راعي شاهين اوافقك من حيث السرعه وأختلف معك بالطبوع
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الله اعلم يمكن حبارى العراق معروفة سبوق حيل ومن الصعب طرحها او حتى ردها الكلام هذا من اهل القنوص اللي راحوا العراق يقول والله الطيور اللي عندنا ماهي حول حبارى العراق صواريخ ومن الصعب صيدها الا بطير ناهي وقوي ولهذا السبب شباب من قطر يحبون الحبارى هذي ويروحون هناك كل سنة وماخذ الكلام منهم شخصياً
والله اعلم
بعض الحباري تعيي على روحها ولا كل طير يصدها ويردها وموكل طير يصيد يقال له لحاق على العموم بعض الحباري تروح على الطيور والجيرة وفروخ الشياهين وهذا شوف العين
يالربع الحمدلله اليوم روحة والمخلاه فيها 3 هن الي شفتهن وصدتهن ولله الحمد
اول وحده في وادي الغدف عيت تطير ابي منها تطير وتطيح لطير وحدا طيراتها وهو متعليها
علقها اما الثانيه وما ادراك ما الثانيه من طارت صار وراها تقل دخان والصقار عارف وش القصد
ولاكن عندي شيهانه قرناس 5 لحقتها لحوق ورددتها وعلقتها
اما الثالثه طارت ونطحت الهواء ويوت وردت عليها طاحت تكوبر وصادتها في الارض ولله الحمد
ماراح شيء ولاكن لايتقوى احد بطيره اكررها بعضهن ماتوصف ابد
[url=https://center.jeddahbikers.com/][/url
شفي عديمٍ طردهن ماعاقه = لاشاف جولٍ يصطفج بسبوقه
اشقر يرد الخرب والدم ذاقه=يعجب صقاره لاطرد بالحوقه
وليا هوى بالقاع ورخا ساقه=يفريه فري وحصته معلوقه
وليا شهر ثنتين في مرشاقه=وليا انثنا كل الغضب بعموقه
الله يعوضهم بالجول الراكد
كثير اللي راحت عنهم
هذي سبقِِ
ابشر بالعوض يالخوي
الظاهر ان طيرك عرف التحدي ونتحر
جربنا الحر وعرفنا قياسه مع حباري البرد
انا اقولك يمكن يلحقها على كلام خوينا اللي يقول 3000 كيلو يعني ركب قسامات بانزين بموترك لاتنقطع بالخلا ماحولك احد
اما الجير شاهين اذا الله ستر عليه ابشر بالعشاء
ذكرتني بالشاعر التويجري يوم يقول عن الجير
وانا باخذ من طيور الخواجه جير مع شاهيـن
هذاك تقـل كبـده علـي الحـذراة منهوشـه
هجين وكاسبن خبره ويلعبهـا علـي الحبليـن
ولا فرخ من اهزال الطيور وهـد فـي حوشـه
وهذي عن الحر
يوم ان اللي معه طرح الحماد يطيح بي ثنتيـن
وتالي وقته يمسح نهـره ويحسـب مروشـة
ترا حنا اليـا منـا حسبنـا نقمـز الخمسيـن
ولاناخذ عنـه الا وهـي بالغيـم مخشووشـة
السلام عليكم ...
أولا: الجير شاهين ماهن سوا!! ليس كل جير شاهين أو جير حر أو أي خلطة من خلطات الجير تكون هي الأفضل!! شخصيا جربت من سنه 1999جير شاهين وليس كل جير شاهين أسبق من الحرار!
ثانيا: ليس كل جير شاهين ((صامل)) بالطرد وأأكد على كلمة ((صامل)) يعني شسوي فيه اذا طياره موقف بس يطرد شوي ويجنب ينطرك تجذبه بحمامه أو ملواح؟
ثالثا: مايمدح السوق الا من ربح فيه! (بدون أي تجريح تجاه الأخوه الزوار أو الأعضاء والصقاقير) الجير شاهين خذاله دعايه وأعلام أكثر من اللازم.
رابعا: هل أنت يامن تصقر بجير شاهين هديته (أنت) شخصيا على حباري مروحات وعلقهم هوا؟ أم صاد معك وحده أو ثنتين أو يطرد الحمام معك طرد قوي أو أنك شفته بالتصوير وقلت أن الجير شاهين دواء الحباري الي بالغيم مخشوشه؟
خامسا: ترى كلمة اللحاق كايده وماتنقال على أي طير!
وبالنهايه أرجو أن تأخذ كلامي بصدر رحب ومن باب الأستفاده لي ولك ولجميع القراء ...
أحترامي وتحياتي لكم
على حسسب آلطير.. وآلحبآري مآبينهآ فرق آلآ شي بسيط في السرعه والمراوغه
لكن اسمحلي اقول ان الصقور الي مع خوياك لك عليها
عسى ربي يوفق كل صقار مهد يونسه وتصيد اطيوركم جميعا
والحباري ماهي سوء في حباري لافرخه ولا وجير ولاحر يرده
ويوم يقولون اهل المقانيص في العراق انها حباري العراق صورايخ كلهم سوى بس
الفرق هو ان في السعوديه او الكويت تشوف في السنه يمكن مايزيد عن 5 مهدات وتشوف فيها الحباري العاديه وفيها الصامله لو تروح وحده تقول اكيد راح يروح على الطير شي
بس يوم يقولون في العراق الحباري قويه السبب يشوف حباري واجد نفترض يشوف هو 100
فيهم 50 وسط وفيهم 20 عاديات و30 مايلحقهم الطير ولا يردهم وحتى رالفرخه ماتردهم انهي السبب
هو يوم يقول الحباري العراق قويه لانه شاف اكثر من 30 تروح قدام عينه اكيد راح يقول اصعب حباري
بس الحباري مثل الطيور فيهم الى تصمل بس مافيها اطيار وفيها الى توقع وفيها من يشوفها الطير ولا هي في السماء يعني كل الامور هذي توفيق من الله العزيز الحكيم لصاحب الطير اذا ربك كان يبي يونسه
في المهد راح يصيد لو طيررره وسط وبعضهم عندهم طيورر طيبه وعليها الاسم بس ربك موفق الطير في الحباري المجنونه الى من الارض الى السماء ولا وقوى جناح وصامله
وعسى ربي يفوقكم في الحباري الى تشوفون اطيوركم عليها وتصيدونها
السلام عليكم مجرد راي وكلن اوجهت نظره ان الله عطاكم عمر الحبارى تروح قصب على الطيور
يازين مكشات زمان .....كان متنفس طيب للقنوص والصقارين وياما عرفنا فيه نشامى يحطون على الجرح يبرا ....
الله المستعان
الطبع ما ينزل غيره بتبديل
مثل الجدي مرساه ليله نهاره
والحنظلة لو هي على شاطي النيل
زادت مرارتها القديمة مرارة
الذين يشاهدون الموضوع الآن: 1 (0 من الأعضاء و 1 زائر)