هل خلط البنزين الاخضر مع الاحمر يؤثر على السيارة ... وايهما الافضل للعزم ؟

[كاشت بالبر]

يا أخواني

ترى 91 و 95

كلها نظيفه وكلها خالية من الرصاص
لكن الفرق فقط باللون + نسبة الأوكتين

بعض السيارات :
1) تحتاج أوكتين عالي .. واذا عبيتها 91 تسمع انواع الصرقعه واصوات غير طبيعيه من المكينه ( خطر على المكينه + يضرها ويقلل عمرها ) .
2) لا تحتاج لأوكتين عالي .. ولا تحس بفرق بين 91 و 95

اذا حسيت ان مكينة سيارتك تطلع صوت صرقعه أو أصوات غير طبيعيه مع 91
أنصحك تستخدم 95

واذا حسيت ان سيارتك ما يفرق معها 91 أو 95 ولا فيه صرقعه اثناء استخدام 91
عب 91

رقم الأوكتين المناسب يختلف حسب المكينه ( نسبة الإنضغاط )

ترى نسبة الإنضغاط Compression .. تختلف عن .. عداد الـ RPM ( عدد دورات المحرك في الدقيقه الواحده )


وعشان تحس بالفرق

اذا كنت تستخدم 91 اصبر الين تولع لمبة البنزين ثم عب فل 95
و
اذا كنت تستخدم 95 اصبر الين تولع لمبة البنزين ثم عب فل 91


معلومات إضافيه :

اذا سيارتك تحتاج 95 وعبيتها 91

ممكن تزيد الصرفيه مؤقتا الين تعبي 95
ممكن يقل عزمها
ممكن تزيد صرقعة المكينه واذا فيه أصوات غير طبيعيه ( خطر على المكينه + يضرها ويقلل عمرها )

اذا سيارتك تحتاج 91 وتعبيها 95

ممكن ما راح يزيد عزمها
ممكن ما يفرق معك الصوت
تخسر فلوس عند كل تعبئة بنزين
وكمية البنزين اقل يعني اذا بتدفع 10 ريال كمية بنزين 95 بتكون أقل من 91

[×صقر×]

الله يعطيك العافية عطيتنا معلومة

[×صقر×]

والله يقولون ان لو تحط الأخضر يخرب عليك الطرمبة والبخاخات

[×صقر×]

والله يقولون ان الأخضر يخرب الطرنبة والبخاخات

[×صقر×]

الأحمر يعطي عزم ويبقى في السيارة طويلا

[ابو صالح 871]

الله يعطيك العافية مايآثر والاحمر اقوا

[صياد الليل]

والله يقولون ان لو تحط الأخضر يخرب عليك الطرمبة والبخاخات

[حمزةعبدالمطلب]

ابو زهير بيض وجهك

[أبـو زهـرهـ]

أنا قريت كتيب الوكاله لقيته عادي يقول أقل شى 91 وحولت من 95 إلا 91 ويوم غيرته الموتر وهو واقف يتفتف قلت عادي لانه ماشي 80 ألف وباقي ماغيرت البواجي بغير البواجي عما قريب وإذا أستمرت التفتفه بعد التغيير برجعه 95
ولا الصرفيه نفس بعض

[..D7oom]

يعطيك العافيه على الاسأله المهمه


انا من وجهة نظري لا الاحظ فرق بين الاثنين

[اسير الغربة 1]

الاحمر افضل وويعطي السيارة عزم اسال مجرب ولا تسل طبيب

[al3teeq]

مافية فرق موتري باترول

[bin wafy]

الاثنين واحد ما في فرق بل الاخضر افضل للطفران من الاحمر لانه ارخص

[hussien18]

الاخضر للطفران
الاحمر للي يحب يطير فلوسه بدون فايده

صحيح في فرق لما تستخدم احمر ولا اخضر ،، الفرق لما تكون عندك سيارة رياضيه راح تلاحظ الفرق بشكل ملحووظ اما سيارة عاديه مثل الكورلا والاكسنت ما راح تلاحظ شي ابد

[أصيل حجآ زي]

الاخضر للطفران
الاحمر للي يحب يطير فلوسه بدون فايده

صحيح في فرق لما تستخدم احمر ولا اخضر ،، الفرق لما تكون عندك سيارة رياضيه راح تلاحظ الفرق بشكل ملحووظ اما سيارة عاديه مثل الكورلا والاكسنت ما راح تلاحظ شي ابد

بالعـــكـــّــس يأستآذ / حُسين

الأحمر 95 للي يبي يحآفظ على سيآرتهُ .
خآصة السيآرآت الحديثة من مُظل 2000 صليبي وجآي .

والأزرق أو
الأخضر 91 للسيآرآت القديمة .
أو للطفرآن بس رآيح يدفع
أضعآف لأصلاح سيآرتهُ أن كآنت حديثة .

خــُـــذ الكلام اللي يجمُد على الشآرب .

عندي كآمري مُظل 2001 صليبي حقت ولدي .
كآنت تعلني وتشلني حتى أستخدمت بنزين مُمتآز 95 .
والحمدُ لله أستقر حآلها ومألها ورآح الصُدآع .