**^^ قصتي مع الجن **

[مقدام النت]

ماشاء الله عليك
والله موقف يخووووووووف وماكل واحد يتحمل الموفق مثل موقفك

[سواق العايدي]

أقول اخوي( فرشاط ) على فكرة فرشاط مهوب اسم جني . الظاهر انك طفشت الجن اللي في ذاك الوادي كلهم لا وتصور بعد وتسوي شاهي .

[بتاع بر]

اسمحلي اخي الكريم هذه ليست شجاعه بل تهور غير محسوب العواقب طالع صيد ولحالك ! وتنام جنب الشعيب! وتسمع اصوات وصور مرعبه وتكمل نومك؟؟!! مدري شي غريب؟

[سديرآوي]

ماشاء الله عليك شكلك وسيع صدر وقوي قلب اجل بعد كل هالفلم كبرت الوسادة ونمت

بس حاول تتجنب انك تكشت لحالك ..

لانه لابد احد معك يونسك ويجلس معك وتتقهوى وتغدى وتسولف معه ..

لان حلاة البر والكشتة بالجمعة والاصدقاء او الاقارب او حتى احد ابناءك ..

لان الواحد لا صار لحاله يتخيل له بزيادة واسألني أنا ..

لكن الله الله بالاذكار لأنها سبحان الله تحفظك وتريحك مهما سمعت أو رأيك ..

وذكرتني بموقف حصل لي في منطقة جبلية مرتفعه وشبه مهجورة اسمها الفقرة ..

تبعد عن المدينة 60 أو 70 كيلو أو أكثر ..

ذهبت إليها مع الأهل وكل الطريق ونحن نرقى الجبل ..

ماشفت أوادم إلا 3 سودانين فقط في بقالة ..

والباقي حمير أعزكم الله كثر التراب واغلبهن سود ..

المهم كنا صايمين برمضان .. وافطرنا وعينا خير ويوم قضينا من العشا ..

زينت لي شاهي اخضر وقعدت اتقهوى ..

والدنيا ظلام وماتشوف شي لكن معي لمبة السيارة الصغيره تنور على خفيف ..

شوي إلا وسمع صوت غريب ..

كأنه صوت عدة اشخاص من الهنود أو البنغاليين يتكلمون بسرعه وبأصوات مختلفة ..

المهم قمت أشوف قلت اشوف وش سالفتهم كانهم يبون باقي العشا ما لمسناه ..

وما لقيت أحد ؟؟؟!!! مع ان الصوت يبعد عني 20 متر تقريبا وبعد الـ20 متر

فيه دحديره صغيره ..

وارجع واكمل البيالة ويرجع الصوت بقوة واشوف من بعيد عيون خضر تولع ويطلع

قطو أسود ماينشاف من الظلام .. قريت الاذكار وماسمعت له صوت وهجد ..

ورميت لهم العظام وباقي الأكل ..

وكملت البريق وسريت ..



ووالله ان شياطين الانس تخاف منهم اكثر من الجن ..

الجني تقول بسم الله يروح فيها ..

أما شياطين الانس وش يردهم

والله يحفظنا وياكم ويكفينا شر الانس والجن ..

[أسطورة زمانه]

والله رحلة ممتعه بس ليه لحالك
خذ واحد معك يونسك

[سيف العلا]

كفووووووووو والله فيه ناس ابد مثلك مايطلع غير لحاله والي يذبحني يروحو اماكن بها بلاوي مثل عندنا ديره بالعلا اسمها ((الكظر)) هاذي بها البلا والجلا كلها جنون ولها قصص عديده من القنوص وفيها والله يرجال كلللللللل شي صيد ابدون ورب النعمه اني انا وشباب رمينا بها الصيد وخطيناه امكن 8 روس مع الجفار لن مامعنا غير طلق جثري بس والباقي خرازه المهم فيها ماشالله اعرافي شنير وبران ضباع ذيابه ضباء لا اعتقد وسئلو عنها يعلموكم ملاحظه باليل لا يوجد فيها احد

[albraki]

اصلا طلعة لحالك مالها طعم

[ابو99]

الحمد الله على سلامتك
بس ليش ما صورت الجسم الغريب علشان نشوفه ولا تنس حديث الرسول صلي الله عليه وسلم فيما معناه
الواحد شيطان والا ثنان شيطانان والثلاثة ركب0
واذانزلت منزل فاسل الله ان ينزلك منزلا مبارك وهو خير المنزلين
وارفع الاذان بصوت مرتفع اذا كثرت الغيلان فبادر بالاذان
والسلام ختام

[هواوي صيد]

الحمد لله على السلامة

[القناص-sniper]

الحمد لله على السلامة ولاعد تعودها تروح لحالك



هذا واحد من كان حولك حواليك ذاك اليوم يبلغك التحية هههههههههههههه

[عاشت القصيم]

اخوي عندليب
مشكووووووووور على سرد القصة لنا
والامر المهم:ليه كاشت الحالك ثاني شيء
اذا نزلت على اي مكان سم بالله وقل((اعوذ بالله من كلمات الله التامات من شري ما خلق)) اعتبر ان الله حاميك الا ان تخرج من هذا المكان


وبعدين انا سمعت صووت بس ومدري هو جن ولا لا ووقف شعر راسي من الخوف انت جايين لمك اشهد بالله انك جزووم
ولو انا محلك والله لا ادق سلف واقرب غرفة في محطة سااكو

[قناص البحر]

السلام عليكم ورحمة الله

سرد طيب

وبارك الله فيك

لكن الافضل انك تروح ومعاك واحد

مب زين الواحد يمشي لحاله في اي مكان سواء في الحل والترحال

[عندليب فرشاط]

اثريتو موضوعي بردودكم الله يعطيك الف عافيه
وهو صدق جمعة الاخوياء تكون لها طعم خاص
لكن موكل مره يحصل ذالك كل واحد بظرفه
والحمد لله اي مكان انزل فيه ارفع صوت الاذان كل ما دخل وق الصلاه

[جروان]

اعوذ بكلمات الله التامات من شر ماخلق ثلاث مرات


دعاء يقال في اي مكان ننزل فيه

[amk_nightwolf]

اخوي عندليب بصراحه مافهمت هذة
ملاحظه

في شي لم اتكلم به عن الجن والذئب ان اذا صار قشعريره في الجسم
و توقف شعر رأسك فإنه اما شافك ذئب او جني وهذا انا ملاحظه شخصيا
تعلمت من هذه التجربه عدم الخوف
ياريت توضح التقطه هذة ؟
لاني فعلا مريت بمواقف في مزارع او بر او غيره يكون مكان جديد وفجأه احس شعر جسمي كله وقف و احس زي الرجفه تجي بسرعه وتروح من راسي لرجلي , وغالبا اذا مريت بهالمواقف الوالد الله يحفظه على طول يسري بالذات اذا كان معنا عيله , صارتلنا بالطايف مخيمين في جبل دكا وطول الليل انواع الهروج برا الخيمه ويوم صحينا الا الخيمه حدها على هويه او وادي يعني مستحيل يكون واحد مار من ورا الخيمه , لكن كما ذكر الاخوان واغلب خبراء البر المفروض انك تقرا واذا تكرر الظهور تمشي احتراما لحريتهم , ماتدري اخوي يمكن فيه جماعة حقوق الجان