حباري شمال المملكه روحت عالطيور!

[بوغلب]

السلام عليكم يالربع
جاني خبر من شمال المملكه يقول أن 5 حباري متفرقه روحت على الطيور سبق
يقول حباري مصقره ومهدود عليها وعجزت الطيور لاتردها ... صحيح حنا بالمربعانيه وحباري معاشير ولكن هل من المعقول أن مافيه طير يردها؟
والله يقول أن فيه طير يطيرون له حمام القلبان ويهدونه ويطرحها بس عجز عن هالحبارى!
عطونا العلم ياأهل الشمال وجزاكم الله خير

[نمر الصحراء]

عليكم السلام ورحمة الله وبركاته
نعم من المعقول أخوي بوغالب حباري السنة عجيبة صارت معي روحت على الشاهين
حبارى قوية عندنافي العراق نسميهاام البخاخ هههههه

[عاشق جلاد]

بلنسبا لي انا عندى طير تقل رصاصة شباب مشاء الله ميروح عليه الحباره السبوقه والمصقره

[قناص 606]

يفيدونك اهل الشمال

[abo_Majed]

وضع الهدد ونفس الطير وراعي الطير والجو هم اللي يحددون الحبارى تروح او لا ،،، والا الحباري كلها واحد في السرعة مع تفاوت شي بسيط ولا يؤثر ×

[جير دبي]

السلام عليك يااخوان عندي جيرشاهين
ماعتقد تروح الحباري كيلوواحد

[قناص مكشاتي]

اييه عطنا حبارى وحنا نوريك الطيوووروالفعوول بس ياقل الحبارى

[ابو حوط]

وعليكم السلام
ابشرك طرحنا وحده امس في الشمال والله ما عليهن سراع بس مو لذيك الدرجه

[قرناس شماالي]

وعليكم السلام ورحمة الله وبركاتة
اخوي شئ طبيعي جايها الموت اكيد تبي الفكه وطير ترى فيه عدت عوامل
يمكن يوم هدو فيه هواء والحبارى ترى ذكيه تجي بتجاه الشمس وعكس الهواء
ولاكن ماقول الى الله يعوضكم بلخرب الطيب

[ولد مساكن]

السلام عليكم و رحمة الله تعالى و بركاته

هاذي ولا شك حبارى أزبكستان , تمرّ أحيانا على شمال السعوديّة

تجي أصغر من الحبارى العاديّة

حتّى فروخ الشّياهين مرّة تلحقها و ثلاث لا

و هذي صورتها : لاحضو الثّنادي , تقول لاعبه كمال أجسام



السلام عليكم و رحمة الله تعالى و بركاته

[طير الجنوب]

تبغي الصراحه والا اجامل

الا والله باقول الصراحه

والله من طيب طيورهم!!!

ياخوي من عرفنا الدنيا الطير السبوق يلحق لو هي وين

بعض الأحيان نهد وحنا مانشوف الحبارى وتلحقها وتعلقها في السماء

اسمح لي اخوي على الصراحه، مامعهم طيور

[تركي العتيق]

اول شي الله يعوضهم ببرك منها واما الحبارى مثل الطيور فيها السبوق وفيها العاديه اللي تطير وتطب اما حبارى الشمال والله انها صارت معي انا بالحد والله اني امشي معها بسرعه 135 بظبط وانها على جنبي رفع تقريبا 5 امتار

[abo_Majed]

السلام عليكم و رحمة الله تعالى و بركاته

هاذي ولا شك حبارى أزبكستان , تمرّ أحيانا على شمال السعوديّة

تجي أصغر من الحبارى العاديّة

حتّى فروخ الشّياهين مرّة تلحقها و ثلاث لا

و هذي صورتها : لاحضو الثّنادي , تقول لاعبه كمال أجسام

السلام عليكم و رحمة الله تعالى و بركاته

لا اخي هذا النوع بحياتي ما شفته عندنا

[راعى شاهين]

تبى الحبارى ماتروح عليك اضرب على الكايد ياصرت بحلان الحرار يجى منهن السبوق ولكن الحبارى الصامله والسبوق تروح على الحر السبوق عليك بالى يبرى القرحه جيـــــــــر شــــاهين تصير الحبارى السبوق ماهى سبوق ولابسبقه بركه

[صاحب نوماس]

الله يعوضهم بالاطيب