عطونا رأيكم في هذه السيارة

[عابد]

السلام عليكم ورحمة الله

حياكم الله اخواني المكشاتية

طالعت في أحد المنتديات موضوع عن سيارة التريل بليزر ss وحبيت اعرف رأيكم اخواني اصحاب الخبرة في سيارات الدفع الرباعي في هذه السيارة علماً بأني اعرف واحد من جماعتي عنده وحده لكنها دفرنش واحد فقط ولايمدحها.
الصور




المواصفات
- LS2 واللي هي مكينة الC6 ..

2- جنوط 20..

3- بريكات هفي ديوتي..

4- دفع رباعي دائم..

5- تسارع بأقل من 6 ثواني .

سعره 37 الف دولار ...

[path_poth]

اخوي عابد:

والله ماانصحك لأسباب:
1. قد نويت اشتريه لكن مشكلته غالي عند الشراء رخيص عند البيع
2. لمبة الفرامل الخلفية((اليمين او اليسار )) لازم تلقاها خربانة مع ان الموتر 2003-2004 والظاهر الـ2005 نفس الشي
3. اذكر كان فيه مشكله باللي حق الفرامل الأمامية بحيث الموتر ماتفرمل الهوبات الأمامية((والوكاله ماشاء الله عليها عندها ذمة وبتطلب من العملاء يجيبون سياراتهم لتغيير القطعة مجاناً [[قابلني ،احمد ربك مااخذوا الموتر منك لأنه خربان وقالوا امسك الباب ولا لك موتر عندنا واذا جيت بنحش رجليك هههههه]]


ادري اخوي عابد اني خربتها بآخر كلامي لكن هذي ثلاثة ارباع الحقيقة إذا ماكانت الحقيقة كاملة

[lone]

السلام عليكم ورحمة الله وبركاته...

حياك الله اخوي عابد... وبالنسبه للموتر، انا عندي واحد اخذته قبل ثلاثة اشهر مديل 2005 – 4x4 والموتر ممتاز من والى سواء استخدام او مميزات او حتى في الشكل الخارجي. طبعا انا لسه ما حكيته عدل علشان اعرف معدنه، بس مبدئيا ممتاز ولا اشوف فيه اي عيب. وعموما اي سيارة بتحافظ على صيانتها الدوريه راح تعمر معاك...

اخوك...
ابوعبدالله...

Poth

[توونا]

احد الاصدقاء اخذ 2004والان يصفق كفوف الندم فوالله مايمر شهران الا ومتصل علي وقفت الموتر بالوكاله تعال وصلني فياشباب مكشات السيارات هذي سيئه السمعه وديكوراتها الداخليه منظرها حلو الاانها تتخلع بسرعه كالكرتون فعليكم بالنيسان اوالتايوتا وسلامتكم0

[عاشق الجبل]

وعليكم السلام ورحمة الله وبركاته


الأخ : عابد


نصيحة أخ يحب لك الخير ( أبعد عن الأمريكي وأنت الربحان ) أقل مشكلة أن سعره ينزل بسرعة )

أشتري سيارة يابانية مستعملة من شخص معرفة أحسن من سيارة أمريكية مستعملة .



وجهة نظر فقط

[شاص]

ياباني وبسسسسسسسسسسسسسسسسسسسسسسسسسسسسسسسسسسسسسسسسسسسسسس

[gmc1]

والله الأمريكي مريح وفخم وقوي وهذي من عيوبة لأن السيارة المريحة تسرع عليها وانت ماتدري علشان كذا تتفكك وانت مادريت وشكرا على اتاحة الفرصة للحديث معكم

[اسيزو 4x4]

ياناس الأمريكي مهما تحافظ علية >>>>>>> لازم يخرب

اليـــابــــانــــي وبـــــــــــس

أبو حمود ...

[عاشق الجبل]

قصدي أشتري سيارة يابانية مستعملة من شخص معرفة أفضل من سيارة أمريكية جديدة

[أبـ [مطلق] ـو]

أمريكي ما يصلح لكرف ومطامر

مالك الا الياباني طير شلووووووووووى






.

[المرابط]

ما ازيد على كلام الخوان الا

ان خشته طايحه يعني اي عقم

والا مطب تاخذه وانت مسرع

دور للوجهيه بتشوفها في المرايه

بالعربي ما يصلح للبر او حتا استخدام.

[عابد]

الإخ path_poth
السلام عليكم ورحمة الله وبركاته

بارك الله فيك على المعلومات التي ذكرت عن عيوب السيارة وهي نفس العيوب اللي عند قريبي أضف عليها مشكلة في المكيف.
مشكور يالغالي على المشاركة.

الأخ lone
السلام عليكم ورحمة الله
الله يعطيك خيرها ويكفيك شرها ويبارك لك فيها إن شاء الله
ذكرني كلامك اخوي بأول ما اشتريت الفورد الماركيز مدحته لين وصلته السماء ويم بدأت مشاكلة ذميته لين وطيته الأرض
مشكور اخوي على تواجدك في الموضوع وتعقيبك عليه

الأخ توونا
السلام عليكم ورحمة الله وبركاته
صادق اخوي بارك الله فيك هذه السيارات مشكلتها تنهد بسرعة ووكالاتها خذ وخل وعود ونهب قروش.
مشكور على المشاركة وابداء الرأي .
الأخ عاشق الجبل والنيسان
السلام عليكم ورحمة الله
مشكور اخوي على النصيحة واحب اقولك اني نيساني ولكني فكرت اخذها كسيارة ثانية ولكن الظاهر اني صرفت النظر .
الأخ شاص
السلام عليكم ورحمة الله
نعم صدقت ياباني وبس والباقي ؟؟؟؟؟؟؟؟؟؟؟؟؟؟؟؟؟
لاتزعلهم علينا الله يهديك
الأخ gmc1
السلام عليكم ورحمة الله وبركاته
صادق اخوي بارك الله فيك هذه السيارات مشكلتها سريعة وتنهد بسرعة.

الأخ اسيزو 4x4
السلام عليكم ورحمة الله
صحيح خلنا بالياباني ولانتعداه ثم نورط
مرحبا بك اخوي بو حمود ومشكور على تواجدك في الموضوع

الأخ أبـ [مطلق] ـو
السلام عليكم ورحمة الله
أما المطامر فعلاً يحتاج سيارة رفيعة وهذا غير متوفر في التريل بليزر.
مشكور اخوي على حضورك وابداء رأيك.

الأخ المرابط
السلام عليكم ورحمة الله
صادق وانا اخوك هذه أحد عيوبه ان وجهه طايح وقرب من الأرض .
مشكور اخوي على تواجدك
شكري لجميع من ابدى رأيه وشارك في هذا الموضوع

أخوكم عابد

[ماجد الشمري]

هذا الموديل ما نزل الى الان واعتقد بينزل بعدين ...









اخوكم ماجد الشمري

[بواسامه]

الحقيقه ما جربناها
بس شكلها ام الخربات لكثر مانسمع من تذمر اصحابها من قطع الغيار

والوالد معه القديم الشكل اللي قبل ودبل ومايعرف البر وايضا يتذمر من قطع غياره
والجديد اغلى وعليك الحساب
وتبي تقتنع اكثر رح مر على قطع الغيار واسأل عن طرمبة البنزين اللي معروف ان الأمريكي يطلبها كل سنتين
اسأل عن القزازه الخلفيه
اسأل عن الفحمات الاماميه والخلفيه


ترى العجب العجاب

بس لاتسب احد وانت طالع من الوكاله