ساكتون الرماية ..

[أبو رهف 305]

السلام عليكم ،،

أخواني من لديه الخبرة في البنادق الهوائية ، قدر الله علي وشريت ساكتون هوائية

من الرماية ببريدة ، شكلها جديد وفيبر أول مره اجربها..

بس عندي سؤال : قلت للهندي اللي بالمحل أبي مقاس 80 وعطاني هالساكتون

صراحة لما جربتها احس انها خفيفة مره ، ولا قدرت توقع القميري من أول طلقة !!

كيف أعرف مقياس قوتها ، مع انه ليس مكتوب عليها الا رقمها فقط

ملاحظة : صناعتها اسبانية ..

ساعدوني الله يجزاكم خير .. كيف أعرف قوة البندقية !!

[حامد الفليج]

اخوي ، اذا تقدر ترجعها وتاخذ الماني احسن لك نوعين (( فايروخ والا ديانا )) الاسباني والانجليزي والتركي لك عليه
خذ مقاس 80 وسرعة الطلقة تقريبا 350 متر بالثانية

[ابوصالح3]

ارجع للكتالوج اللي معها وتعرف

[راعي المقانيص]

ممتازه جدًا وقوية وعملية واطلع لك في مزرعة وانا اخوك وتشوف الحمام لكن لاتصيد الا اذا تبي تاكل مو صيد عبث وتجربه بارك الله فيك

كان عندي منها وحده وفيبر جلاس وازعجني علة يبيها واعطيته اياها

[مربط القعاسي]

شف ونا خوك الكلام لا يهمك اذا انت مقتنع بالبندق وتقول انها قويه ورميها زين هذا هو المطلوب

اما ام المقاس لا يهمك

وبالتوفيق

[أبوباسم455]

أخــوي خـالـد من الـقـصـيـم إيـش اللي طيحك بالأسبانيه !!
والله لـو أنت آخـذ لك مستعمله ألـمـانـيـه فايروخ 80 أو 85 وارد الرميـح من سوق البواريـد بـبـريـده أحسن من هـاللي تقول ماتدري هــي ذكــر أو أنـثـى وماتدري كـم موديله وماتدري عن قطع غياره ومن يعرف يصلحها إذا خرب فيها شيء يعني مشكلتها مشكله !!!!
بس دور لك واحد مفتح عيون وعميان قلب يشتريها منك وخذ لك ألمانيه فايروخ ونـــم !!

[أبو رهف 305]

يعطيكم العافية ، ما قصرتوا

رجعت للكاتلوج وحصلت مقاسها ، ودي بالالماني بس ماحصلت موجود بالقصيم


يقولوا بالزلفي بس ،،

[افرزر]

صدقني الالماني احلى شي