كله من القمري عساه الزوالي (مكرم الضيف)

[مكرم الضيف]

قبل امس فوق الجيب ساري لحالي***ولالي عن اللي مكشح النور تجنيب
ونيت خرده مثل راعيه بالي*** طلع علي وضاع وقت التحاسيب
وجيت ابشرد مير مابه مجالي*** الخط بس شوي اعرض من السيب
وريا على جنبي بسود الليالي***الجيب منسدحن ولالي مقاضيب
دايش ومترضرض بذيك المفالي*** سكون ماتسمع سوى عوية الذيب
وقمت ابا امشي مير ياهملالي*** عوق بظهري والحشا به لواهيب
ورقدت لين اصبحت في يوم تالي*** وحماني اللي عالم الجهر والغيب
كله من القمري عساه الزوالي***لمدة ثلاث ايام لامني آطيب
واصلح الموتر ويرتاح بالي***وبعد الفراق يعود مكرم مع الجيب
وفزيت من نومي تقل بي هبالي***والسالفه حلم صعيب بلا ريب
ومشكور ياراع الوفا والدلالي*** نواف ياجعلك تجيب المكاسيب
ردك شفا لي في جميع الحوالي***ولا تهون باقي ردودكم ياهل الطيب
عرفت قدري ماتفقدون غالي***عند النشاما قبل وضع المناصيب

تحياتي للجميع وانا بخير ويخطاكم السوء

[إخت أخوهآ]

هههههههههههههههه

حمدالله على السلامه

وصح لسانك

طرحت فابدعت
دمت ودام عطائك
ودائما بأنتظار جديدك الشيق

[كاف نواف]

لا بالله إلا غالي وحيل غالي=ياوافي بلا ريب سبّاق للطيب
تراك في ما قلته أشغلت بالي=من خالط الجد الهزل بالمكاتيب
إن كان جد اللي قريته قبالي=طالع من الشر وسلامتك يالذيب
وعســـاك ماجـــور ٍبمكروه زال ِ=وحسبي على من صار لك بالتسابيب
والحمد للمولى على كل حال ِ=خطاك سوّ وفدوةٍ لك ميَةْ جيب
عند المقام الجد هذا مقالي=وكانه هزل والله لأقلّبك تقليب

[عشقي اكتوبر]

حمدالله على السلامه
لاسلم العود الحال تعود
صححححححح لسانك

[مكرم الضيف]

شكرا للجميع وانا والموتر الحمد لله طيبين
والسالفه اضغاث احلام

[محب الشبه]

صح لساانك لاهنت حمد لله على السلامه

[يوسف الخليفة1]

حياك الله أخي العزيز مكرم الضيف

[خالد 257]

الحمد لله على السلامة
ولا يزول القميري إنشاء الله
وصح لسانك 1000 عافيه

[سراج الكشاف]

ان كان ما قلته صحيحن وكادي جينا مهنينك على كل ما صار
و ان كانها لحظة خيال و تمادي قل الحقيقه كلها اوهام وافكار

[جرير]

صح لسانك
الا كثر الحلوم دام تبدع من هالدرر
اكيد الصوره مصورها وانت تحلم
الله لا يضرك ويوفقك

[أبو فهد العيد]

اشوى انه حلم هههه
روعتني !!
صح لسانك وبيض الله وجهك ..

[مكرم الضيف]

هههههههههههههههه

حمدالله على السلامه

وصح لسانك

طرحت فابدعت
دمت ودام عطائك
ودائما بأنتظار جديدك الشيق

شكرا لك اختي اسعدني تواجدك

[مكرم الضيف]

لا بالله إلا غالي وحيل غالي=ياوافي بلا ريب سبّاق للطيب
تراك في ما قلته أشغلت بالي=من خالط الجد الهزل بالمكاتيب
إن كان جد اللي قريته قبالي=طالع من الشر وسلامتك يالذيب
وعســـاك ماجـــور ٍبمكروه زال ِ=وحسبي على من صار لك بالتسابيب
والحمد للمولى على كل حال ِ=خطاك سوّ وفدوةٍ لك ميَةْ جيب
عند المقام الجد هذا مقالي=وكانه هزل والله لأقلّبك تقليب

كاف نواف شوف لاجد ولاهزل لكن حلم يعني فكني الله من التقليب ههههههههه


كفو والله يالغالي على القصيده وماقصرت

[مكرم الضيف]

حمدالله على السلامه
لاسلم العود الحال تعود
صححححححح لسانك

شكرا لك يالغالي على مشاعرك وصح بدنك

[ع العمرو]

صح لسانك لاهنت حمد لله على السلامة