قررت اشتري ناقة (ريم البراري)

[ريم البراري]

عمانية خوارة

بالتوفيق

بعد البحث وجدت :
(ناقة خواره) قيل انها الضعيفة ذات الغزل والوبر الخفيف. وقيل ايضا انها المدرة للحليب وهي كثيرة اللبن. وكلا الاستعمالين وارد في الفصحى

مدري وش المقصد بالرد على تقترح ان اشتري ناقة عمانية خلفه؟

[faskar]

بالضبط ,,,, مبروك مقدما

[الخادم]

الله يوفقك ياريم
لكن الله يعينك على المصروف الشعير و على توفير المكان الزين

[ذيب أدقس]

الله يوفقك

[YUKON_GMC]

السوق مليان ولكن الناقه الهديه قليله وفلوسك بعد قليله لو ترفعينها للعشره بتلقين اللي تبينه

[_دربيل_999]

اختنا الكريمة ..
اذا عزمتي على المشترى فاستعيني بأقربائك ذو الخبرة..
والناقة الحلوب لايمكن تكون لوحدها فلابد من وجود (حوارها) لتدر الحليب..
بارك الله فيك..

الروقي

[ريم البراري]

جزاكم الله خير على نصائحكم وشكرا على المرور

[ابو قحط 505]

الله يوفقك

وذا شريتي ورينا ايها

[ريم البراري]

الله يوفقك

وذا شريتي ورينا ايها

جزاك الله خير اخوي وان شاء الله اطلعكم على اي تطورات

[كوووول]

يا اداره مكشااااااات الرجاء النظر في هذا الموضوع واغلاقه

[وزن بلوف]

يا اداره مكشااااااات الرجاء النظر في هذا الموضوع واغلاقه

ايوالله
لوانا منزل الموضوع كان ماغير صفحه وحده
خمس صفحات خخخخخخخخخ

[الغرابيM]

طيب انا ابي ناقه ..

يارب يجي عضو ميخلف نبي غير مباشر ويعطيني ناقه والله مايقولهاا إلا محظر عند شبك البل ومرتز هههههههههه

بالتوفيق ريم البراري

[فنجال شاهي]

يا اداره مكشااااااات الرجاء النظر في هذا الموضوع واغلاقه

يا كووول ليش زعلان تيب ؟؟

اكيد تخاف من الناقه

[العبرود1]

اختي ريم
يا ما حلا المسرى بعيد عن الأنذال = في ليلةٍ يطرب لها كل ساري
مسرى مع الفج الخلا عز وجلال = متشطرٍ ما خضت في عرض غاري
على خطاة مشومرٍ يقطع اللال = تدفن مداهيله هبوب الذواري
اجمع من البل عشر وتصير وبّال = واختر فحلها مع جنبها يباري
البل لها في مهجة القلب منزال = منايح القصار سفن الصحاري
مراجلِ يشقى بها كل رجال = افلاس بايعها نواميس شاري
يكفيك ابن هندي ومسلط وهذال = ومن شمر العاصي وبرغش وضاري
لقيت فالوحدة سكون وسعة بال = بعيد ما عندي من الهم طاري
ارجّع الذكرى على روس الاجذال = وارقد خلا بين الحجل والقماري
ما همني جمع المرابي للأموال = عزيز لو أمسيت جيعان عاري

قبل لاتشترين الناقه فيه امور لابد ان تؤخذ في الاعتبار
1- المكان يفضل ماتكون مشبوكه اما اذا عندك استراحه او مزرعه او اي مكان لتربية ماعز اوضان فلاباس ان يوضع لها شبك لوحدها بس بشرط تنظيف المكان باستمرار
2- بالنسبه لنوع الابل والله ان افضل لك الحمر الساحليه فيها حليب وهداوه واكلها ماهو واجد
3- المبلغ اللي معك محتاج زياده شوي حتى تتمكني من شراء ناقه عشراء
وميزة شراء ناقه عشراء انه:
يكون معها قعود او بكره وتكون ملقحه يعني ثلاثه في واحد وبكذا ماتحتاجين فحل الا بعد سنه
4- افضل وقت للشراء يكون في رمضان

ا

[ريم البراري]

اختي ريم
يا ما حلا المسرى بعيد عن الأنذال = في ليلةٍ يطرب لها كل ساري
مسرى مع الفج الخلا عز وجلال = متشطرٍ ما خضت في عرض غاري
على خطاة مشومرٍ يقطع اللال = تدفن مداهيله هبوب الذواري
اجمع من البل عشر وتصير وبّال = واختر فحلها مع جنبها يباري
البل لها في مهجة القلب منزال = منايح القصار سفن الصحاري
مراجلِ يشقى بها كل رجال = افلاس بايعها نواميس شاري
يكفيك ابن هندي ومسلط وهذال = ومن شمر العاصي وبرغش وضاري
لقيت فالوحدة سكون وسعة بال = بعيد ما عندي من الهم طاري
ارجّع الذكرى على روس الاجذال = وارقد خلا بين الحجل والقماري
ما همني جمع المرابي للأموال = عزيز لو أمسيت جيعان عاري

قبل لاتشترين الناقه فيه امور لابد ان تؤخذ في الاعتبار
1- المكان يفضل ماتكون مشبوكه اما اذا عندك استراحه او مزرعه او اي مكان لتربية ماعز اوضان فلاباس ان يوضع لها شبك لوحدها بس بشرط تنظيف المكان باستمرار
2- بالنسبه لنوع الابل والله ان افضل لك الحمر الساحليه فيها حليب وهداوه واكلها ماهو واجد
3- المبلغ اللي معك محتاج زياده شوي حتى تتمكني من شراء ناقه عشراء
وميزة شراء ناقه عشراء انه:
يكون معها قعود او بكره وتكون ملقحه يعني ثلاثه في واحد وبكذا ماتحتاجين فحل الا بعد سنه
4- افضل وقت للشراء يكون في رمضان

ا

جزاك الله خير اخوي

جزاك الله خير على النصائح ان شاء الله باخذها بعين الاعتبار لكن الوضح احبهن عن باقي البل

شرفني مرورك اخوي