شباب وش رايكم بساكتون باتريوت ؟

[العليمي]

شوركم يا الربع .
انا رحت لمحل الرمايه ولقيت عندهم ساكتون الباتريوت انجليزيه الصنع ويقولي الموظف في المحل ان مسافتها توصل 700متر ومسافت الاصابه 600متر وعليها ضمان سنتين . وش رايكم فيها . علما انه يمدح الرصاص الصغير مقاس اربعه ونص لانه يروح اسرع و ابعد . سعرها 1550 ريال (( الف وخمس ميه وخمسين ريال )) شامله الفين رصاصه و جراب . وش رايكم فيها اتوكل واشتريها والا لكم راي ثاني .
تكفون الي جرب الباتريوت هذي او يعرف احد مجربها لا يبخل علينا بالشور. وشكرا

[عليان الليل]

شف يالحبيب خذها قاعدة
الشي الي مجرب زين والناس الحين اكثرهم يستعملون
الساكتون الالماني سواء فايروخ او ديانا وارد الرميح

[طويل الخطام]

بصراحة انا مجرب الألمانية ولا لقيت مثلها غير الألمانية الديانا لاتدور.
مقاس 27 سعرها 700 ريال
مقاس 24 سعرها 600 ريال
وترى المقاسين افضل شي للدخل لأنها خفيفة وراكدة. وهذا من واقع تجربة.
واتمنى لك صيد وفير.

[العليمي]

انا عارف ان الدخل ساكتون 25 تخب عليه لاكن ابي الساكتون الي بشتريها للصفار والقميري وانا متردد اشتري الباتريوت هذي والا فيه نوع ثاني للصفار والقميري . وصراحه الباتريوت سعرها مرتفع شوي لاكن والله من حماسي الغالي يرخص للصيد وسعه الصدر.
لذلك عطوني رايكم في الباتريوت والي يعرف نوع ومجربه ويصيد القميري والصفار يعلمني وجزاه الله الف خير . بعدين الساكتون الهوائي فيه ميزه وحده انه يجي معه تصريح يعني على الخطوط الواحد ما يشيل هم السلاح.

[الخبير]

شف يا طويل العمر
انت شكلك معجبتك الباتروت مرة ، و تحتري اي واحد يقول لك و الله ان الباتريوت زينه .
اذا كانها معجبتك مرة اشترها
انا عن نفسي مجرب 85 وارد الرميح و هي معي من 7 سنوات و ممتازة مرة
اخف من الباتروت و السعر بعد ارخص
انا شاريها ذيك الايام ب 1300 على ما اظن
==============================

[جمس79*]

غيررررررررررررررر(((عزيز لاتشتري))))))قيمتها ب تبوك950ريال بس مدري كم تسوا عندكم

وبعدين ترا بتريوت سكتون مهي رشاش علشان توصل 700 متر
صاحب المحل خراط لا تصدقه هذي صارت رشاش
با العقل من يبي يرمي على بعد 700 متر بسكتون وانت قله ابا اجربها اذا وصلت700متر انا اشتريها بخمس االافبس مشتحيل

[العليمي]

شكرا لكم على الردود هذي ويعطيكم الف عافيه . وانا اقول يا اخوي جمس تراني مازليت عليك في كلمه وهذا كلام راعي المحل انها توصل 700 متر وعلى العموم الف شكر لك ولجميع الاخوان في المنتدى.

[أبو علي]

السلام
أنصحك ياخوي بلأ للماني تراة زين ومجربة لي 3 سنين

[العازمي]

اللة يمسيك بالخير يا(العليمي)يقول المثل اسئل مجرب ولا تسئل طبيب انصحك بالخرازة لجميع انواع الطيور
ماعدا (الدخل )او( لشحيماني ) نسمية عندنا بالشمال لكن الباتريوت ونا اخوك غالية على كلاامك والخرازة
ارخص منها وقيمتها 1400 ريال وطلااقها متوفرة والدخل يصلحلة سكتون تمشية حال .....
وذا مقتنع بالباتريوت يمكن انها زينة ويدلك على الخيول اثمانهاماندري واللة المجربة عيار 85 ممتازة جداّ.
تحياتي.................

[ابو حازم]

اخوي العزيز العليمي
مع التحية ...................الى اعرفو ان الباتريوت عيارها ثابت وهذي يبغالها عناية كبيرة
والخوف ان اي د قة يمكن تاثر على السبطانة على عكس الانواع الثانية يمنكن تفاد يها عن طريق الوزن

ومع العلم .......... اناعليمي ويمكن يجي مني.....;