ماليزيا بها امان واحسن لك مملكتنا الحبيبه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ماليزيا
إندنوسيا
سريلنكا
الهند
الأردن
السلام عليكم
ان كانك بتروح عزوبي رح وين ماتبي بس لا تضيع دينك
اما العوائل فخلهن من مكه الى المدينه ولاتضيعونهن بالجوازات
سبق ورديت عليك بان افضل لك ماليزيا لانها تصلح للعوائل اكثر ..
ولي تجارب مع اندونيسيا ..
عموماً انا راح اكلمك عن اندونيسيا لان هي البلد اللي دايم اروح لها بس شباب لان لسى ماتزوجت .. رحت لها في هالسنة 2010 مرتين شهر 3 ميلادي وشهر 10 ميلادي ..
عموماً الديرة جميلة جداً فيها المولات الكبيره والفخمة والاسواق الشعبية والمطاعم العربية والاجنبية وفيها اماكن ترفيه لكن ليست مثل مقومات ماليزيا لكن لانهضم حقها ..
فيه جاكرتا العاصمة .. وبنشاك ( الجبل ) جو رائع وجميل وهااادي وطبيعة يوجد فنادق وفلل خاصة ومجمعات للفل .. باندونق جميلة ورائعه وطبيعه واهلها راقين .. بوقور كذلك جميلة لكن لم يسبق وان رحت لها او بالاحرى لم احجز فيها اي سكن .. جزيرة بالي جميلة جداُ وطبيعة لكن الرطوبة قد تكون عالية في بعض الاوقات .. جزيرة أيير قريبة من جاكرتا تقدر تطلع لها وتجي في نفس اليوم يعني تطلع الصباح وتجي قبل المغرب ..
الصرفيات هناك تفرق من شخص لآخر عموماً اسعار الاكل قد يكون مقارب لنا في السعودية وخاصة المطاعم الاجنبية ..
السكن في جاكرتا شقق فندقية وفيها راقي جداً وتعامله مثل الفنادق وافضل ..
هناك فنادق جميلة جداً ..
آخر مره سكنت في شقق فندقية غرفتين وصالة ودورتين مياه ( ازعكم الله ) 300 ريال
وفي اقل من هذا بكثير ..
فعموماً صرفية الشخص لحالة سكن واكل وموصلات 150 $ الى 200 $ يومياً .. وفيه ناس تصرف اقل من كذا بكثير .. طبعاً هذا غير التسوق .. وغير السواق الخاص اذا كنت بتاخذ سواق خاص يوميته 50 $ .. جاكرتا لا تحتاج سواق خاص في تكاسي لونها ازرق اسمها ( بلو بيرد ) جمسلة وآمنه بس خارج جاكرتا مثل بنشاك وباندونق لابد من سواق خاص ..
فانا احيان اصرف يوميا 150 $ واحيان اصرف 250 $ فهي تعتمد على الشخص نفسة في الصرف .. يعني متوسط صرفك في 10 ايام قد لا يتعدى 7000 ريال ..
وموفق خير ان شاء الله ..
واي خدمة انا في الشوفة ..
ماليزيا حلووووه وتنفع عوائل ومحترمه
سيرلانكا مشكلتها ما هي نظيف ولا مطوره وبلد فعلن فقير طبيعته في نوراليا بس
ابــعد عــن سوريا ولبنان حـاليا
مممممممممممااااااااليزيا
شكل الرجال سافر ورجع حنا لحد الان ما بين ماليزيا وسوريا والسعوديه
تريد النصيحة إذا سفرك في شهر 4 أو شهر 5
فالسعودية تعيش أفضل أشهرها في هذا الشهرين
ومعها شهر 6 ...
أما إذا حبيت تغيير فسافر للإمارات
والله لن تندم ...
ماليزيا الآن مكلفه ... وسيرلانكا بلد فقير تصلح عزاب ...
ماليزيا
ماليزيا
أشكر الجميع على ردودهم وتنويرهم للموضوع وبسراحه أستفتد بعض الشيء من المداخلات ماقصرتو
لا أخوي الكنق ماسافرت توني باقي لي كم شهر إن شاء الله ومتابع الردود
أخوي ماقصرت الله يكثر خيرك جتني رسالتك على الخاص بس ما قدرت أتواصل معك لأن مشاركاتي قليله ،،،،
بس إذا زادت المشاركات تواصلت معك إن شاء الله ،،،
ماليزيا هي الخيار الأفضل طبيعة رائعة بنية تحتية ممتازة خيارات ممتازة من فنادق و مطاعم بكل الأنواع اللي يبحث عنها السائح الخليجي
اندونيسيا الخيار الثاني بس النبية التحتية اقل بمراحل
الهند الخيار الثالث ( ولاية كيرلا و مناطقها المتعددة فقط ) طبيعة و الطرق لك عليها شويات و الأكل مالك الا في المنتجعات و الفنادق الفخمة ولا تقدر تستفيد في الغالب من المدن اللي فيها فندقك او منتجعك خارج الفندق بشيء ابداً لأن اهل البلد فقراء و ما تحتاجه ليس موجود الا عند الفنادق و المنتجعات فقط و المطاعم غالباً تبلش بروحك ولو تقول بدون حوار غصب يجيك فيه شوي ( يستغربون لن فيه احد يستسيغ الأكل بدون فلفل )
سريلانكا الخيار الرابع طبيعة بدون بس بتبتلشون في المطاعم مالكم الا بمطاعم الفنادق الكبيرة و رغم ذلك البهارات و الفلفل بيجيب لكم القولون و الطرق تجيب الصمرقع 140 كم في 4 ساعات
الأردن ميزته توفر قيمة التذاكر بس الطبيعة ما تقارن بالدول السابقة فيه مزارع و تشجير في المدن و بعض الغابات البسيطة الخفيفة اذا تبي آثار و معالم ولا تبي طبيعة مميزة هو خيار جيد
و جميع البلدان المذكورة آمنة
و بالتوفيق
JORDAN oo bs
تم التصويت لماليزيا
لكن في نظري السياحة داخل المملكة أفضل منها
ولو جعلت داخل المملكة ضمن التصويت لأصبحت الأولى بكل تأكيد
الله يسهل دروبكم وين مارحتوا .
جزاك الله خير على التوضيح
شاكر لك مرورك
ماقصرت والمملكه الحبيبه مالنا غناء عنها بس الغلاء الغلاء كل شيء المطاعم و الفنادق وهو نوع من التغيير مافيها شيء الواحد يشوف الناس كيف عايشين
عموماً الله يقدم اللي فيه خير للجميع ،،،،
الذين يشاهدون الموضوع الآن: 1 (0 من الأعضاء و 1 زائر)