المشاركة الأصلية كتبت بواسطة أبن عبس
مرحبا بزوار الحرة ديرة ربعي واجداد وبها ذكرياتي فعلا هذه المنطقه تصعب وصفها فبها من المتعه والجمال البركاني والمناظر الجميه والهواء الطلق ( العذيبي ) كما يقول الشاعر مساعد بن ربيع الرشيدي في قصيده له بمناسبة زيارة صاحب السمو الملكي الامير سلطان بن عبدالعزيز ال سعود لمنطقة حائل وحضوره لحفل قبيلة بني رشيد بهذه المناسبة
شاعر عدا براس الراس الابيض ثم غنا
سند الحرة وذعذاع الهواء يطرق شليله
قال صلينا على محمد وبالله استعنا=
يالله انك تحفظ الخطوه على درب الفضيله
العيون يشوقها نوِِ على سلمى تثنا=
كن سلمى من فرحها فيه تلفح بالجديله
وانت ياسلطان سلطان القلوب اللي تمنا=
شوفتك قبل الغمام وقبل براق المخيله
راحت ايام الغياب الموحشه والبيض جنا=
والقدم طابت عقب ما ضامها حملِِ تشيله
يوم زال الباس عنك وجيت زال الهم عنا=
ليلةِِ مامثلها ياسيدي بالعمر ليله
ياهلا بك وأبرك الساعات يعزوة وطنا=
يا عريب الساس راع الباس حمال الثقيله
ياولد عبدالعزيز الفيصلي فلتة زمنا=
الزعيم اللي بنى الوحده وشرع الله دليله
أنورت حايل واهل حايل وكلِِ بك تهنا=
والله انك ياطويل العمر شرفت القبيله
والله ان الشعر في مدحك بغيناه وزملنا=
انت تبغى الصدق والله مالنا بالمدح حيله
مير زان لنا مقامك بينا والشعر ثنا=
حي فالك يا سحاب الجود كساب الجميله
سيدي والله لو تامر على الرجال منا=
يفتديك العمر ماتلقى بنا روحِِ بخيله
سيدي حنا سلايل عبس حنا عبس حنا=
سعد عين اللي ليا منه نخانا نعتزي له
دون حد الدار وان بغت منا ومنا=
والجهات الاربعه والخامسه والمستحيله
الله يعطيك العافيه وبيض الله وجهك ومن معك يارحال الخبر على تقريرك الرائع والحمد لله على السلامة