجزاكم خير طريقة حفظ الاسماك والربيان في الفريزر

[ابو عبداللهG]

اخواني في مكشات
بارك الله فيكم عندي سؤال عن طريقة حفظ الاسماك والربيان في الفريزرلمدة طويلة هل له طريقة معينة وكيف طريقة التجميد هل يغسل بالماء ام لا يغسل وهل يملح ؟ احتاج الطريقة بالتفصيل الله يجزاكم خير اذا كان هناك طريقة للحفظ بالفريزر
يوم الخميس ان شاء الله مسافر الى الشرقية ودي بكم كيلو ربيان وهامور

[DIVE STAR]

بالنسبه للسمك حطه في الفريزر مثل ما خذته من السوق

لا تغسله ولا تملحه الا اذا جيت تطبخه

اما الربيان فوالله ما عندي خبره فيه

تحياتي لك

[ابو عبداللهG]

بالنسبه للسمك حطه في الفريزر مثل ما خذته من السوق

لا تغسله ولا تملحه الا اذا جيت تطبخه

اما الربيان فوالله ما عندي خبره فيه

تحياتي لك

بارك الله فيك
وجزاك الله كل خير على هذا الرد السريع ماشاء الله

[حياتي البحر]

اذا ودك تاخذ السمك معاك الشرقية
حطة في ثلج بالحافظه
واذا وصلت حطه بالثلاجة مثل ما هو
اما الربيان نظفه وحطه باكياس وحطه بالفرازر

[accentkool]

السمك حط علية ثلج وبالحافظة اما الربيان يفيدووووووووك الاخوووووان

[rayan015]

بالنسبه ليا انا اخزن السمك على حسب نوعه !! اذا سمك زي الكنعد والقرش طعمه يتغير بسرعه احط معاه حليب ومويه في كيس وافرغ الكيس من الهوا واجمدهم !! اما اذا كان سمك من نوع اخر فاحطه في كيس واضيف له مويه وافرغه من الهوا ..

والله الطريقه دي افضل طريقه انا جربتها وتحفظلك طعم السمك لمده طيبه

[وليد الغربة]

اذا ودك تاخذ السمك معاك الشرقية

حطة في ثلج بالحافظه
واذا وصلت حطه بالثلاجة مثل ما هو
اما الربيان نظفه وحطه باكياس وحطه بالفرازر

انا معك اخي اكياس نايلون وثم في الفريزر

اخوك وليدالغربة

[ابو عبداللهG]

اذا ودك تاخذ السمك معاك الشرقية

حطة في ثلج بالحافظه
واذا وصلت حطه بالثلاجة مثل ما هو
اما الربيان نظفه وحطه باكياس وحطه بالفرازر

اخوي حياتي البحر بارك الله فيك على الرد
يعني السمك احطة بالفريزر بدون ما اشيل احشائة وانظفة

[ابو عبداللهG]

السمك حط علية ثلج وبالحافظة اما الربيان يفيدووووووووك الاخوووووان

بارك الله فيك اخوي accentkool على الرد

[ابو عبداللهG]

بالنسبه ليا انا اخزن السمك على حسب نوعه !! اذا سمك زي الكنعد والقرش طعمه يتغير بسرعه احط معاه حليب ومويه في كيس وافرغ الكيس من الهوا واجمدهم !! اما اذا كان سمك من نوع اخر فاحطه في كيس واضيف له مويه وافرغه من الهوا ..

والله الطريقه دي افضل طريقه انا جربتها وتحفظلك طعم السمك لمده طيبه

جزاك الله خير اخي rayan015 على الرد
ماهي طريقة الحليب والمويه في كيس وافرغ الكيس من الهواء وهل الماء من ماء البحر ام اي ماء
واذا كان السمك من نوع الهامور

[ابو عبداللهG]

انا معك اخي اكياس نايلون وثم في الفريزر

اخوك وليدالغربة

بارك الله فيك اخي وليد الغربة وجزاك الله خير

[النوخذة]

ابو عبدالله , صباح الخير

اذا رحت السوق وشريت لك سمك , العامل راح ينظفه بدون مايشاورك
يعني مايحتاج تقول للعامل انك تبغى تنظفه , لا تحس انك عطيته شغلات اضافية , هاذي شغلته
بالنسبة للسمك , اذا اخذت لك الكمية اللي تناسبك , اشتر لك الحافظة الفلين , تلقاها في كل محل تقريبا وسعرها 10 ريال
وحط السمك في الفلينة وحط عليه ثلج , لحفه بالثلج , واختمها بتيب (شطرطون ) علشان لا تطلع لك انواع الروايح بالسيارة.

بالنسبة للثلج تقدر تطلب راعي المحل ولا راح يقصر بس علمه انك رايح مشوار علشان يزيد لك الثلج , أو انك تشتريه من السيارات حق الثلج اللي مسفطه عند مكان الحراج حق السمك , والخيشة ب 5 ريال

الطريقة هاذي بتحفظ لك السمك على الأقل نص يوم بشرط انك مو كل شوي تفتح الفلينة , وشرط ان السمك يكون طازج , أنت في السوق لو ما كنت خبير , ممكن جدا اللي ما يخافون الله يلعبون لعبتهم , ويعطونك شئ اي كلام

حفظ السمك في الفريزر , يكون مثل ماجبته من السوق بدون اضافات , لكن لو بغيت تعزل السمك قبل التثليج على وجبات , هذا شئ راجع لك

نفس الشئ بالنسبة للربيان , بس العامل يمكن ينظفه لك بزيادة دراهم , أقول يمكن لأني ماجربت لكن حفظه زي السمك مايفرق .

ارجو لك الفايدة.

[دارة القمر]

طريقة حفظ الربيان، تقطع الرأس وهو طري ثم يعبأ في أكياس النايلون حسب الحاجة ويوضع في الفريزر. لأن حفظ الربيان بالرأس لمدة طويلة يتسبب في تغير لونه إلى الأسود، عن تجربة.

[بحرالخبر]

السلام عليكم ورحمة الله
حفظ السمك اذا بتأخذه معاك بالسيارة لمسافة اكثر من 2 ساعة
تحط كمية من الثلج اسفل الحافظة ثم تحط سمك وبعدين ثلج وبعدين سمك وثلج وسمك وفي الاخر كمية من الثلج وترش فوقه ملح خشن وفوقة تضع كيس نايلون اسود كغطاء وتسكر الحافظة وان شاء الله يكفيك اكثر من 12 ساعة بالراحة
والروبيان نفس الطريقة ولكن بدون تقشير
البيت : السمك اذا الحجم كيلو ومافوق تلف كل سمكة بالنايلون الخفيف الشفاف
او ورق الأكياس البني اذا متوفر افضل وتحطهم في الفريزر
الربيان : تشيل الراس فقط وبعلبة بلاستيك تشيل كغم من محلات ابوريالين تضع
الربيان وتسكر العلبة زين وفي الفريزر
سماكة علبة البلاستيك تمنع الثلج يدمر ويؤثر بالروبيان
هذه طرق مجربة وناجحة ميه ميه
تحياتي
بوعبدالرحمن

[اسماعيل كمال]

ماشاء الله افادوك الاخوان الله يعطيهم العافيه