يعطيك الف عافيه
اخوي ابوونايف ومشكور على المعلومات
والله يوفق الجميع و أنشاء الله أجيكم بالك الجديد
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يعطيك الف عافيه
اخوي ابوونايف ومشكور على المعلومات
والله يوفق الجميع و أنشاء الله أجيكم بالك الجديد
الله يسلمك العنزي
مرحبا بك
http://www.mekshat.com/vb/showthread.php?t=351775
ماني مصدق
يطيح من سعرها حوالي 20 الف
سعرها وكاله نفسها اعتقد 78
لا يكون فيها شي
او انها بالقصيم ماهي مرغوبه
لاني شفت 2008 في مناطق ثانيه تسام على 53 54 في الغربيه والجنوبيه ؟ على موقع مستعمل
لكن مدري عنها بالرياض
والله مظلومه النافارا والله مظلومه
الكثير يشتكون من الانذار في النافارا احد عنده علم بالمشكلة ؟
هذه تجربة احد مالكي نافارا 2008
انا ماعندي نافارا لكن عند اخوي موديل 2008 اول دفعه قير اوتو le واسوقه كثير
المميزات
عزمه حلو على سيارة ثقيله 4 سلندر قير اوتو طبعا
سقت الهايلكس قير عادي واشوفه مقارب لعزمه واخوي يقول انه طرح هايلكس
لكن المتعود على سيارة قويه (مثلي متعود على مكسيما) يشوفه ضعيف
الرساوة مذهله جدا كانه سيدان ماشاء الله سواء في اللفات او الخط كانه سيدان
وامشي 160 عادي جدا ويجيب في الخط 185 اقصى سرعه وفي النزلات يجيب اكثر طبعا
مايفصل
العزل اذا كان الجو صافي او داخل المدينة ممتاز لكن اذا فيه هواء ورياح تسمع اصوات
واذا كان الهواء معاكس تسمع صوت الربلات
مطبه مريح جدا كانه فورد لكن فيه شوي من تنطيط الونيتات المعتاد (قليل وليس مثل
الددسن والهايلكس 2005 وتحت) واتوقع لو تغير الكفرات يصير اريح اكثر لان الكفرات
قاسيه شوي من النوع الجبلي على مايقال
التجيهيزات حلوه كونيت مثل المرايه المعتمه مع بوصله 6 سماعات فرامل ABS
وساده هوائية للسائق ريموت شد بلد
وفي الدفعات الي بعده نزل نافارات بمثبت سرعه وحساسات خلفيه ووساده اضافيه للراكب
قطع غيارة رخيصه الاصطب الخلفي كامل اصلي وكاله ب320 فقط وهو عندنا من سنه
ونصف ولم يطلب قطعه غيرها سوى فلتر القير والسيفون فقط !
بودي حديد وصدام حديد يتحمل الصدمات الخفيفه دون ان يتأثر
العيوب
دعسه الفرامل اولها فيه فضاوه (اول الدعسه فقط يمكن لمسه اصبع لكن اذا دعست اكثر
طبعا تمسك )
انا متعود على المكسيما مجرد تلمس الفرامل تفرمل بقوه ضعيفه لكن اذا زت الدعسه اكثر
تفرمل اقوى لكن اتوقع القير العادي يختلف نظامه او انا ماتعوت عليه
قوة الفرمله جيده لكن ليس بقوة السيدان لان الونيت ثقيل نسبيا 1770 كيلو
المقاعد الخلفيه مريحه لمشوار قصير لكن لسفر طويل غير مريحه نسبيا الهايلكس المقاعد الخلفيه لكن المقاعد الامامية اريح من الهايلكس
مافيه كاسيت والسيدي مايشغل mp3 والحل بسيط ركب مسجل jvc
لكن هناك ميزه 6 سماعات
الخرابات التي واجهناها
البوري يطلع صوت الانذار مع الفلشر بدون سبب
رحنا الوكالة وبرمجوها وراحت نسبيا
والبوري 2 واحد مايشتغل ولكن
السيارة شريناها مستعمله ماشيه 4 الاف من الدفعه الاولى صناعه 2007
اتوقع طبيعي اول موديل فيه بعض العيوب التصنيعيه
احد الاطفال تعلق على الونيت وطب على الكبوت وعفطه عفطه بسيطه جدا وصارت
الكبوت يطلع صوت مزعج مع المطبات
__________________
والله انا معي صوت انذار با النافارا مدري وش الحل وانا جالس فجأه يطلع الصوت ويدق فلشر وازعاجات هل فيه حل ؟
طيب الحين الموتر إذا فكيت الشخالات يقل العزم او يأثر على المكينه ؟
واذا ظغطت الكلتش فيه صوت تقل تهريب ؟
ياشباب الرابطه
أذا فزعتو لنا يمكن ننظم لكم أن شاء الله. أنا مريت الوكاله حصلت عندهم نفارا دبل بس المشكله أنه ماتجي أللا ديزل نبي بنزين البنزين رخيص ومطلوب عند البيع وقطعه رخيصه ومكينته خفيفه , قالو مافيه ألاديزل قلت طيب وش ميزت الديزل علشان نغير النظره وناخذه قالو أقوا من البنزين في النفود وفي الخط والدليل عندهم أنه يجي 172 حصان والبنزين 162 حصان . طيب نبي نجرب قالو ماعندنا تجربه حالياً يمكن بعد 4 شهور.طبعاً أنا منا مقتنع ان الديزل أقوأ من البنزين يمكن أقوا تحمل سحب بس اخف وأسرع من البنزين مادخلت مزاجي .
المطلوب : فيه أحد منكم جرب الديزل وأذا فيه أحد جربه يطلع على البنزين في الخط ولا خرطي مثل الديزل الى حنا خابرينه بددسن والهايلكس أذا نطحه الهوأ قامت تدخن ولا تعدا الـ 120
المنيعي1
يفيدوك الشباب ان شاء الله
بدايه جيده للنافارا بعدين اكيد اول مايطلع بتصير فيه خرابات وبيثبت جدارته باذن الله مع الايام كما اثبتها الهايلكس
السلام عليكم ورحمة الله وبركاته
سجل عندك نافارا 2008 نص فل بدون دبل
كان ودي بالدبل بس مالقيت
من احسن مميزاتها...
مطبها مريح..وعزمها اقوى من الددسن بكثير..فيها كشخه نسبيه..صرفية بنزين اقل
....مزيل الضباب بالقزازه الخلفيه الكبيره...ارتفاعها ممتاز جدا بالبر والنفوذ...الخ
السلبيات اهمها
صوت الانذار الي زهقني وجنني ووديتها الوكاله ولاعرفوا له...عدم وجود ايرباقات ابداً
.. العزم ضعيف وبارد اول ماتدعس البنزين بعدين يشد..الحراره جننتني ولاعرفوا لها الوكاله بس ضبطوها الشباب عندي الله يعطيهم العافيه..
سعرها عند البيع يطيح مره مايجيب ثلاثين الف واي نافارا مستعمله بالمعارض سعرها طايح
هذا بالشرقيه
هذي اهم السلبيات الي اشوفها
غير كذا موتر ملك
وبالبر نسم وخش بالطعوس ولاتخاف باذن الله
عندي سؤال...متى بينزل بنزين دبل
وليش مافيها ايرباقات مع العلم ان الي عندي نص فل ((قزاز كهرب,,مرايا نيكل وفيها اشارات,,جنوط نجمه,,كشافات تحت باللحيه...))
ولكم جزيل الشكر
أبوعتقان
وش تقصد بالحراره
وكيف يطلع صوت الانذار ؟ اذا قفلت السياره بالريموت مثلا ! وهل يستمر فتره طويله
هلا كرويف
صوت الانذار اذا فتحتها بالمفتاح تصيح ولازم ادق السلف عشان يطفي والريموت خربان
وثاني شي تصيح فجاءه من حالها تلقها تصفر تالي الليل وسط الظهر
والمشكله قدام عيني محد قرب منها هي من حالها
بالنسبه للحراره كانت توصل قريب من النص مع المكيف وقريب الثلث بدونه
وعجزوا فيها الوكاله وظبطوها الشباب عندي
لقوا القربه حقت الرديتر فيها خط (ماكس) الوكاله تعبي الين الخط حنا عبينا القربه فل
وخلطناها بمويه حلوه واختفت الحراره مع العلم ان الوكاله مرتين وهم يعالجون المشكله ولا فلحوا
الحراره الحين لها اكثر من سبع شهور ماترتفع فوق الخط الي تحت ماشاء الله
وحياك الله اخوي
الذين يشاهدون الموضوع الآن: 1 (0 من الأعضاء و 1 زائر)