كيفية التخلص من القطط اعزكم الله؟؟؟؟؟؟؟؟؟؟؟؟؟؟؟؟؟؟؟

[oqlak]

جب لك قنفذ واطلقه بالحوش وهو يطرد البساسه وينظفلك الحوش من كل الحشرات صوارير نمل عقارب اي شي يتحرك

[طلعة بر]

مع اني عمري ما قد قدمت لهم اكل الا كنت اشتكي منها قبل اكثر من عشر سنوات لوجود 7 قطاوه في البيت ياكلون تكرمون من زبلة الشارع ويجون يسمرون عندي ، كنت وقتها عزوبي وانوم في ملحق في البيت وفي بعض المرات انسى اصك باب الملحق ... واذا جيت للبيت تعبان ودور الفراش الا اشوفها طالع من الملحق وعاملها في مرّقدي وما تشوفني غير متنكد ذيك الليلة من نطلة الفراش وشراء فراش جديد من بكره
ما خليت شي ابي اطردهم بس بدون فايده الين جاب لي واحد من الربع الله يجزاه خير مصيده مفصلها اضن انه مخصصه للثعالب الذئاب تكرمون مثل حقت الفيران بس اكبر ( اضن اني شفته مقارب منها في بعض محلات العدد في شارع الامير سلمان في الصناعية القديمة بالرياض )
ما عليك الا تحط قطعة عظم مع شوي لحم من باقي غداك (وتضع المصيدة في اماكن توجدهم) ونتظر خمس دقايق الا وهي صايده لك واحد وتودي المصيدة اقل شي بعد ثلاث كيلو عن بيتك وتطلقه هناك
من ناحيتي يومين فقط وسبع قطاوه الى عندي ذابهم بعد 5 كيلو ولا عاد شفتهم

مشكلة المصيدة ... المشاوير علشان تذبهم

عشرين قطو ! شكلك ساكن في الحاره الى كنت انطل القطاوه فيها ترى امزح

[النمر]

لمنع القطط من دخول المنزل اسكبي مسحوق الكبريت في عتبة الدار.انل شخصيا جربتها ونجحتطيب تقدر ترش على باب شقتك وامام الباب عطر مركز رائحته قويه جدا او تخلط نشاء مع ماء وترش على الباب ..وباذن الله ماراح تجي على بابك قطط الشوارع ابد اخلط عصير ليمون مع مويه ورشه عالباب او فلفل اسود او عطر ريحته قويه رش معطر بالحمضيات خاصة رائحة البرتقال

[تناهيت]

يااخوان الا حد اللحين مالقيت من كلامكم شي اسوية وافتك من القطط من دون قصور بردودكم ولكن ابي حل عندي خدامتن تقول عيالها القطاوه بس توكلهم اي شي فايض من البيت ببطن القطووو علنها سيرلانكية والقطوا اذا شافها قام يمشي يمينها ويسارها عجزت ياربعي ومليت من كثر ماكلم هالخدامة

الحل السريع تسفرون شغالتكم

والقطاوة تبي تنصدم بالموضوع وبيشوفون لهم دبره غير بيتكم \\\
عزيزي القطو اذا ارتاح في اي بيت صعب يتركه حتى لو ماحصل احد يعطيه اكل
عندنا قطو له اكثر من 6 سنوات وهو يولد وفالها في الحوش وكل سنه نعرف كم عياله ووش وضعه صار يمون على اخواني لدرجه انه يمر من عندي ووهو ولا همه واذا كان برا البيت ومتعيجز يطب مع السور يحترينا الين نجي ونفتح له الباب طال عمره وغصب علينا ولا بتصير علوم
واذا صار فيه ضيوف ما نشوفه الين يروحون رهيب القطو حقنا
حاولت كثير ازعجه لاكن ازعجني بتصرفاته صار يخش اي غرفه ويحوس الدنيا ويمشي ويبول اكرمكم الله والقراء في كل مكان سبحان الله من بعدها تركناها في حاله وصرنا نفقده ونسال بعض المرات بدون ارداه عنه بينا وبين الأهل هاه القطو مبطي ما شفناها واللي يقول عسى ما صار عليه حادث واللي يقول شاطفني ف يالتقاطع معه صيده واللي قول شايفه البارح غازي بيت الجيران واللي يقول شكله سحب علينا وهكذا تسير حياه القطو في بيتنا ........

المستفاد من القصه
ان القطو صعب تردعه من البيت الا بالقوه المضره لشخصه والت ي قد تقضي على حياته او تهجيره وهذا لا يجوز من باب العطف على الحيوان

وهذا احنا عايشين

',

[دل البحار]

السبب في انهم يا لقيو ظله او اكل او ماء للشرب وممكن مكان للتوالد

[q81963]

كان عندي بالمزرعه حول 7قطاو ياكلون الدجاج ويرتعون بغرف العمال جبت للعامل سم اسمه لانيت او جره وحط السم في الباقي من غداه والله مامر ساعه ورجع الا السبع قطاو مسدحين فوق معظ ميتيييين وانتهت المشكله

[ابن الخليج]

هذا الحل الوحيد وبعدها ولاتشوف اى قطو في الفريج

[طلااالي]

افتح الابواب والحقهن لين تطلعه مع الباب وصك الباب

[المتميز 911]

جب لك سلقة يومين ولا راح تشوفهم مع قطع الإمدادات

[راعي المطافيل]

لا تذبحن ولا شي شوف لك خيشه كيس رز ابو خمسين وعبهن فيهااا وابعد مطعم كبهن فيه

[أبوهيام777]

الله يجزاك خييييير

[حسـام]

تذكرة ابو هريره
رضي الله عنه
على العموم يا اخي ارحمهن وخلك رحييييم بهن
وتذكر حديث انما يرحم الله من عباده الرحماء

[مداحش]

ههههههه - والله ياخوان نفس المشكلة عندنا قعدت افرفر ادور حل لقيت هالموضوع , صراحة ردود الشباب تحفة
محد عنده حل , الي استغربه ( إن القط طاهر ليس بنجس ) <<< غريب

[الشاعر22]

امسكهم واحد واحد وابعدهم

[وحش الاحرار]

يابعدي دورك بلحاره من المبزره وعطهم عشرت اريال وخلهم يطردونهن لين يطلعن برا الحاره