مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
هلا اخوي الفيصل خذ راحتك يالطربة
======
بسم الله الرحمن الرحيم
المره هذي الحجم اكبر شوي
وصور الي مايتحملها لايكمل وقد اعذر من انذر
اليوم صحينا وصلينا الفجر
وظبطنا القهوة مع ترتيب الأغراض للتجهيز لمغادرة الفندق
وطلعنا لمطعم الفندق للفطور
وبعدها سوينا اجرائات الخروج من الفندق
فيه موظفه نفسيته شينه مررررررره
وهذي صور للفندق
هذي شكلها سينما بالليل يتجمع فيها شباب وبنات كثير
المهم ضبطة القارمن على انترللاكن ياحبيبتي والله يانترلاكن
اخذنا الطريق الريفي لأني بصراحه جربت السريع مافيه اماكن مثل الي
اشوفها بالطريق الريفي
رغم ان كلا الطريقين متعه
لكن حسب الرغبة
وحنى بالطريق حصل موقف مصع قلوبنا
وقفت كان فيه اعمال صيانه قدامي
شوي ولا يطب علينا عسكري
بوليس بوليس
وينتفظ وانا تصيبن ام الركب
ويقول لاتنزل ولاتحرك يحسب اني بس ابضغط على زر القنبله
ومن كلامه فهمت فوتغرافك ويشر على الكميره يعني هاتها
ويشوف اني مصور
واعتقد يوم شاف اهلي متحجبين قال بس هذولا ارهاب
وياخذ الجوازات ويخليني اطلع السيارة من الطريق للموقف
ويشيك على جوازاتنا بالجهاز ولا لقا شي
ويرجع والضحكه شاقه وجهه أيام سوري
ولكم تو سويسرا طبعاً بالأنجليزي
قلت وشو عقبه بعد مافضخت قلوبنا
وارد عليه نو ولكم تو سويسرا
واخذ وقت ماصورت من الذله
صورر من الطريق
يشرفني زيارتكم لموقعي
بعدها وقفت على شان نتقهوى بهالمكان الي يوسع الصدر
شوفو واحكم بالله على هالمنظر مع فنجال قهوه وحلوة حايل
وقرية لونقيرن تظهر بالخلفية
وبعدها رحت اعبي بانزين وهذي اول تعبئه لي
عبيت ورحت للبقاله احاسبهم (سبحان الله ثقه عندهم غريبه)
عبيت بـ 56 فرنك
وعطيتها 100 فرنك ورجعتلي 24 فرنك ولاام العيال تقول ليه رجعت 24
وانت معبي بـ56 باقي لك 20 فرنك
قلت معقوله قالت احسبه
وفعلاً طلع كلامه صحيح ورجعت للكاشيره وفهمته السالفه(طبعاً بالأشارة وكتابة الأرقام)
وترجعلي 20 فرنك مادري هي نست ولا حركه لكن ناخذ حسن النيه
المهم طلعنا بأتجاه انترلاكن
بالله لوهو عندنا كان يفتح انواع الخطوط بالأرض
الكل معك هناك خطوة بخطوة باسلوبك الساحر اخذتنا معك هناك رغما عنا ولكنه سحر محبب حلال اكثر منه
الكل ينتظر الباقي بل تنتظره المآقي يالله هات الباقي
رباه قد عشت في دنياي مغتربا
ويلاه ان اغترب في العالم الثاني
استغفر الله من كفران نعمته
بل فوق ما استحق الله اعطاني
مبدع مبدع يارشيد .. الله يوفقك ويجزاك خير
استمرررر .. متااااابع
بانتظارك ...تسلم علي هيك تصوير ...
شكرا لك ..
ماشاءالله تبارك الله. الله يعطيك العافية رائع ومبدع
تقبل مروري
الله حي ابوصالح تصدق عندي موضوع عن أجازتي في حايل عقب هل موضوع والله أني أستحي اقدم موضوعي لشباب معك يابوصالح لين تاصل حاااااايل يالسلامه أحس أني مبحر معك في سماء أبداعك يا العزوه خذ راحتك في تنزيل الصور عن نفسي انا مافتح النت الا على هذا الموضوع تحس انك تستفيد منه كثير بيض الله وجهك
أخوك ابوفيصل
بلغ سلامي حق ابوضاري
ماشاء الله تبارك الله .. كعادتك مبدع أخوي رشيد
مستمتعين بالتقرير والصور ..
تقرير مميز ورائع ولى عوده باذن الله
قمه التقارير
روعه
تسلم الايادي
.......
اللهم أشفي أخي عياد وجميع مرضى المسلميناللهم أمين
شكرا لك يا اخ رشيد ومتابعين باذن الله بقية التقرير
وخاصة عن [ انترلاكن ] مرتع الغزلان
هذه المدينة الساحره والحالم والمميزة ببحيرتها
انترظ تقريرك عنها بشغف لكى اتذكر تلك الايام الجميلة فيها
بصراحه تصريح احترافى وعالى الجوده ماشاءالله تبارك الله
هل هناك تعديل اخي رشيد على الصور ومانوع الكاميرا
طول الجزء ما جاء
سبحان الله وبحمده سبحان الله العظيم
الذين يشاهدون الموضوع الآن: 1 (0 من الأعضاء و 1 زائر)