:::::: رابطة ملاك Winchester Super X3 وجميع شوازن ونشيستر:::::::

[معطاب 1]

ياربع سؤالي واضح ومايبيله شرح هل تشك البيكال 660 يركب علي الوانشستر 3x

[بارود برنو]

السلام عليكم ورحمة الله وبركاتة
ياربع هل تشك 660 يركب علي الوانشستر 3X
http://up3.m5zn.com/photo/2009/5/5/06/mwdtqxwjc.jpg/jpg
والله يعطيكم العافيه ولا هنتم
اخوكم/معطاب

وعليكم السلام ورحمة الله وبركاته

اخي الكريم

احذر من تركيب اي تشوك مخصص لسلاح غير الونشستر

تبديل التشوكات من اسباب انفجار السلاح

الونشستر عملاقه لها تشوكات مخصصه

يفيدونك راعين الونشستر

اتمنى لك التوفيق

ينقل للرابطة الونشستر

[جول قميري]

السلام عليكم ورحمة الله وبركاتة
ياربع هل تشك 660 يركب علي الوانشستر 3X
http://up3.m5zn.com/photo/2009/5/5/06/mwdtqxwjc.jpg/jpg
والله يعطيكم العافيه ولا هنتم
اخوكم/معطاب

اخوي معطاب
اذا كان التشوك خاص للوينشستر او البراونينج
ونظامها Invector Plus
اكيد يركب
واللي انت حاط بالصورة موب واضح ولا اتوقع انه للوينشستر والبراونينج
التشوكات الخاصة للوينشتسر والبراونينج تلقى مكتوب اختصار Inv Pls
وغيره لا تجرب تركب

[جول قميري]

ياربع سؤالي واضح ومايبيله شرح هل تشك البيكال 660 يركب علي الوانشستر 3x

لا اخوي ما يركب وانتبه تحاول تركبه يخرب عليك السنه
وبعدين التشوك حق البيكال قصير من داخل السبطانه عكس الوينشستر

[عون الخوي]

أخواني الغالين /
بارود برنو
وفرتس قميري
ماقصرتوا الله يبيض وجيهكم على التعامل مع الأستفسارات من قبل الأعضاء
وعساكم على القوه
وسامحوني على الغياب .. لكن مثل ماتعرفون الموسم بدأ ومشغولين بالتجهيزات
الله يكتب لنا ولكم الخير والرزق الوفير

محبكم في الله / عون الخوي

[الضلع]

سؤال للجميع .... ما سبب ثقل ترباس الونشستر sx3 ؟ وهل هو عيب او ميزه ؟ ارجو مشاركه الجميع لتعم الفائدة , وجزاكم الله خيرا ,,,,

[عون الخوي]

أخوي الضلع هلا ومرحبا فيك
فعلآ ترباس الداهيه تحس بثقله عند سحبه وهذه ميزه بوضحها الأن ..
سبب ثقل الترباس قوة نابض الأرجاع ..
لان عند سحبه بيكون ثقيل وعند رجعته بيكون سريع جدآ
وهذا السبب في كونها أسرع شوزن فالعالم ..
( المعلومه مكتسبه من أخوي الترنيدو )
جزاه الله الف خير على ترجمة الكتيب الخاص فالوانشيستر
اتمنى للجميع الفائده

[القناص المميز]

اخواني ملاك الونشستر قبل كم يوم شريت ونشستر ولكن الرمي بارد وش افضل تشوك وكم اسعارهن ..
جزاكم الله خير ..

[سطام F15]

اخواني ملاك الونشستر قبل كم يوم شريت ونشستر ولكن الرمي بارد وش افضل تشوك وكم اسعارهن ..
جزاكم الله خير ..

هلابك يالغالي القناص المميز ومبروك عليك الونشستر والله يعطيك خيرها ويكفيك شرها

الونشستر ياخوك من أحر الشوازن بالرمي !!! غريبة تقول بارد رميها يمكن رامي بتشوك تضويقه وسيع جدا مثل رقم 4 .

سؤالي : وش الموديل اللي معك الـــ 30 إنش أو الـــ 32 إنش (سؤالي هذا عشان التشوكات)

* التشوكات الأفضل بين شد البلد الفل رقم واحد وهذا يجي مع الــ 30 إنش وبعده تشوك رقم 2 وهذا يجي مع الــ 32 إنش وهناك تشوك تضويقه

أقل من رقم واحد ويصلح للسوق البعيد .. هو الفل إكسترا وهذا مايجي شد بلد مع الونشستر ... .. تشريه أو تطلبه من شركة ترولوك للتشوكات

وهو ممتاز للغاية.

أتمنى إني أفدتك بما تريد يالغالي وأي إستفسار أنا تحت أمرك بأي شيء .

تحياتي

سطام F15

[الذراع الاخطل]

اخواني خبراء و اعضاء الرابطة لدي عدة اسألة :

الونشستر ام حبة يجي منها جديد في الوقت الحاضر
طبعا هي ام سبع ابر هل تنصحون فيها
ما معنى تشوكات
شكرا لكم مقدما

[جول قميري]

اخواني خبراء و اعضاء الرابطة لدي عدة اسألة :

الونشستر ام حبة يجي منها جديد في الوقت الحاضر
طبعا هي ام سبع ابر هل تنصحون فيها
ما معنى تشوكات
شكرا لكم مقدما

السوال الاول ما عندي له جواب لكن ان شاء الله يفيدونك باقي الاعضاء.
السوال الثاني:
التشوكات جمع تشوك وهي عبارة عن وصلة بفم الشوزل والهدف منه انه يجمع الحلبي ويسوق فيه منه الضيق للصيد البعيد وفيه وسيع للقريب والطيور الصغيرة
وهذي صور لتشوكات الوينشستر
صورة للتشوك الخارجي


وهذي صورة للتشوك الداخلي


ان شاء الله اكون افدتك

[هاوي صيد999]

تحية معطرة بالورد لملاك هذا السلاح الغني على التعريف وإن شاء الله قريبا نكون من ملاك هذه الشوزن التي اخذت اسرع شوزن نصف تماتيك في علام هذا النوع من السلاح .

اترك لكم هذا المقطع ويمكن الكثير شاهده وخاصة ملاكين هذا السلاح



راقب المقطع في الدقيقة 1.11 وشاهد سرعة التلقيم الأتماتيك لهذه الشوزن ما شاء الله رشاش وليس شوزن

مبروك عليكم ياملاكين هذه السلاح ومن مين افضل شركات إنتاج السلاح شركة وينشستر الغنية عن التعريف .

[سطام F15]

اخواني خبراء و اعضاء الرابطة لدي عدة اسألة :

الونشستر ام حبة يجي منها جديد في الوقت الحاضر
طبعا هي ام سبع ابر هل تنصحون فيها
ما معنى تشوكات
شكرا لكم مقدما

هلابك يالغالي الذراع الأحطل ما أعتقد إنه يجي ونشستر أم وحده الآن . ولكن ماني متاكد

وماقصر الغالي أبو عبدالعزيز أفادك إن شاء الله .

تحياتي لك

[سطام F15]

تحية معطرة بالورد لملاك هذا السلاح الغني على التعريف وإن شاء الله قريبا نكون من ملاك هذه الشوزن التي اخذت اسرع شوزن نصف تماتيك في علام هذا النوع من السلاح .

اترك لكم هذا المقطع ويمكن الكثير شاهده وخاصة ملاكين هذا السلاح



راقب المقطع في الدقيقة 1.11 وشاهد سرعة التلقيم الأتماتيك لهذه الشوزن ما شاء الله رشاش وليس شوزن

مبروك عليكم ياملاكين هذه السلاح ومن مين افضل شركات إنتاج السلاح شركة وينشستر الغنية عن التعريف .

هلابك يالغالي هاوي صيد وبالورد المعطر نحييك نورت الرابطة وعقبال ماتبشرنا بإمتلاكك للونشستر وتنظم لأخوانك بالرابطة ولاهنت على إهدائك المميز جدا

تحياتي لك يالغالي

أخوك

سطام F15

[الضلع]

سجل عندك "SUPER X3 30 تجربة ثلاث مواسم صيد ,,,