موقد الفراشة الكوري .. موقد المهمات الصعبة .. تقرير من سرهيد

[سرهيد]

ماشاء الله تبارك الله

تقرير وافي يا أبو عبدالله

والزين مايجيب إلا الزين

وتوصيتك نثق فيها ويبيلنا واحد مثله والتجربه تكون في شعيب الواشله وعلى كبسه يحبها قلبك

وياليت وصف للمحل علشان نسيَر عليه ونشوف وش عنده من جديد ومنها ناخذ الفراشه قبل تطير

الله لايهينك يا عمده

تقبل تحيتي

هلا وغلا باخوي الكريم رعد الصحراء

والوافي هذا التواجد الكريم من شخصك اخي الكريم

وطلبك تم طال عمرك وكل شيء عليّ الا الطبخ هذي ما يبي له شيء فانت ابو الطبخ وابو الكبسات ... نبيها على بشاورية يحبه قلبك

بس انت حدد واحنا حاضرين

اسعدني مرورك فديتك

ماشاء الله تبارك الله ..

حقيقه تقرير رائع وشرح وافي الله يعطيك العافيه يابو عبدالله

كعادتك ماشاء الله ابداع وتميز وتقرير من اروع التقارير

بعد هذا الموضوع موقد الفراشه بالعزبه مباشره

والسعي 2.5 لصاحب الدعاية

حفظك الله ورعاك يابو عبدالله

لك وافر واغلا تحياتي وتقديري

هلا وغلا بالعزيز ابو محمد

وشرفني هذا التواجد الكريم من شخصك الطيب لا خلا ولا عدم

والابداع يستاهل الوجيه الطيبة شرواك

اما السعي فما يحتاج 2.5 وتراه يفدى ذا الوجه ولك مني واحد هدية بس عسى الله يسهل شوفتك يالوجه الطيب

ونسعد بك فديتك

اشكر لك تواجدك

تقبل مودتي

[سطام vip]

بسم الله الرحمن الرحيم

السلام عليكم ورحمة الله وبركاته

تقرير رائع كما تعودنا منك اخي الكريم ابوعبدالله

تطرقت لكل النقاط ما شاء الله عليك

الف شكر لك وتقبل مروري والرد

دمت بخير

[ارتست]

تقرير محكم ومتكامل من شخص محترف
شكراً لك أخي سرهيد

[بن سليم]

السلام عليكم ورحمة الله وبركاته :


ابوعبد الله /

روووووووووووووووووووح ياشيخ



الله يعطيك العافية ويسلم يديك ويرحم والديك

تقرير مسكت

يبالي ليا بغيت اسوي تقرير مثلك اول شئ اشاورك ثمن انزل الموضوع

ماشاء الله تبارك الله

[hih313]

ابو عبدالله
ماشاء الله عليك
ابداع متواصل
بصراحة كنت استنى موضوعك على احر من الجمر
كفيت و وفيت ماخليت لاكبيره و صغيره عن الموقد الا و تكلمت عنها
اتوقع من بكرة ماراح تحصل و لاحبة من هذا الموقد في السوق
بيض الله و جهك و الله يجزاك كل خير على افكارك و مجهودك و وقتك اللي تصرفها في خدمة اخواك اعضاء المنتدى

اخوي ابو عبدالله عند استفسار لو سمحت لي
بالنسبة للصورة التالية اللي في موضوعك


عجبتني طريقة تركيب لي سرهيد مع هذا المحبس و كنت سألتك بالامس على الخاص عن محبس الفراشة الاصلي بحيث اركبة مع لي سرهيد و اعطيتني فوراً الجواب الكافي و ماقصرت ..جزاك الله الف خير
ياليت لو تشرح لي كيف ركبت لي سرهيد مع هذا المحبس.الطريقة رائعة و و دي اطبقها على لي سرهيد اللي عندي.

[ابو عبدالرحمن 76]

ما شاء الله يابو عبدالله كفيت و وفيت
تقرير ما علية كلام و خاصة الصيانة لانها مهمة جدا
جزاك الله خير

[تركي الضرغام]

السلام عليكم
أخوي سرهيد
يمال العافية على هالتقرير نبي نكلف عليك ببعض الأسأله
س/ مامدى تحمل أرجل الموقد قصدي للطبخ
أكلف عليك بعد أيهم أفضل كوفيا العقرب ولا هذا

[محمد البيشي]

بيض الله وجهك كفيت ووفيت

تحياتي لشخصك الكريم

[سرهيد]

بيض الله وجهك ابو عبد الله
ورحم الله والديك
تقرير وافي من رجال خبير
لاهنت

هلا وغلا باخوي الكريم قناص خلاوي

ويحيك ربي

ووجهك ابيض جعلني ما اعدمك آمين

واسعد بان التقرير حاز على رضاك

تقبل مودتي

[برادو97]

كفيت ووفيت يابو عبد الله رحم الله والديك،،، تقرير روعة بروعة صاحبة
هل موجود في برق الحيا؟

[السلسبيل 722]

الله يعطيك العافية ابوعبدالله ..

تقرير رررررررررررائع جداً عن الموقد العجيب ولاهي مستغربه منك استاذي عن هذة التقارير والمعلومات القيمة التي تتحفنا بها ونستفيد منك ومن خبرتك الطويلة بهذا المجال .
اتمنى لك التوفيق والسداد بالدنيا والآخرة ... وشكراً
أخوك السلسبيل .

[فيض العطاء]

ماشاء الله تبارك الله
كالعاده ابو عبدالله تقرير رائع لموقد يستحق الإقتناء
كفيت ووفيت وبيض الله وجهك
اخوك ابو عبدالله

[nahham]

تقرير مميز ومدعم بالصور من خبيرنا واستاذنا سرهيد

باختصار
اعتمدت الشراء ان شاء الله

تحيتي لك

[فصاص]

السلام عليكم

الله يعطيك العافيه يابو عبد الله ويحرم يدياتك ووالديك عن النار

عز الله لو برجع لكتلوج المنتج ماراح القا هالشرح والمقارنات ,, لا خلا ولا عدم منك يالغالي

بس ولا عليك امر لو تقول لنا وين موقع الوكيل كان ياسلام اليابس اسمع به ولا ادري وينه

واذا هو متوفر باحد محلات الرحلات كان ياسلام سلم.

بعدين ياخوك ترا القهوه خلصت وشريت غيرها وانت ماواعدتنا الى الحين

[jgjc]

ماشاءالله
يابوعبدالله
تقرير وافي وكافي
من خبير مشكور يابوعبدالله على هالتقرير