النجده النجده النجده 911

[القميري]

الاعزاء اعضاء مكشات
السلام عليكم ورحمةالله وبركاته

عندي بليزر غاثن موديل 83 يقولون ان عموده يطيح فجاه وانت تمشي بدون مقدمات وش الحل اغير الصليبات واتوكل على الله اواحط وصلة صاجة حديد واربطه بمسامير اواحط سلسلة واربطه بالشاصي من اليمين لليسار. ترى الصفار مقبل والقميري(يحبيله الله يكثره)بعده

ارشدوني واللي يبي الموتر بعد الطيور تراي بياع وهو نضيف(ماشاء الله عليه) وسلمتكم

[القماري]

جرب تحط لك سلسلة من الطرفين للعمود ، وإن شاء الله تفيد وما تسوي لك مشاكل

[الخبير]

السلام عليكم
يا جماعة الخير هل تعرفون وش فائدة السلسلة؟؟؟




هذي فايدتها انه تمسك العامود إذا انفلت و انت تمشي عشان ما يصير لك مشاكل لا سمح الله .
بالإضافة لذلك و الله انها مزعجة .
=========================

[أبونواف]

شد الصواميل زين وجرب

[عمران]

وش دخلن بكًًًًًًًًًًًًًًًًًًًًًًًًًًًًًًًًًًًًٍٍٍٍٍٍٍٍٍٍٍٍ ًًٍ


بهواك







بكم تبيعه

[تسعه وتسعين]

مالك الا السلسله لانها تفكك من الانقلاب لاسمح الله
تقبل مروري

[ابو العز بلس]

وعليكم السلام ورحمة الله وبركاته
اخي العزيز
اذا انت مركب مساعدات ثانية غير حقت البلد يمكن تكون سبب

عموما ارجع ورى الموتر ب20 متر شف كيف وضع الكفرات هل هي واقفة صلب والا تحس انها فارشة يعني كل كفر مايل لجهتة
اذا كانت فارشة الغالب تكون من المساعدات او اذا انت مرهم شيء تحت
وتاكد من وضع المسامير انها اصلية وتاكد لايكون فيه فضاوة في الدفرنس

والله اعلم

[NissaN 1990]

مالك الا السلسله لانها تفكك من الانقلاب لاسمح الله
تقبل مروري

الموضوع من عام 2002 يعني له 9 سنوات يمدي الرجال شرى 9 سيارات
الله يهديك ،،،

[yazn2322]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه

[عبدالرحمن1980]

9سنوات مات فيها ناس وولد فيها ناس