هل خلط البنزين الاخضر مع الاحمر يؤثر على السيارة ... وايهما الافضل للعزم ؟

[الدنيا كذا]

اقوى عزم الأحمر
ومن ناحييه الخلط عادي انا عندي لاندكروزر في اوقات اخلط اذا اطريت

[تركي السردي]

السلام عليكم يااخوان البنزين الاحمر افضل للسيارات الفيول انجكشن وخصوصان الشفر والجمس فوق موديل 2007 لأنه هذه النوع من السيارات فيه نضام اجويتر كلكتر يتحكم بصرف البترول الحين اكثر الخوان مايشعر بس عقب راح يلمس الفرق

[عاقر الحصان]

معي باترول 96 أعبيه 91 ولا اواجه أي مشااااكل وعزمه زين ووالمكينه صافيه (كربيتر)

[بن شمروخ]

خذ العلم مني يابو أسامه من ناحية خلط البنزين

تجربة على هالسيارات
هايلكس 2000 (كلبريتر)
مرسدس 94 320
لومينا 2002 6 سلندر
لاند كرورز 2004 gx
نيسان تيدا 2008
كامري 99
جمس 2001

هذي سيارات عائلة الجيران حول بيتنا شايبهم وعياله وعيال عياله وسواقينهم
من يوم نزل بنزين 91 وهم يخلطون نص التانكي 91 ونص 95 ماشتكوا من شي الا الجمس والمرسدس يقولون يتغير بالعزم والصرفية تزيد وتسمع صوت قرقعة بالمكينة ....

أنا اللي فهمته من كلامه انه السيارة الي مكينتها كبيرة عبها 95 ...

[آبو يآسر]

معي جيب لكزس lx470 موديل 99
سويت تجربة بين الـ 91 والـ 95 من ناحية الممشى

يعني لا إشتغلت لمبة البنزين أعبي 91 وأصفر العداد وأشوف كم يمشي حتى تشتغل لمبة البنزين مره ثانيه
ونفس الحكاية بـ 95

المهم طلعت متوسط الممشى وصار الـ 91 يمشيني أكثر بشوي ، مع فرق السعر
لأني أعبي التانكي 91 بـ 30 ريال تقريبا و 95 بـ 45 ريال تقريباً

لي مدة وأنا أستخدم 91 .. علماً أنه ما يفرق معي الموتر لاعبيت 91 أو 95

[دل البحار]

لا يؤثر ولا تخاف كلها واحد

[غازي المحمادي]

افضل 95
خلط 91 مع 95 لايؤثر على السياره كله بنزين

[الشاهين2004]

بنزين 95 افضل من 91 والفرق بالسعر تلاقيه بعزم السيارة وقل صرف البنزين

[أبوفـهـــــد]

االاحمر مايحترق بسرعه يطول في المكينه
والاخضر خفيف

[الزعل ممنوع]

ماعندي زود على الاخوان
ولكن الي اعرفه انه كل سيارة حسب الماركة والموديل لها والافضل بنزينها الخاص والمكتوب في كتيب السيارة
اما اذا انت مضطر مثلا على خط سفر اكيد بتعبي لو ازرق
هههههههههههه
شكرا

[هنيالك]

خلط البنزين يؤثر .. انا كنت اعبي 95 و حولت على 91 واختربت الطرمبه بسبب البنزين !

[الباحث_6610]

السلام عليكم ورحمة الله وبركاته

سؤالان لأهل الخبرة

السؤال الاول

هل خلط البنزين الاخضر 91 مع الاحمر 95 يؤثر على السيارة .؟

احيان الواحد يضطر يعبي اخضر اذا ما فيه احمر والعكس

خاصة اذا كنت في خط طويل واضطريت الى ذلك

السؤال الثاني

من اقوى في العزم الاحمر ام الاخضر .؟
ام متساويان

ولماذا هذين اللونين

ما هي مرئياتكم

وتقبلوا تحيات ابو اسامه

من التجربة يأثر خلط البنزين على أداء السيارة
اتوقع اللونين علشان تفرق بينهم
والبنزين الأحمر أقوى عزم بس غالي

[binamerah]

كلهن نفس الشي
وبعدين على حسب ما يقول الكتالوج حق السيارة

[ابن عيّاف]

عااد اسمعوا الكلام اللي يجمد على الشارب
>>>> جااكم اللي يخرع
هههههههههههههههههههههههههههههههههه

انا عندي سيارة نيسان

مكتوووب في الكتالوووج لا تستخدم بانزين اقل من 95

>>>>>يعني ما يصير تحط 91 مهما صار

ومرة كنت بالبر و بالتحديد بالصمان و يوم وصلت للدخله نسيت اني اعبي في الرفيعه

فاضطريت اني اعبي من احد الهنووود اللي عندهم جراكل بانزين 91

عبيته و دخلت الصمان و طلعت من الصمان و عبيته 95 ورحت للرياض من غير ما يصير اي شي
او اسمع شي

حبيت اشاركم فقط و مشكورين على الموضوع و ما قصرتوا

[بن دويش]

السلام عليكم...
كيف الحال ياأخ أبو أسامة
من واقع تجربة أقوالك
إذا السيارة معودها على 91أو95لمدة طويلة وفجأة غيرتها تلاحظ المكينة تهتز إذا وقفت السيارة وجلست شغالة.
أنا معي جيب دوج Netro موديل 2009
ما أعبيه إلا 95(الإنها مصممة على هذا نوع من البنزين) أضطريت مره إني أعبي91
صارت المكينة بعدها تهتز إذا وقفت وجلست السيارة شغالة
إلين ماصفر التانكي وراح الأهتزاز
صارت معي ثالث مرات كل مأعبي 91
سألت الوكالة قالولي إنه المكينة مصممه تحرق بنزين95
كل ما قل كفائة البنزين يعني(الأوكتين)
قل أداء المحرك و يسبب مشاكل لها.
أما بالنسبة للخلط فما قد خلطة البنزين فما مأدري.
هي معتمده على عدة عوامل:
1-حجم المكينة 10.8.6.4سلندر.
2-سعة المكينة 2.4و2.7و5.7إلخ..
3-الشركة المصنعة للسيارة وتصميم المحرك .
ايهما أفضل للعزم ؟
كل مازاد الأكوتين زاد أداء المحرك.

هذا إلي عندي وأرجو إني أفدتك
إعذرني إذا قصرت...