بعض الكلمات وردها

[رعود عفيف]

السلام عليكم << وعليكم السلام
كيف الحال <<والله بخير
وشلونك << زان لون

[ع و ن]

موضوع حلو .. و أشكرك يا صاحب الموضوع على طرحه .. لأننا بمثل هالمواضيع نستفيد من بعضنا .. و لا هوب لازم إنك تحفظ هالمصطلحات مثل اسمك .. لكن نفيد و نستفيد إن شاء الله .

الشباب ما قصروا .. قالوا أغلب المصطلحات اللي كنت أبي أقولها .. لكن اللي ما ذكر :

وش لون الذود ~~~> جعلك بزود (( الذود = الإبل ))

وش لون طواحنك ~~~> تطحن ما جاها (( تقال للشخص اللي توجعه ضروسه أو في حال سؤال الشخص عن أسنانه ))

و إذا ذكرت شيء بأرجع أكتبه لكم .. تقبلوا تحياتي

أعتقد أن في هذة المعلومة غلط تحتاج لسؤال عنها

السلام عليكم و رحمة الله .. أمسيّ بالخير عليك و على كل الأعضاء اللي يقرأون الموضوع

من ناحية صحة هالعبارة (( وش لون طواحنك ~~> تطحن ما جاها )):

هالعبارة صحيحة 100% و لا فيها غلط .. و هي من لهجة الدواسر و سكان وادي الدواسر .. و إسأل أي دوسري من سكان وادي الدواسر عن صحتها و يعلمك .. الطواحن هي الضروس .. و تستخدم هالعبارة للسؤال عن أسنان الشخص .. طبعاً مو كل مرة تشوفه تقول للشخص وش لون طواحنك أو تقول هالعبارة لأي واحد تقابله .. ما تقولها إلا إذا حسيت إن الشخص اللي قدامك أسنانه توجعه أو عنده مشكلة في ضروسه .

أرجو أن يكون الشرح واضح .. و ما يحتاج تتأكد من كلامي .. شدّ العلم مني و أنا أخوك .. أما إن كان لها معنى ثاني في لهجات أخرى غير لهجة الدواسر فالله أعلم .. و يا ليت تفيدنا باللي عنك إن كان عندك علم .

تقبل تحياتي .. ودعتك الله .

[ضب وقميريه]

السـلآم عليكم مررتن ثآلثه..

ردود.. حلوه بـ معآنيهآ.. واسلوب رآقي من زوآرر مكشآتييه لـ هذ11 الموضوع َ..


فـ ابدآ بـ كلـمتي لآمنـه قآل لـك. وهو بـ وسط السآلفه... وقطع عليك آحد َ.. تقول لـه ولآنيب قآطع وآردك.. او كلآمك ع متمــّــه


عشآن ماينسـى وآرده بـ الذكر..(خبركم وآجد اللي ينسون ويتحسف هههه) قآلهآ... وان تم وآرده.. رد عليه بـ سآلفته وقآل لـه اسلم(كمل سالفتك) .

هذي مرحلـة ارتجآليـه بـ الاحترآم لـ الرجـل ووقت الكلآم..


ولكن ننظر نظرة, وانت تسولف ومآسسك خط بـ العربي.. وقطع عليك آحد.. بـ آحترآم مثل قولـة ما اقطع واردك اخوي... وتشرح انت..< فـ ابدآ بـ الاحترآم انت واسمع له


بس ان هآيط وقطع السالفه ومسسك المجلـس... ارثمه رثم ذآ.. وشوّته قدآمهمَ..


هذاا اللي عنديٌ. .. ولـي ررجعة مررتن رآبعه َ.


فمآن الكرريم َ.

[ديزب]

يقول من يشرب الماء بعد الشرب الحمد لله

فيرد عليه من يريد الشرب من بعده (هني)

فيرد هو (هناك الله بالإيمان ) ثم يناوله القدح

[علاوي المكاوي]

مشكور على الموضوع....

من الكلامات...

- إذا واحد دخل المجلس ويسلم على الرجال واحد بعد واحد لين وصل عندك وأنت كنت غافل يقول

خمسك = ترد عليه = طاب لمسك



- إذا كنتم على طعام وجاكم واحد وقال..

هنهم = ترد عليه = وأنت منهم.
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
(1) خمسك : يدك ذات الأصابع الخمس.
(2) طاب لمسك : حصل لي الطيب من لمس يدك.
(3) هنهم : بالهناء والعافية.
(4) وأنت منهم : تفضل وحياك الله على أكلنا وأنت واحد منا ولست بغريب.

[بن جودة]

العهد قريب = الفال طيب
سلمت = سلم غاليك
هنيالكم بالرحمه =حنا وياكم بالخير مشترك
لنا رجعه

[ماضي الزمان]

وش حالك / زان حالك
طيب / حالك طيب
وش حال من يعز عليك / الله يعزك بالطاعة
ارحب - ارحبوا وانا افداكم / البقاء - مرحبا باقي
خذ / كفيت الأخذ وكسر الفخذ
ماجور / الله يجيرك - الله يعافية
و العون / عان ذا اللون
اصبحت / الله يعافيك
امسيت / الله يعافيك
تفضل / زاد فضلك
اسلم / ومن قال سلم
لا حييت عنك / عدوك لا يحيا
عاد عيدكم / عيدك يعود
اكرم / كرامتم العافية
فدا / يفداك الاش
اذا اعتذر احد منك
على حسب الموقف
و هي ثلاث مواقف
عند العذر بعدم تقديم الواجب لك كامل وهو طبعا قدم الواجب وما اقصر
ترد عذرك الجميلة
اذا اعتذر عن امر وهو صادق و من الطبع ان يكون معذور
ترد عذرك السالم
اذا اعتذر بعد تقديم لك البخور و الطيب عند تضييفك
يقول اعذرونا الطيب
ترد مشاهدك طيب

عندي اكثر من استفسار اتمنى ان اجد الأجابة عند احد منكم
1- اذا قدم لك الماء وقيل هنا
هل يصح ان ترد يهناك خير وعافية
2- اذا قيل لك طهور وش الرد الصحيح لهذه الكلمة
3-اذا قيل لك قدرك الشحم
4- اذا قيل لكوش للوجه(طبعا يبي منك تعطيه امر و انت رافض تعطيه)

ارجوا ان اجد منكم الرد

[ابا الصلابيخ]

اولا الشكر لصاحب الموضوع
بعد اذن صاحب الموضوع

يا اخوان با الله عليكم اي واحد يشارك با الموضوع يقول اسم بلده او قبيلته
لنتعرف على المعاني
انتم تعرفون السعودية او الخليج عمومأ او بقية الدول العربيه تختلف الهجات
وييختلط الحابل با النابل

وفيه لهجات ومعاني اول مرة اعرف عنها الا بهذا الموضوع
ياليت الواحد يذكر المدينه او القبيله

حتى يكون الموضوع له رونق خاص ويساعد على التعرف اكثر

[ربيع قرطبه]

يعطيك العافيه

[ماضي الزمان]

اللهجة من الجنوب

[ابوناصر123]

لا تعبت لاشبنت

[ماضي الزمان]

وش السالفة الى الأن ما فيه احد يجاوب

[راعي طفات]

- إذا كنتم على طعام وجاكم واحد وقال..

هنهم = ترد عليه = وأنت منهم.

والبخيل يرد بقول : تعد وخلهم

[.أبوعبدالرحمن]

الله يعطيكم العافية يا شباب وفي انتظار المزيد

[عصاقيل]

اذا احد مد عليك الفنجال
تقهوا=جعلك ما تدهوا
اذا تممت ويلزم عليك
واحد=عساك ما تستاحد غير من الذنوب