رابطة ملاك البرادو الجيل الجديد 2010

[hammoudi]

💮حراج اليوم 💮haraj102في الانستقرام.
لعرض اعلاناتكم بآنواعها
للتواصل عبر الواتس اب 0508656102

[ابراهيم الفوزان]

ياشباب اناشريت برادو وبركب له بالون قالولي لازم تحك الكليبر دلوني عل اي ورشه يالربع تشتغل به بالقصيم

[الصخري]

ياشباب اناشريت برادو وبركب له بالون قالولي لازم تحك الكليبر دلوني عل اي ورشه يالربع تشتغل به بالقصي

اولا
مبروك الموتر الله يعطيك خيره ويكفيك شره
ثانيا
نصيحه من اخ لخوه
هج عن البالون تبي تعدم موترك

[ابراهيم الفوزان]

اولا
مبروك الموتر الله يعطيك خيره ويكفيك شره
ثانيا
نصيحه من اخ لخوه
هج عن البالون تبي تعدم موترك

والله ياخوي الشكوالله ملزومين خبرك بر وصيد لابد منه

[sami6]

السلام عليكم
معي برادو2011
فيه كتمه خفيفه عند التقويم بس في الصباح واذا احتمى الموتر تروح
وش الحل ياخوان

[sami6]

لـــــــــــلـــــــــــرفــــــــــع

[أبو معاذ 2]

السلام عليكم

توجد في اليمين من جهة الزجاج فتحتها لقيتها فاضية ما أعرف اش فايدتها طبعا ودي اركب بطارية اضافية ومضايقتني طبعا البرادوا 2014

[بلاستيك]

ياشباب ممكن احد يشرحلي الصوره ذي



برادو 2016
اذا دخلت النفود وش اضغط عليه
واذا غرزت وش اسوي

[برادو 2015]

حياكم الله بالنسبه لمشكلة تشغيل اللمبة على الولاعه
اذا طفيت البرادو وضغطت زر التشغيل مره وحده
وشبكت اللمبة على الولاعه تجلس ثلث ساعه وتطفي
لازم اقوم واضغط زر التشغيل مره وحده وتستمر اللمبه شغاله ثلث ساعه
عشان تنحل هالمشكله تحط القير في وضع N
وتنحل هالمشكله
الي عنده حلول ثانيه يعطيناها لاهنتو

[x.ls1.x]

ياشباب ممكن احد يشرحلي الصوره ذي



برادو 2016
اذا دخلت النفود وش اضغط عليه
واذا غرزت وش اسوي

الخيار الاول A الي هو الفرار لشبك الدبل الثقيل وهذا نادر تستخدمها اما لسحب احد مغرز او اذا انت مثولث , هذا اذا جيت تشغله ضروري توفق وتفضي القير وتضرب بريك وتفر الفرار يمين لين تسمعه شبك وتولع لمبته بالطبلون 4LO ولازم تشغل قبله الخيار الي بال B و C واذا جيت تطفيه لازم بريك والقير بالفاضي

الثاني B هذا عشان تشبك الدبل بشكل كامل لان البرادو دفع رباعي مستمر بنسبة 30% امام 70% خلف واذا ضغطته بيوزع الحمل 50% امام وخلف وهذا اذا جيت تشغله لازم تفضي القير وتضرب بريك

الخيار الثالث C هو الدفلك الخلفي والي يوزع الدفع 50% بيين الكفرين الخلفيه ولا يخلي الفاضي او الي مرتفع بالغراز يدور بوش وهذا اذا جيت تشغله لازم تفضي القير وتضرب بريك

نصيحه لك افصل التركشن في حال الدخول للبر او السحب عشان مايعذبك النظام والطريقه انك تعلق على الزر الي بالصورة لمدة 5 ثواني تقريبا لين ماتولع عندك بالطبلون لمبيتن

[x.ls1.x]

هذا رابط للاستزاده وشرح بالصور ورحله موفقه ياصاحبي

http://www.toyota4arab.com/forum/t211962.html

[برادو 2015]

ماشاء الله عليك أخوي x.ls1.x
شرح وافي ومعلومات مفيده
شكرآ لك

[x.ls1.x]

ماشاء الله عليك أخوي x.ls1.x
شرح وافي ومعلومات مفيده
شكرآ لك

العفو حبيبي , والله يوفق الجميع

[برادو 2015]

السلام عليكم
ياأخوان هل يوجد قروب واتس اب للبرادو
واذا موجود لاهنتو كم الرقم

[fee__foo]

يوجد قروب في التيليقرام نشط وحي لملاك البرادو الي يبي اضافة يكلمني على التيليجرام على يوزر @ifeefoo