المشاركة الأصلية كتبت بواسطة حاضر بالنواظر
مساء الخير ياشباب
أنا شريت برادو 2010 txl ستة سلندر اتوماتيك مستعمل ماشي تقريبا 66,000 لؤلؤي نظيف ولله الحمد وعندي بعض الإستفسارات ياليت أهل الخبرة يفيدوني ومعليش يمكن أطول بسئلتي لكن تحملوني
1. كم سعر البرادو الي زي مواصفات سيارتي( ثلاجة , اتوماتيك , مكيف خلفي , سته سلندر , لون لؤلؤي نظيف)
2. فيه بعض الأزرار في البرادوماعرفت وظيفته زر على شكل أربع إطارات وفيه بالوسط علامةx اسمه في الكاتلوج مفتاح إبطال / فك إبطال التروس التفاضلية المركزية وانا والله مافهمت شيء ياليت فيه أحد يشرحلي بالعامية وش وظيفه هذا الزر هل هو دفلوك مع شيء من التفصيل مانستغني عن خبرتكم
3. زر على شكل سيارة نازلة واسمه في الكاتلوج مفتاح التحكم في تحديد السرعة أثناء النزول على محدرات ودي أعرف بالعامية وش وظيفته بالضبط
4. انا متعود على اليوكن اتركه مشغل واقفلة بالريموت وادخل محل لكن بالبرادو ماهي أفضل طريقة لتقفيل السيارة (معليش سؤال غبي شوي)
وعليكم السلام مساء النور
ماشاء الله تبارك الله الله يطعمك من خيره ويكفيك شره
بنسبه لسعر الموتر ولله مالي به علم توي شاري 2010 vx بدون هدروليك بدون مراتب جلد ماشي بحدود 55 الف ب 140 اتوقع موترك من 125 وطالع
وبالنسبه للزرار ألي بالنص علامة × هذا زرار الدبل الخفيف يوزع قوة التروس 50% قدام و 50% بالخلف
وبالنسبه للزر ألي على شكل سيارة نازله هذا مساعد السيارة في المنحدرات ولا تشتغل ذي الميزة ألا مع الدبل الثقيل فقط
يعني لما تنزل من طعس ولا من نزله ويزحف فيها الموتر يوازن قوة الفرامل على حسب الثبات على السطح المستوي وسو تجربه بأي نزله خفيفه الموتر يدحدر فيها سواء على زفلت ولا رمل وقف وشغل الدبل الثقيل ألي هو الفرار واضغط على الزر على شكل سيارة نازله ولا تضغظ فرامل ولا شي وخله يدحدر شف وش يسوي الموتر تلاحظ انه يمسك فرامل لوحدة حتى لمبات الفرامل الخلفيه تولع مع ذي الميزة
وبنسبة لتقفيل السيارة وهي شغاله بالمفتاح الصغير ألي بالريموت .
أتمنى وصلت المعلومه واي سؤال اسال بارك الله فيك .