هنا,,متابعة أخبار الربيع ونقاشات واستفسارات الرحلات البرية لشهر محرم 1432ه

[سفير الشمال]

بسم الله الرحمن الرحيم
السلام عليكم ورحمة الله وبركاته

اعزائنا اعضاء خيمة الرحلات البرية في مكشات مرحبا بكم جميعا ويسرنا أن نزف لكم تثبيت موضوع شامل لمتابعة الربيع وأخباره وأماكن الرحلات البرية والتي تستحق الزيارة والمرور عليها وكذلك جميع الاستفسارات الخاصة بالرحلات البرية
من طرق ومعالم وتحذيرات وخلافه
ونرجو من الجميع الانتباه للتالي :
1- ذكر اخبار الربيع ومنها اخبار الفقع والعراجين بدون مبالغة ولامانع من وضع صورة أوصورتين للتوضيح
*****
2- عدم فتح اي موضوع خاص باستفسار معين
لأماكن الرحلات البرية او مواقع الربيع المميزة وسيقوم المشرفون بضمه للموضوع الاصل
*****
3-عدم وضع اخبار الامطار والتقلبات الجوية في هذا الموضوع حيث مكانها في
خيمة الاحوال الجوية
*****
4- سيكون تثبيت الموضوع شهريا وبالتاريخ الهجري وسيتولى مشرفو الخيمة
الاشراف عليه ومتابعته دوريا
نسأل الله للجميع رحلة برية مميزة وأن يرزقنا الغيث النافع الذي يحي به العباد والبلاد
*****

مشرفو الخيمة
رسلان, سفير الشمال, alsat3, الكونترولCONTROL, جمران

[قرم البر]

هلا والله المنطقه كله شعبان ارضه اصبخه بس رح لنفدان الطوقي زينه للكشتات اذا جاك المفرق لا تلروح معه ابتل قدام وخله على يمينك المفرق امش حدود 10 كيو وادخل يسار الارض هناك زينه بس ترا مابه لا ارطا ولا شي به رمث .

[الهوى الصافي]

السلام عليكم
الله لا يهينكم يالربع ابي توصفون لي المنتزه او الحدايق اللي يقولون عنها في وادي حنيفه اللي فيها الجلسات ،،.

[m-a-z-d]

هلابك أخوي أبوصفلك اللي بعرقة
وأنت ماشي بالدائري الشمالي ووجهك غرب تطلع مع مخرج طريق الملك خالد طبعأ تعدي مخرج 7و6و5و4و3و2 بعد ماتطلع مع طريق الملك خالد ويصبح وجهك جنوب وتصبح جامعة الملك سعود على يدك اليسار ثاني مخرج مكتوب على اللوحة عرقة طريق الأمير مشعل تدخل يمين يصير وجهك غرب أمش لين يجيك الدوار خذ نص لفة وتجيك لوحة عرقة القديمة أنزل معها لين يجيك حرف تي رح يمين وامش لين تجيك بوابة مزرعة أمير في وجهك أنزل يسار مع الوادي وامش حتى تجيك الجلسات على يمينك ويسارك
طبعا المكان رائع وهادي والحمامات في قمة النظافة ..

[ذيب الحجرة]

اخواني أعضاء مكشات أريد طريق .. احداثية .. مسالك .. هجر .. آبار
مابين العليم وعذفاء --- والعليم والحيانية
الله يعطيكم العافية ويجزاكم خير.

[الهوى الصافي]

هلابك أخوي أبوصفلك اللي بعرقة

وأنت ماشي بالدائري الشمالي ووجهك غرب تطلع مع مخرج طريق الملك خالد طبعأ تعدي مخرج 7و6و5و4و3و2 بعد ماتطلع مع طريق الملك خالد ويصبح وجهك جنوب وتصبح جامعة الملك سعود على يدك اليسار ثاني مخرج مكتوب على اللوحة عرقة طريق الأمير مشعل تدخل يمين يصير وجهك غرب أمش لين يجيك الدوار خذ نص لفة وتجيك لوحة عرقة القديمة أنزل معها لين يجيك حرف تي رح يمين وامش لين تجيك بوابة مزرعة أمير في وجهك أنزل يسار مع الوادي وامش حتى تجيك الجلسات على يمينك ويسارك

طبعا المكان رائع وهادي والحمامات في قمة النظافة ..

لا هنت يالحبيب ما قصرت

[عالم المعالي]

الاخ ذيب انت منين اتجاهك هل من العليم لعذفاء او من عذفاء للعليم

[(((.ابوتميم .))))]

السلام عليكم ورحمه الله وبركاته
بسئلكم يا الربع عن الطوقي وصفه الدقييييييييييق جدا من الرياض هو شعيب ونفود ووش رايكم با النفود نظيفة وهادية ولا فيها دبابات والناس هناك واجد والاشوي
واذا بغيت الشعيب وين اروح واذا بغيت النفود وين اروح لانها اكيد حول بعض؟؟؟
ولاتنسون المسافه من الرياض ؟؟؟
لاهنتو
تكفون الفرعه باسرع وقت يا رجال مكشات
اخوكم :التميمي

[بتاع بر]

نصيحه انحش وادي مكتوم جدا الجلسات محدوده حدك صلاة المغرب ويمكن تمشي قبل اكثر روادها من اهل الشام

[ذيب الحجرة]

الأخ عالم المعالي من العليم لعذفاء وشكرا لتجاوبك السريع .

[(((.ابوتميم .))))]

السلام عليكم ورحمه الله وبركاته
بسئلكم يا الربع عن الطوقي وصفه الدقييييييييييق جدا من الرياض هو شعيب ونفود ووش رايكم با النفود نظيفة وهادية ولا فيها دبابات والناس هناك واجد والاشوي
واذا بغيت الشعيب وين اروح واذا بغيت النفود وين اروح لانها اكيد حول بعض؟؟؟
ولاتنسون المسافه من الرياض ؟؟؟
لاهنتو
تكفون الفرعه باسرع وقت يا رجال مكشات
اخوكم :التميمي

[منصور2]

أمسك خط الثمامة الين يجيب مفرق الصمان وروضة التنهاة خذ يمين 10 دقايق وتلقاه يمينك ويسارك
المسافة تقريبا 100 أو أقل
ماعندك احد لا دبابات ولا بقالات ولازحمة ولا شي بس عند المفرق حق الصمان فيه بقالة وحطب وذبيحة لو تبي
رحت الأسبوع الي راح فيه عمال يضبطون أطرقة ترابية فيه جزاهم الله خير

[فارس008]

السلام عليكم ورحمه الله وبركاته

كيفكم
ياحنا مشتاقين ومتلهفين على هالامطــار والله يجيبها

انا اريد احداثيتين :
1- خل حسين
2- تطعيس النقا..

وهل احداثيه خل حسين هذه
n26.21.400
e044.37.410

وهل هذه احداثيه النقا (تطعيس الشباب)

نقأ مطوع ويقع فى الصمان
n2637215
e4552615

انا حصلتهن من الانترنت هل صحيح
وهذه الاحداثيه النقا ابعد من خل حسين
علما انني من مدينة بريده
عطاني خل حسين 67كيلو
والنقا 195 كيلو
وانا استخدم برنامج القارمن للجواال..

بالاخير اريد احداثيهن بالضبط خل حسين وتطعيس النقا

[(((.ابوتميم .))))]

طيب النفود نظيفة وهادية ولا فيها دبابات والناس هناك واجد والاشوي؟؟؟؟

[فارس008]

ماحد يقدر يعطين احداثيه تطعيس النقا وخل حسين