خزانات الوطني تطرح دفعة جديدة من توانك السيارات....

[ابو سعد التميمي]

بسم الله الرحمن الرحيم

مساكم الله بالخيــــر جميعاا اعضاء وزوار منتدى مكشــات

امس لقيت إعلان في جريدة الريــاض عن خزانات الوطنـي لتوانك السيارات واتصلت عليهم

وقالوا لي كل التوانكي موجودة الا نوع واحد الي هو 115 لتر الي يجي مسح مو موجود في فرع

وادي لبن وفيه مقاسات كثيرة

ورحت اليوم وخذت لي تانكي 95 لـــتر واقف خلف المرتبة
ب 200 ريـــال

طبعا عليه ضمان سنتـــين

وسلامتكم

واي استــفســـار يااخوان انا حاضر

[ابو حمود 511]

ممكن صوره له اذا ممكن

ومشكور وماقصرت

[مهندس مكشات]

اشكرك على الموضوع

[سلفاريو]

هلا بك يابو سعد
صحيح انا كنت عندهم اليوم الصباح في فرع الروضه نهاية طريق خالد ابن الوليد...شمال
ولقيت عندهم مجموعه جديده ومقاسات مختلفه ولكن للاسف 145لتر ماعندهم وبغيت اخذ ال95لتر بس ترددت وخذيت ...120لتر بقيمة 140ريال ومناسب جدا بالنسبه لي..

[نافع الشمري]

مشكور على نقل الخبر

بس ياليت اللي اشترى منهم تانكي يزودنا بصور

وهل هو مثل خزان الوادي أو لا
لكم تحيتي

[المنتهي2000]

اي والله صور لاهنتو

[لملوم]

مشكور يابو سعد على العلوم الزينه بس ياليت لو فيه صور

[alwssam6]

ممكن نستخدمه للوقود

[الصمان 2]

خزان الوطني





:










ومبروك ما شريت .




.

[البتار2011]

نبغى اللي جربو ....هل فيه مشاكل ...تغير طعم الماء او اللون ؟؟؟

[ابو سعد التميمي]

الله يعطيكم العافية جميعا على الردود

وبالنسبة للصور ماقصر اخوي الصمان حط البروشور

وبالنسبة لتغير الطعم واللون عليه ضمان سنتين ضد تغير الطعم والرائحة

لكن يبقى سعره معقول ويأدي الغرض

[صدى البااادية]

السلام عليكم
يالربع أنا عندي هايلكس هل يركب عليه ووشلون يثبت الله لايهينكم

[abumohammad99]

هي نفس اللي قبل ما تغير شي..

وللأسف رحت اباخذ لي واحد بس ماش ما ركب.

وقلنا لعلها خيرة..

[بومحمد22]

مشكور يابو سعد على العلوم الزينه بس ودي اسآل هل يركب على سفاري ربع

[شاص]

من خلال تجربتي للتصميم القديم والجديد ..التانكي لا بأس به بشكل عام .. يعيبه مقاساته قد لا تكون مناسبة لعدد من السيارات .. إضافة إلى أن التصميم الجديد أكثر إنسيابية من القديم وأقل عيوب تصنيعيه لكن مشكلته عدم الثبات خاصة في خزان الـ 95 لتر القائم