مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
بالضبط ,,,, مبروك مقدما
الله يوفقك ياريم
لكن الله يعينك على المصروف الشعير و على توفير المكان الزين
الله يوفقك
السوق مليان ولكن الناقه الهديه قليله وفلوسك بعد قليله لو ترفعينها للعشره بتلقين اللي تبينه
التوقيع
جزاكم الله خير على نصائحكم وشكرا على المرور
الله يوفقك
وذا شريتي ورينا ايها
قالوا إنك عشقت الخيل والخيل خود
عشقها يستبيح الروح ويكودها
مهرتك في تعجرفها تحدى الحسود
لوله ألفين عين ٍ ماحوى زودها
يا اداره مكشااااااات الرجاء النظر في هذا الموضوع واغلاقه
ياناس خلوني على كيفي اسيرمابغا الحضاره لوطالت فللهاانا هوا قلبي ذودن مغاتيرفي ديرتن راع الغنم مانزلهاوياما حلا فيها حليب المصاغيرتبري الكبدالعليله عللهامع طلعت الفجر لغرد الطيرتسمع حويرها وتسمع فحلها
طيب انا ابي ناقه ..
يارب يجي عضو ميخلف نبي غير مباشر ويعطيني ناقه والله مايقولهاا إلا محظر عند شبك البل ومرتز هههههههههه
بالتوفيق ريم البراري
اختي ريم
يا ما حلا المسرى بعيد عن الأنذال = في ليلةٍ يطرب لها كل ساري
مسرى مع الفج الخلا عز وجلال = متشطرٍ ما خضت في عرض غاري
على خطاة مشومرٍ يقطع اللال = تدفن مداهيله هبوب الذواري
اجمع من البل عشر وتصير وبّال = واختر فحلها مع جنبها يباري
البل لها في مهجة القلب منزال = منايح القصار سفن الصحاري
مراجلِ يشقى بها كل رجال = افلاس بايعها نواميس شاري
يكفيك ابن هندي ومسلط وهذال = ومن شمر العاصي وبرغش وضاري
لقيت فالوحدة سكون وسعة بال = بعيد ما عندي من الهم طاري
ارجّع الذكرى على روس الاجذال = وارقد خلا بين الحجل والقماري
ما همني جمع المرابي للأموال = عزيز لو أمسيت جيعان عاري
قبل لاتشترين الناقه فيه امور لابد ان تؤخذ في الاعتبار
1- المكان يفضل ماتكون مشبوكه اما اذا عندك استراحه او مزرعه او اي مكان لتربية ماعز اوضان فلاباس ان يوضع لها شبك لوحدها بس بشرط تنظيف المكان باستمرار
2- بالنسبه لنوع الابل والله ان افضل لك الحمر الساحليه فيها حليب وهداوه واكلها ماهو واجد
3- المبلغ اللي معك محتاج زياده شوي حتى تتمكني من شراء ناقه عشراء
وميزة شراء ناقه عشراء انه:
يكون معها قعود او بكره وتكون ملقحه يعني ثلاثه في واحد وبكذا ماتحتاجين فحل الا بعد سنه
4- افضل وقت للشراء يكون في رمضان
ا
الذين يشاهدون الموضوع الآن: 1 (0 من الأعضاء و 1 زائر)