للبيع جمس سييرا GMC sierra2500 HD 2001 (يوجد صور )

[VTC 3333]

السلام عليكم ..

للبيع .. جمس ونيت ( سييرا ) 2001 ..

الموصفات ..

موديل : 2001

قير عادي ..

دبل ارضي ..

حجم : 2500 أتش دي( 6لتر )

الممشى : 140 الف كم .. او اقل ...

درايش : كهرب .. وقفل مركزي ..

دبل .. قير مكينه دفرنشات على الشرط ماشاء الله تبارك الله

الفحص الدوري ساري ..

والاستماره جديده ..

اللون ابيض .. داخليه كحلي ..

مركب تلبيسه فيبر للحووض ..


ومركب له جنوط جي تي 10 انش


وكفرات ماستر كرافت 305\70\16


اخت الجديده وما استخدمت الا قليل جدا


>>> هي خارج البيعه لكن اللي يبيها للعلم وبسوي له تخفيض

وجنوط بلده موجودات مع كفرات


الحراره ماشاء الله تحت النص .. مكيف ثلج ..



الموتر بالرياض .. للي يبي يشوفه ..

نسمع سوماتكم ..


وعطوا الموتر حقه

ترا منتب محللين يامن تبخسون الاسعار

صور المووتر ..

واذكروا الله ترى العين حق






























والموتر عالسوم مالي به حد


غالي على قلبي حيييييييل


للتواصل بعد اذن الاداره


0530332255

[الساري 20100]

29000 وصامل واتمنى اني مابخستها

[كتكوت مكشات]

كم حدك يابعدي

[VTC 3333]

29000 وصامل واتمنى اني مابخستها

سومة طيبه من وجه طيب

لكن وصل السوم ياغالي 39

والرجال صااااامل


واللي عنده زود الله يحييه

[VTC 3333]

كم حدك يابعدي

مالي حد ياغالي

وعلى ماقالوا من حد لد


وانت شايف السوم كم وصل

وحياك الله

[ملح والزاد]

الله يرزقك البيعه اللي تسرك

مشاء الله تبارك الله يستاهل

[ابوصالح3]

ماشاء الله يستاهل والله يعوضك ب2011

[الحفولي]

سومة طيبه من وجه طيب

لكن وصل السوم ياغالي 39

والرجال صااااامل


واللي عنده زود الله يحييه

الله يرزقك بالبيعه اللي تسرك
لكن ماتلاحظ انك مبالغ شوي؟
لاتنسى انه 2001
39 قيمة 2003
تحلف بالله انه مسيوم بـــ 39 ؟

[VTC 3333]

الله يجزاكم خير

يالحفولي اللي تتكلم عنها مستعملات

والمستعمل يرتفع سعره وينخفض

حسب النظافه وحسب الطلب عليه بالسوق


ويشهد عليه الله

انه سيم بـ 39

والموتر يسوى اكثر


مدري وشو الـ 2003 اللي تتكلم عنه او كم موديله


لكن اللي اعرف ان موتري نظيف ويستاهل الزود


وشاكر لك

[VTC 3333]

UP UP UP UP UP UP

[قناص*07]

يستاهل الطيب
لقيت م 97 بالمعارض ومكروف بـ 29000 ريال
الله يرزقك البيعه اللي تسرك

[VTC 3333]

صح الله لسانك

والله يسمع منك ويجزك كل خير


والموتر والله يستاهل اكثر

والله يكتب مافيه الخير

[VTC 3333]

الشتاء عالابواب

وينكم يالكشاتين

[عمعوم]

ماشاء الله .
اخوي هل الموتر سعودي او امريكي .
وهل لك بالبدل جيب باثفندر 2005 اوتوماتيك .

[VTC 3333]

حياك اخوي عمعوم

الموتر سعودي

ومالي بالبدل ياغالي