هل خلط البنزين الاخضر مع الاحمر يؤثر على السيارة ... وايهما الافضل للعزم ؟

[كن متفائلا]

أعتقد لو تخلط ٩٥ مع ٩١ بنسب متساوية بينتج بنزين بكثافة ٩٣.٥

لاكن مثل ماذكر أخي العضو ابو محمد64 بأنه الأفضل أستخدام البانزين حسب كتيب الصانع

لأن البساتم مصممة لدرجة أنضغاط ومدى أزاحة لتعطي أشتعال كامل على كثافة وقود محدد

لذلك بعض الأخوان ذكروا حدوث صوت قرقعة في حال أستخدام بنزين غير مواصفات الوكالة

والصوت ناتج عن الأحتراق الغير كامل ومع الوقت الطويل تكربن المكينة

[شايف نفسه]

من واقع تجربتي

الكلبليتر مافيه فرق يذكر لا مع الخط ولا داخل الديره

اما البخاخ فيه نشاط ال95 اكثر من 91
سواء بالنفود او داخل الديره
ومع الخطوط الطويله يعتبر الاحمر اقل صرفيه

والخلط ما يضر جربته اكثر من مره
ولا شفت فرق

[عاشق ال VXR]

سيارتي لاندكروز ٦ سلندر كنت اعبي ٩١ وغيرت ل٩٥ اللي لاحظته نشاط في العزم وتأخر في تبديلات القير (تماتيك) يعني الموتر ياخذ بالنمره عزم اكثر من قبل هذا مالاحظته فقط

[ابو محمد64]

91 يعتبر من مخلفات النفط واستغلوه الي سيارته وكاله 91 خل اللمبه تولع وعبي 95 ما يضر بالعكس افضل وشوف العزم الخيالي بس العكس لا اذا سيارتك 95 لا تحط 91 و السبب قلته فوق

[MSAN]

91 يعتبر من مخلفات النفط

معلومة غير صحيحة مع كل الاحترام لشخصك الكريم.

[حمود الغربي]

ابو أسامة والاخوة المشاهدين البنزين الأحمر والأخضر لافرق بينهما الا بالثبات أما من ناحية العزم والقوة أنا مجرب الشي هذا ويقول المثل انشد مجرب ولاتنشد طبيب.

الفرق انا أقولكم الأحمر يثبت بمعنى يبطي بالتانكي ماتشربه السياره بسرعه يمشيك أكثر كيلو مترات.
أما الأخضر يخلص بسرعه والفرق 150كيلو تقريبا بين النوعين.
مثال الأحمر يمشيك 600كيلو فالاخضر بيمشيك450كيلو

وأتمنى اني افدتكم واستفدة منكم تحياتي للجميع
حمـــــــود الغربـــــي-حصـــاة قحطـــــــــــان.

[هدهد مهاجر]

في حد علم أخوك..
ان البنزين هو مركب عضوي والمكون الاساسي له هو الأكتان الحلقي C8H8 (أحد مشتقان المركبات الهيدروكربونية)
وأن الرقم المكتوب على البنزين هو درجة جودة ونقاوة البنزين من الشوائب فالرقم 95 يعني انه يحتوي على 95% اوكتان و5% شوائب اخرا
مما يجعله هو الأفضل لسيارة لقلة إحتوأه على الشوائب التي من دورها إلحاق الضرر بالسيارة..
وكما روا لي احد اصحابي من سفره إلى الإمارات أنه يوجد بنزين رقم 98 ولكنه غالي مقارنة بالنوعين الأخرين..ويوجد في بعض البلاد العربية
بنزين بنقاوة 85 بالمئة..
اما بنسبة للون فإن الحكومة السعودية هي من تضيف هذا اللون لكي لا يحصل الغش حيث ان اللون الأساسي لكلا الأنواع هو اللون الشفاف..
..
الخلاصة
الأحمر هو الأفضل لسيارة وهو أغلا من الأخضر بعشر هللات لكل لتر..وخلطهما لا اعتقد انه يسبب مشكلة ابدا
..
ختاماً
أشكرك على طرح الموضوع مما اتاح لي العودة لتذكر ما درسته في السنوات الماضية

[MSAN]

وأن الرقم المكتوب على البنزين هو درجة جودة ونقاوة البنزين من الشوائب فالرقم 95 يعني انه يحتوي على 95% اوكتان و5% شوائب اخرا

أهلا بك يا عزيزي.. واسمح لي أصحح معلومة.. الرقم 91 و 95 ليس نسبة صفاوة.. بل هي قدرة طاقة الوقود على مقاومة الاحتراق المبكر (قبل شرارة البوجي).. لاحظ ان وقود سيارات السباق Fuel race يكون رقم الاوكتان فيه 104 وبعضها 129مثل الايثانول يعني تحت أقسى الضروف مايحترق الا اذا ضرب البوجي شرارة ..

وعشان أوضح الصورة أكثر.. لو تعبي وقود 91 في سيارة سباق يكون الضغط Compression داخل المكينة عالي أكثر من 10.5 على 1 عندها راح ينفجر البنزين قبل لا يضربه البوجي بسبب الضغط الكبير.. وهذا راح يسبب (فرقعة) أو (صرقعة) أو Pre-ignation داخل المحرك ويمكن يتسبب في كسر المكينة


لكن العكس مايضر لو تعبي 95 أو حتى فيول ريس (رقم اوكتان 104) في سيارة عادية ماراح يسبب أي مشكلة

أتمنى تكون وصلت الفكرة..


بالتوفيق

[هدهد مهاجر]

وضحت الفكرة..
جُزبت خيراً..

[الوقيدي]

للاسف بعض الناس يفكر ان البنزين الاحمر اقوى والاخضر ضعيف وهذا خطاء بعض المحركات لايناسبها الاحمر وبعضا يناسبه الاخضر والسبب مشوار الضغط في غرفه الاحتراق . والدليل الاكسنت عندما تعبيها فل احمر تمشي 400 كيلو وعندما تعبيه اخضرفل تمشى اكثر من 500 كيلو الكلام من تجربه .

[مغلي]

91 يعتبر من مخلفات النفط واستغلوه الي سيارته وكاله 91 خل اللمبه تولع وعبي 95 ما يضر بالعكس افضل وشوف العزم الخيالي بس العكس لا اذا سيارتك 95 لا تحط 91 و السبب قلته فوق

مايفرق بالعزم ابدا
.
.
انا اعبي اليوكن بنزين 91
.
.
ومرات اعبي 95 نفس الاداء الفرق فقط في الحساب ...
.
.
الزبده في تصميم محرك سيارتك ... اذا المصنع بالكتلوج قال 91 فهم ابخص ... ولا عليك من موظفي الوكاله ... كلهم ببغاوات يرددون 95 وبس ...
.
.
الاساس كاتلوج الصانع فقط
.
.
كلام الناس و عمال الوكاله و وكالة يقولون ... حطهم على جنب

[الذئب الاسود]

السلام عليكم كيف الحال خلط البانزين جربتها على جمس حوض 2006 كان فيه بانزين النص وماحصلت بانزين 95 وعبيت 91 وبعد مسافه 290كيلو طفت السياره حاولت وحاولت ماليقيت حل الااسحب البانزين واعبي 95 وبعدها دق سلف مايقارب 15 دقيقه واشتغل الموتر مافيه اي مشكل واسف ع الاطاله

[عاشق الددسن84]

السلام عليكم والله انك ذكرتني ツ سالفه صارت معي كنت امشي على ام عزيز والبنزين قبل الفل بشوي يبغاله ٥ ريال ووتفلل طبعا بنزين اخضر واخر محطه بالسريع واجيه قال مافي الا ٩٥ قلت عب والله يستر يوم عبأ ومشيت ٣ كيلو الا طلعت صوت فضخت كبليتر وطفت ونزل وفتح كبوت ثم رحت للتناكي وفكيت مسمار حقه وفرغت البنزين كله ثم فكيت الصفايه وفرغت البنزين ونفخت هوا داخل الي عشان يطلع الي باقي مندس داخل ثم فكيت ال كبليتر ونظفته ثم فكيت البواجي ونضفتهم ثم فكيت الديلكو اناضر للبلاتين الا مضبوط ثم رجعت كل شي نفس ماكان ورجعت كعابي للمحطه جبت بنزين احمممر ٧ ريال واعبيه وم اشتغلت ،،،،، بعد عناء ساعتين مـِْ اشتغلت وتخبرون هال ناس هاليومين محد يساعدك لو تتقطع بالخط الوكاد وفك غطاء المكينة والقى عمود التيمن منكسر من النص ،،، وفك مساميره وطلعه ومسحه عن الزيوت وكان معي معجون ابيض واسود الي يمسككك اقوا شي ثم خلطتهم ومسك عمود التيمن وتركته ساعه ونص يمسك بالشمس طبعا هو يمسك ب ١٠ دقايق قوي بس انا خليته يطول احتياط ثم ركبته ووارجعت قاعده الجنزير الي فكيته ووزنت البلوف ورجعته كما كان وسبحان الله اشتغلت ورجعت عليها من قبه لين صانعيه السليم الي ببريده ونا امشي ٦٠ ثم وصلت هناك وبدلته مع الرجيع ب ١٠٠ ريال وآسف على الاطاله بس تعبت ساعتين ونا إفككك أغراض البنزين واخرتها طلع من العمود وفمان الله

[cadillac911]

السلام عليكم والله انك ذكرتني ? سالفه صارت معي كنت امشي على ام عزيز والبنزين قبل الفل بشوي يبغاله ? ريال ووتفلل طبعا بنزين اخضر واخر محطه بالسريع واجيه قال مافي الا ?? قلت عب والله يستر يوم عبأ ومشيت ? كيلو الا طلعت صوت فضخت كبليتر وطفت ونزل وفتح كبوت ثم رحت للتناكي وفكيت مسمار حقه وفرغت البنزين كله ثم فكيت الصفايه وفرغت البنزين ونفخت هوا داخل الي عشان يطلع الي باقي مندس داخل ثم فكيت ال كبليتر ونظفته ثم فكيت البواجي ونضفتهم ثم فكيت الديلكو اناضر للبلاتين الا مضبوط ثم رجعت كل شي نفس ماكان ورجعت كعابي للمحطه جبت بنزين احمممر ? ريال واعبيه وم اشتغلت ،،،،، بعد عناء ساعتين مـِْ اشتغلت وتخبرون هال ناس هاليومين محد يساعدك لو تتقطع بالخط الوكاد وفك غطاء المكينة والقى عمود التيمن منكسر من النص ،،، وفك مساميره وطلعه ومسحه عن الزيوت وكان معي معجون ابيض واسود الي يمسككك اقوا شي ثم خلطتهم ومسك عمود التيمن وتركته ساعه ونص يمسك بالشمس طبعا هو يمسك ب ?? دقايق قوي بس انا خليته يطول احتياط ثم ركبته ووارجعت قاعده الجنزير الي فكيته ووزنت البلوف ورجعته كما كان وسبحان الله اشتغلت ورجعت عليها من قبه لين صانعيه السليم الي ببريده ونا امشي ?? ثم وصلت هناك وبدلته مع الرجيع ب ??? ريال وآسف على الاطاله بس تعبت ساعتين ونا إفككك أغراض البنزين واخرتها طلع من العمود وفمان الله

الله يقويك على فعل الخير ويعينك على ام عزيز رائع بس قطعاته شينه


اذكر الله تكسب حسنة

[أبن المدينة]

سيارتي برادو 2013
لاجيت المحطة الطرمبه القريبه اعبي منها سواء اخضر او احمر والحمدلله زي الحلاوة