ارسل هذه القصيدة إلى ابو عبد الله يوسف الخليفه
و مناسبتها انه كلمن احد الشباب قبل طلوع الشمس وقال يابو سامي اليوم فيه صيد
والمشكله إن المدير في دوره والسكرتير مسوي عمليه لعيونه الله يشفيه والمراسل اخذ إجازه له اسبوعين ومافيه إلا أنا والمراجعين مايجون إلا من الساعه 11 وورى
وما كان لي إلا ان اخلي الكشته بمنتدى مكشات قبل لايجون المرجعين وادور بهالخيام من الاحوال الجويه والصيد البري وصيد الصقور
وبعد هالدوران كله جيت لخيمة القصائد المكشاتية وانزل العزبه واضبط هالقصيده على حرارة الكبد اللي بي بس تراه بدون تكشينه لأنه او مشاركه لي
وعساها ان تحوز على رضاكم
الناس تقنص وانا محجور=يالله دخيلك عن الحرمان
ياليت من صاد له خاضور=وإلا قميري مع الجنحان
مديرنا ربطن بحضور=وزميلنا يشكي العينان
حالي مثل حالة المخفور=يقضيى نهاره وراء البيبان
ويابو عبد الله نبي المنضور=مليت أنا جلست الحسبان
الوقت يمضى وانا مقهور=حتى المراجع مع الإذان
واختامها احذر المحضور=في صيدنا واضبط الميزان
ابوسامي
13-5-1432هـ