(العيش)
نبذه عن العيش: اكله معروفه ومشهوره عند اهل الجنوب وخاصة زهران وغامد
قديما تقدم للضيوف وفي الاعياد والمناسبات والافراح
وتعتبر اكرام للضيف
ياكل منها الضيف الى ان يدوخ
في هذه الاجواء الشتويه البارده
تمنحك الدفئ والراحه والحنان
وتنام قرير العين
وهي سهله جدا بس يبي لها حبكه وممارسه
طعمها اللي يذوقها مره يطلبها كل مره
وانا احبها من يدين امي الله لا يخليني ومن يديني
طبعا شغل محترف
المقادير
حليب السعوديه / دقيق ابيض / ملح /سمن
يستخدم لبن او حليب على حسب رغبتك
لكن انا احبها بالحليب يوه ه ه ه اخر كلام
والدقيق احنا نستخدم دقيق الذره عندنا مزروع بالديره (زهران)
وماادري لو كان موجود بباقي بالمدن
ونستخدمه لكل الاكلات وهو لونه مثل لون الذره مايل للاصفر شوي وطعمه خيال يكفي انه صحي
الصور تشرح لكم
نضيف الحليب بالقدر
نضيف الملح والدقيق
طبعا نحركها بأستمرار لين تغلي لمده ربع ساعه عشان ما تتكرد وتكون بالشكل هذا
على جنب
تكون عاجن عجينه ثقيله زي عجينه المرقوق من دقيق البر( هذه العجينه على حسب الرغبه وليست اساسيه )
وتفردونها وتخلونها رقيقه وتقطعونها بالشكل هذا
وتكون مويه تغلي على النار ثم تساقطها فيهاوتخليها تغلي لمده 10 دقايق ولين تستوي العجينه
طبعا تغرف العيش وتحط فوقه القرصان الصغيره بهذا الشكل وطبعا هذي القرصان حركات الجيل الجديد يسوون الاضافه هذي بس اكلة العيش التقليديه مافيها حركات ولا يحزنون وانتوا بكيفكم بس والله اطعم حطوا عليها السمن
واحيانا نستغني عن السمن ونصب على الوجه حليب بس لا تكثرونه او خذو معكم على السفره كاسة حليب او لبن
وهذا شكلها النهائي بالسمن
وهنا شوفوا كيف قوااامها
وهني وعاااافيه على قلوبكم