تم مشاهدة الحبارة في هذا الموقع

[التائب]

السلام عليكم ورحمة الله وبركاتة

اليوم بعد العصر على الساعة 4

كنت مع مجموعة من الاخوان متجهين الى منطقة نكشت فيها ونتعلل

الموقع جنوب محافظة الوجه الطريق السريع كانك متجه لمدينة ينبع

بعد ماتطلع من الوجه ب30 كيلو بيكون هناك مركز لسلاح الحدود او خفر السواحل على اليمين

هناك منطقة جبلية ونفوذ على اليمين هناك الموقع بالضبط .

المهم وحنا ندور موقع لنتخذه مقر للمكان الي بنجلس فيه

لفت انتباهنا طير بين اشجار على احد الشموع

قلت لخويي قرب من عنده شوي واركز فيه

ويطلع حباره

ماصدقت عيوني منطقة ساحلية وش جيب طير مثل الحباره هنا
بس قلت يمكن هجرة الطيور وكذا

المهم قلت له وقف لاتتحرك
وكان وقت غروب الشمس قلت بننتظر الى ان تغيب الشمس ثماً نوجه احد الكبوس الي معنا عليه ونصيده .. ولا كان معنا لا طير ولاكن كنا نقدر نرميه ونصيده

ولاكن قلنا لو ماصدناه وهو حي مانبي نصيده نبي نخليه لصقارين

المهم الطير حس بالخطر وطار ولحقناه بس نبي نثبت موقعه علشان مانضيعه

وكان يطير بحدود الساحل وجلسنا وراها نلحقه لمدة نصف ساعة

واخذت له مقطع فيديو بس حجمه كبيرة ماعرفت انزله وكذا صورة

وبعدها دخل بين الجبال ولا عرفنا نوصله وكان وقت المغرب وظلم الوقت وضيعنا اثره


اخليكم مع الصور واعتذر على ردائتها لانها بالجوال

هذا اثرها








وهذي صورة اخيرة لمن جلسنا وزينه قهوتنا




واعتذر على التقرير البسيط

تحياتي

[رســــــلان الوجه]

أخوي التائب يعطيك العافية







وأنا من سكان الوجه الموقع هذا جنوب الوجه وليس شماله للتعديل فقط
يعني بعد او قبل مركز هبان
لاهنت ويعطيك العافية
وان شاء الله انها من نصيب هدد طير

[جير دبي]

مشكور ياخوي على الصور والله يعطيك العافيه

[ابو راكانm]

انا اشهد انها حباره
وذيرتوها

[قرناس شماالي]

الله يعوضكم ومشكور على الصور

[المري المسكون]

مشكور على الصوره

[falcon 1]

ما شاء الله . لا هنت على الصور

[الشمالي 8008]

ا

لله يبيض وجهك ويجعل من جابك للجنه

على وعيك وعدم رميها بالبندق

وجزاك الله كل خير والله يكثر من امثالك

[مساح الريضان]

بشر شصار بعدها

[المظهور]

كرواااااان

[صاحب نوماس]

يالربع هذي جرة كرووووووووان

[السامر2000]

السلااااام عليكم

ياجماعه هذه جرة كروان ، وانا متواجد في هذا المكان شبه يومي ،مافيه غير كراوين وقليله بالواحد والثنين

اخوي التائب /الف شكر لك

[ابوصالح بريده]

الجره جره كروان والله اعلم

[قطاااع الدروب]

اتفق مع الاخوان هاذي جرة
كروان

[ذئب المقانيص]

كلام الاخوان صحيح هذه جرة كروان