اريد بديل لخزان الوادي

[ABO AL-HESH]

السلام عليكم ورحمة الله وبركاته..
يا اخوان ناوي على تانكي ((ماء)) للموتر " وقبل مده تكلموا الاخوان عن محل يبيع مثل خزان الوادي بقيمه لا تتجاوز الـ 250 ريال ..

س / وشو المحل اللي يبيع التانكي؟

س / هل ما زال متوفر بهذي القيمه؟

س / هل هو عملي ؟

ربي يخليكم ويحفظكم ..

[آل زايد502]

وعليكم السلام ورحمة الله وبركاته
اخوي المحل اللي التقصده الزامل وانا رحت 3 فروع لهم يقولون خلاص مانبيعها او فيه مشكله
عندك خزان الوطني بهذي القيمه وضمان سنه او سنتين والله اني ناسي

[قناص*07]

خزان الوطني ممتاز بس اللي اعرقه انه غير متوفر غي الفتره الحاليه لتعديل في التصنيع

http://www.mekshat.com/vb/showthread.php?t=261585

http://www.mekshat.com/vb/showthread.php?t=344163

[سبيع1]

يعطيك العافية اخوي ال زايد 502 بس عندي استفسارات بسيطة ممكن توصفلي وين المحل وكم لتر الخزان

[العنابي 616]

السلام عليكم

عندك محل القناص بالدمام يبيعها بنفس السعر أنا كنت عنده الجمعة اللي فاتت

[آل زايد502]

شف وانا اخوك ترا الوصف لك عليه وانت ماسك طريق خالد بن وليد (انكاس) تخلي وجهك على الدايري الشمالي متجه للدايري الشمالي والله ماحسبت الاشارات وان ماخاب ضني ثاني شاره بعد طريق اللك عبدالله تحصله على زاويه على اليسار

[fof6666]

وصف أسهل
أمسك طريق الدمام وأول مخرج (خالد بن الوليد )رح معه يمين أمسك الخدمة يجيالمصنع على يمينك قبل الإشارة
وترا ضمانهم ممتاااااااز

[ا ع س 9013]

الفرع الثاني مقابل نادي الرياض
وعندهم 5 انواع خزنات ممتازة وعليها ضمان سنتين و انا رايحلهم
1- 70لتر 250ريال
2-85لتر 250ريال
3-95لتر 250ريال
4-115لتر 280ريال
5-120لتر 220ريال

[ABO AL-HESH]

الله يعطيكم العافيه .. ما قصرتوا

[عالي الكيف]

ابو الهش

بالنسبه للخزان ماعليه كلام .
لو تخلي الماء فيه سنه كامله ماتغير.
وصلب يتحمل نوعآ ما ,,,, اكيد مو زي الستيل بالقوه لكن فيه مميزاته تتغلب على الأنواع الأخرى من الخزانات.


بس لا تنسى الغسيل الجيد قبل الاستعمال

[ابوبراهيم]

عندك خزان الوطني مصنع من الماده اللي مصنع منه خزان الوادي(اللي هو الزامل)البولي اثلين.. يعني نفس الجوده والتحمل بالظبط وان كان هناك اختلاف فهو التصميم فقط ...كلمتهم قبل فتره ما اذكر كم بالظبط قالوا الكميه مخلصه وينزل بعد اسبوعين.. ماادري نزل اولا وللاستفسار دق على هالرقم ويعطيك العلم ان شاء الله مع مراعات وقت الاتصال0593409881...وانا اشتريت تانكيهم من عند محلات الكشاته ب300ريال وعند الوطني نفسه ب250 يعني الفرق50ريال

[BO YASSER]

السلام عليكم أخوي :-
توني شاري خزانين ماء من محلات الزامل بـ 250 ريال الواحد
ضمان سنــ 5 ـــوات وقافي مناسب 90 لتر نفس خزانات الوادي
لكن كان آخر خزانين وأخذتهم أنا وأنصح انك تشتري مثله .

[ابوصالح77]

عليك بخزانات :
الزامل
أو الوطني