شاص 2008 اين اضع الكنود ؟؟؟؟؟؟

[حبيب تعب]

السلام عليكم
تكرما من الاخوان
طرح افكارهم وتجاربهم
اريد مكان مناسب لوضع جهاز الكنود
بشرط يكون متهوي لان حرارة الجهاز لاتخفى عليكم
وبعيد عن اماكن التعرض للاوساخ والاتربه
وباقل جهد من الترهيم
يعني بدون تخريم او فك شي بالموتر
ان تمكن هذا فهو افضل
او الشكوى لله عاد
مسمار اثنين مهب ضار
تكرما اللي عنده صور للكنود حقه ينزلهن
للشاص اوغيره
لتعم الفائدة
ابشوف اول اللي عندكم
ثمن ابنزل افكاري لكم
وعندي بالاندكروزر مكان ابصوره ان شاء الله وانزله لكم
لكم خالص تقديري

[حبيب تعب]

مهب عادتكم
وش دعوى
ترى ترك العادة عداوة
عجلوا ياربع

[AbO-iBr3hEm]

أنا أقول مثل مني واضعه بالموتر ، تحت أنوار الكشافات وتحت المكيف ، يجي مايل ووجه للأعلى .

[(((.ابوتميم .))))]

والله لو عندي علم كان علمتك بس تخيلت في راسي مكان ابو ابراهيم وطلع ممتاز بس لاازم تثبته صح

[abumohammad99]

والله مالي علم بالشاص

لكن اخبرهم يحطونه تحت المسجل ويركبون عليه غطاء..

لكن بيحتر عليك..

بالنسبة لي حاطه في التلبيسه حقت القير والوضع ماشي الحمد لله.

[حبيب تعب]

أنا أقول مثل مني واضعه بالموتر ، تحت أنوار الكشافات وتحت المكيف ، يجي مايل ووجه للأعلى .

تسلم ياخوي
واذا ماهنا كلافه طقلنا صورة خل انشوف
ولاعليك امر

[حبيب تعب]

أنا أقول مثل مني واضعه بالموتر ، تحت أنوار الكشافات وتحت المكيف ، يجي مايل ووجه للأعلى .

تسلم ياخوي
واذا ماهنا كلافه طقلنا صورة خل انشوف
ولاعليك امر

[فياض مكشات]

انا حاطة في مخبات تلبيسه القير تجي الامامية اليمنى مشخله
يدخل الكنوود ومعه المروحة
واعتقد افضل مكان من ناحيه الفك والتركيب
مع اضافة السماعه امام القير

[بلاتين]

اخوي شف في الديكور تحت الزر الى يشغل الكشفات فيه مسمار في الديكور فكه وستبدله بمسمار طويل بنفس الحجم وركب القاعده عليه بمسمار واحد وبدون تخريم كنت مسويها بربع تيوتا

[شاص&نص]

و أنا أخوك اذا ما تبيه ثابت دايم ف بإمكانك تركبه على الطبلون بواسطة الشمع أبو وجهين
و ياليت كان عندي صوره لكنها سهلة و غير مكلفه

أبو عبدالكريم

[صديق كلم رفيق]

انا مثلك مبتلش للحين مدري وين احطه ، لكن نصيحه انحش عن تغريم الديكور والفك والربط .
انا اشوف افضل شي مثل ماقال اخوي فياض في تلبيسة القير .

[هاوي القنص505]

لاتتعب نفسك وتخرق وترهم وتحت المسجل حلو بس لازم يخرقون المكيف من داخل على شان يبرد على الجهاز
اطلق شي من تجربتي الشخصيه خرج السنيدي للجهاز وغيره مخابي يمين ويسار وشكل ه حلو ويمنع حرارة القير
اذا مسكت خط طويل بعض الاحيان تحس ان حول القير حراره على شان مافيه ديكور

[حبيب تعب]

تسلمون ياعزوتي
افكار مهب سهله
محد منكم جرب السقف !!!!
لاتستغربون
مافي لامسامير ولايحزنون
كل ماعليكم تثبتون القاعدة بالمغناطيس بالسقف
لكم مني ابحرف شوي واعيزل وابيزل(بريده بس)
واشوف وشلون تجي واعلمكم

[حبيب تعب]

آآآآآآآآآآآآآسف تاخرت عليكم
عطون شوي وقت وبتشوفون مايسركم

[حبيب تعب]

اااااااسف صيفت عليكم
بعد التجربه
تبين انه مكان اخونا بلاتين هو ازين شي
مكان مناسب وامن وفي متناول اليد والعين
دمتم بخير