15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
الحمدلله شريت 2015 والصراحة اول مرة اسوق البرادو بحياتي علما اني سايق كثير وملكت كثير بفضل الله
لان وباترول واكبدشن وفكتورا وكابريس وبي ام 2012 اخرها صراحة متفاجىء بجودة الداخلية والعزل وصوت المكينة برا عالي وجوا السيارة فعلا تحسبها طافية وانت ماشي مايفرق عن السيدان والداخلية ماشاء الله جامدة وتحس انها فعلا صلبة ومصنوعة باتقان والله ذكرتني بالكرسيدا.
الحمدلله احس انه كان خيار موفق باذن الله
مكشاتي متقدم
بليزر بعد البرادو يبي لك تدور موتر صغير تخصصه للمشاوير القريبة سواقين الايام
هذي لك عليهم وترى انا مثلك أخذت بس 2014 وحاسس اني محتاج لموتر ثاني صغير
خوفاً من السواقين اللي يسوقون على غير سنع الله يطعمنا واياك من خيرها ويصرف عنا شرها
ووفق الله من أمن على هذا الدعاء
مكشاتي
السلام عليكم .. معي برادو 2010 خليجي قبل كم يوم غيرت زيوت القير والدفرنس وصوف الدبل في الوكالة وأحس (أحيانا) بعد ما غيرتهم أن السيارة فيها مثل الرجفة إذا هديت وقبل توقف السيارة بشكل كامل وأحيانا إذا قومت الموتر وأنا مهدي !!
وش المشكلة في ظنكم؟؟ والحل ؟؟
مكشاتي
اللهم امين
والله اشوف انه صغير وسواقته مريحة عيبة مرتفع جدا من الجوانب ماتشوف لو حولك صبات او بلوك وهو اكثر ما يعجبني الارتفاع لاجل تحويلات الرياض والمواقف اقرب رصيف وفك عمرك واحسه مرتاح بالارصفة والرمل اكثر من الاسفلت
مكشاتي
الحمدلله جبت العلم الاكيد
الفل 150 لتر او التانكيين مشى معي 986 وممكن يغلق الالف سواقة داخل البلد وخط وطعوس يوم وسرعات الى 160 الحمدلله صرفية ممتازة لدبل متواصل
مكشاتي
السلام عليكم ورحمة الله وبركاته
عندي مشكله بالبرادو اللي هي اذا شغلت النور زر mood يبدا مايشتغل مدري ليش .
اذا احد من الاعضاء يقدر يفيدنا اكون له من الشاكرين
ولكم تحياتي موديل البرادو 2012 txl علما ان السياره مركب عليها شاشة flyaudio
مكشاتي
السلام عليكم .. اليوم ركبت طقم يايات ومساعدات استرالية عند الرماية اللي بشارع التخصصي .. المهم أني بعد ما طلعت بفترة أسمع صوت صرصرة باليايات مثل صرصرة السست ! وش السبب ؟ والحل ؟
مكشاتي متواصل
السلام عليكم شباب حبيت اسال عن مساعدات البرادو مديل 2011 الاماميه + الخلفيه لانها تعبانه ولازم انه تتغير ولكن سعرها غالي بالوكاله.
هل فيه مساعدات تركب عليه وبسعر رخيص ارجو الافاده من اهل الخبره وشكرا...
مكشاتي متواصل
تاكد من عيار زيت القير لا يكون ناقصالمشاركة الأصلية كتبت بواسطة بوعلي التميمي
جرب تشحم عمود الكردان
مكشاتي
صاحب التانكي اذا كان التانكي يجي محل المراتب الخلفيه دق علي 0505614736
مكشاتي ذهبي
السلام عليكم تم اقتناء برادو 2011 كويتي ولله الحمد..
أتمنى أستفيد وأفيد من الرابطة..
مكشاتي ذهبي
بالنسبة لبعض المشاكل اللي تظهر في السيارة بعد صيانة أو تركيب قطع معينة..
أشوف إنه أفضل شيء الواحد يرجع للمكان اللي اشتغل فيه خصوصا لما يكون الموضوع عند الوكالة لك حق إنك تسأل عن سبب تغير سيارتك، وتطالب بحل المشكلة..
مكشاتي ذهبي
المساعدات المتوفرة حسب علمي:
1- مساعدات بسعر معقول مقابل عمر جيد، وهي مساعدات مونور أمامي (أمريكية) وفكس آر 97 أو98خلفي، هذي جربتها على موتري السابق 2007 برادو جلست معي حول السنتين كاني منب واهم، وسعره المونور أمامي 390 ريال والفكسار 170 ريال، هذا بأواخر 1432 تقريباً ونزلت لها تقرير بمكشات.
وفيه مساعدات بديلة للمونور وهي جبرائيل أمامية لكنه أغلى ويقولون أقسى.
2- مساعدات بسعر مرتفع مقابل عمر أطول، وهي المساعدات الاسترالية اللي عند الرماية (أولدمان) وهذي طقمها أظنه 2000 وزيادة لأن طقم اليايات والمساعدات أمامي خلفي يكلف 3500 واليايات على 700 للحبتين فيتكون بحول هالسعر..
لكن أهم حاجة في المساعدات واليايات هو القساوة+حاجتك لمميزاتها مقابل سعرها، مثلا بعضهم بباله يبيع موتره بعد سنتين حرام يركب مساعدات ب2000 وعنده خيار مناسب بالسعر والجودة..
لكن يبقى موضوع القساوة مهم، لأن هالنوعين للاستخدام البري بالدرجة الأولى..
والاستخدام البري يرتكز على حاجتين رئيسية:
1. استيعاب ثقل الأغراض، تانكي مويه خيمة عزب ..الخ وهذا لابد يكون الياي قاسي عشان ما ينزل.
2. المساعدات تكون شادة عشان الموتر ما يلعب مع ظروف المشي بالبر، وهذا يخلي المساعدات معطية الموتر برضه قساوة تظهر مع المطبات.
وبرضه الاستخدام البري برضه مهم فيه ارتفاع الموتر عشان ما يحك بالارض..
مكشاتي ذهبي
هذا الموضوع اللي أشرت له..
والمساعدات تركب على البرادو القديم والجديد مع بعض التوليف..
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس