رابطة ملاك البرادو الجيل الجديد 2010

[نافع الشمري]

السلام عليكم

يا أهل البرادو

ياليت أحد من الشباب يفيدنا بسعر البرادو موديل ٢٠١١ خليجي
اللون : لؤلؤي
المقاعد: مخمل
الأسبير: علاقي بالباب
كاميرا خلفية
وشاشة فيها نيفيقيشن


الممشى : 79000 كم

البدي وجميع المحركات سليمة حسب كلام صاحب السيارة
ويقول لك حق الفحص


كم تتوقعون السعر حسب المواصفات أعلاه؟




سؤال آخر هل أستطيع إدخاله على ضمان عبداللطيف جميل؟

وان اشتريته الله يكتب لاجميع الخير أكون المالك الأول له بالسعودية فمازال بلوحات جمركية




أرجو الإفادة يا إخوان وخصوصا السعر


وشكرا لكم مقدما

[نافع الشمري]

Up
Up
Up
Up
Up

[الملهماوي]

الموتر ماعليه كلام حتى المواصفات حلوه وممشاه طيب

لكن السعر مالي خبره فيه

لعل الشباب يفيدونك ويكتب اللي فيه الخير

[نافع الشمري]

جزاك الله خير

وبانتظار بقية الأعضاء لعل أحد يفيدنا

[عويض الوابصي]

شباب احد زملائي معه برادو 2012 6 سلندر قيرعايدي ويبي يعرف كم علبة زيت يغير له مع السيفون وبدون سيفون

[الجوال0]

يا أخواني الأعضاء / سؤال معي برادو2011 وأذا شغلت المكيف تبريده ضعيف وشهي المشكله هل فيه فلتر للمكيف ووين أجده جزاكم الله خير

[نافع الشمري]

أخونا الجوال0

احتمال مشكلة المكيف مثل ما ذكرت انها من الفلتر واحتمال مكانه فوق الدرج الداخلي لما تفتحه اذا كان مثل بقية بعض سيارات تويوتا

[الجوال0]

بارك الله فيك أخوي نافع ومشكور

[فيصل الجربوعي]

سلام عليكم
اخواني الاعزاء عندي مشكله في التواير
سيارتي برادوا 4 سلندز 2010 الجنوط 17
ونا راعي مقناص
التواير دنلوب حقت الوكاله اتعبتني في البناشر
ركبت بالون مالوان وثقيله بالحيل ولازم اشل الدواسات

الشاهد ممكن تواير حجري ولا بالون تنصحوني فيها
ممتازه في الرمل والمطب الزين
ولاترهيم جنوط
16
والله يعطيكم العافيه

[moad3]

تم شراء برادو 2011

وتم تركيب شراع للشنطه من محلات الرحلات(ب198 ريال)

وتم تركيب تانكي الوطنيه سعة (100) لتر

طبعاً التانكي هذا نقلته من اكثر من سيارة(سفاري فتك+برادو2006+جي اكس ار2012+برادو2011)والحمدالله نفس المقاس ونفس الخدمات والطعم والله الحمد مايتغير وسعره مناسب فقط ب(220) ريال ورغم اني لم البسه بتنزاني فقط مباشر اركبه بالسيارة


وتم وضع العزبه (عزبت شاهي +عزبة طبخ) وقز بريموس+الدبه الوسطيه لا اعلم مقاسه+صباره متوسطه

وطبعاً اغراض المكشات من فرشات وفراشين

صح اني لاحظت انه فيه فرق بينه وبين الجي اكس ار .. لكن وبكل صراحه ممتازه نوعاً ماااا

الصوره التاليه ليس لجميع العزبه ... لكن توضيح لبعض الاغراض والتانكي






وبصراحه جربت البرادو في الخط والبر من ناحيت عزم وصرف بانزين ممتاااااااااز جداً


تم تجربته من عنيزة الى الرياض ع سرعه 140-160 (صرف تقريباً اقل من نصف التانكي ) والتكييف شغال والثلاجه وكان الوقت الساعه 10 صباحاً

هذي بعض النقاط الي عندي واتمنا اني وصلت لكم بعض المعلومات الي تفيد الجميع وشكراً ع هذا الموضوع الي فاد الكثير والله يكتب الاجر للجميع يارب

[ِAbu Ghala]

أخواني السلام عليكم
أرجو النصيحة بشكل عاجل أرغب بشراء سيارة جديدة، وأنا راعي بر ومقناص خفيف يعني مالي بالطعوس و النفود
حبيت رأيكم بخصوص برادو 2013 المكينة 4 سلندر ستاندرد من الوكالة 107 ألف ريال
أو راف 4 موديل 2013 2500 CC فل كامل دفع رباعي حول 100 ألف ريال
أو نيسان إكستيرا 2012 6 سلندر 4000 سي سي حول 102 إلى 107 ألف

[أبو محمد 3113]

تم شراء برادو 2011

وتم تركيب شراع للشنطه من محلات الرحلات(ب198 ريال)

وتم تركيب تانكي الوطنيه سعة (100) لتر

طبعاً التانكي هذا نقلته من اكثر من سيارة(سفاري فتك+برادو2006+جي اكس ار2012+برادو2011)والحمدالله نفس المقاس ونفس الخدمات والطعم والله الحمد مايتغير وسعره مناسب فقط ب(220) ريال ورغم اني لم البسه بتنزاني فقط مباشر اركبه بالسيارة


وتم وضع العزبه (عزبت شاهي +عزبة طبخ) وقز بريموس+الدبه الوسطيه لا اعلم مقاسه+صباره متوسطه

وطبعاً اغراض المكشات من فرشات وفراشين

صح اني لاحظت انه فيه فرق بينه وبين الجي اكس ار .. لكن وبكل صراحه ممتازه نوعاً ماااا

الصوره التاليه ليس لجميع العزبه ... لكن توضيح لبعض الاغراض والتانكي






وبصراحه جربت البرادو في الخط والبر من ناحيت عزم وصرف بانزين ممتاااااااااز جداً


تم تجربته من عنيزة الى الرياض ع سرعه 140-160 (صرف تقريباً اقل من نصف التانكي ) والتكييف شغال والثلاجه وكان الوقت الساعه 10 صباحاً

هذي بعض النقاط الي عندي واتمنا اني وصلت لكم بعض المعلومات الي تفيد الجميع وشكراً ع هذا الموضوع الي فاد الكثير والله يكتب الاجر للجميع يارب

ماشاء الله تبارك الله
الله يبارك لك فيه

[يالله توفيقك]

أخواني السلام عليكم
أرجو النصيحة بشكل عاجل أرغب بشراء سيارة جديدة، وأنا راعي بر ومقناص خفيف يعني مالي بالطعوس و النفود
حبيت رأيكم بخصوص برادو 2013 المكينة 4 سلندر ستاندرد من الوكالة 107 ألف ريال
أو راف 4 موديل 2013 2500 CC فل كامل دفع رباعي حول 100 ألف ريال
أو نيسان إكستيرا 2012 6 سلندر 4000 سي سي حول 102 إلى 107 ألف

مرحبا اخوي
من ناحيتي ما انصحك بالبرادو 4 سلندر لان عزمه يصير ضعيف اذا حمل
زود قريشاتك شوي وخذ 6 سلندر
ولك الخيار

[ابو جعفر 2]

السﻻم عليكم ورحمة الله وبركاته يسعدني ويشرفني ان انضم اليكم رابطة مﻻك البرادو 2010
انا يا اخوان شريت برادو 2010 6سلندر txl القير توماتيك وعادي ماشي تقريبا 70 الف قبل 5ايام وطلعت لي مشكله في القير وقلت مالي اﻻ ادخل رابطة مﻻك البرادو وحبيت استشيركم ويمكن احد صار له مثلي المشكله لمن امشي على السياره 60 واضغط دواسة البنزين عشان ازيد السرعه اسمع صوت طق في القير وسرعه 40 مايطلع و80 برضه مايطلع صوت الطق. وايضا الجيب ضعيف في المرتفعات
افيدونا الله يرحم والديكم ولكم مني خالص التحيه. اخوكم ابو جعفر

[al3jeeb]

السلام عليكم هل صحيح ان مساعدات لاندكروزر vx 97 و مساعدات الاف جي تركب على البرادو النوع الجديد من 2010 ....وفوق