كم تكلفك السيارة اذا بغيت تغير زيت القير في الوكالة ؟؟

[الستانس]

السلام عليكم

معروف عن زيت القير الأوتو انه يغير كل 40000 الف كيلو

كم يكلف تغيير زيت القير في الوكاله ؟

وكم يكلف خارجها ؟

ووش افضل الأنواع المجربه

ومذا تحتاج غير الزيت ؟


علما ان سيارتي اكستيرا اوتو

واول مره استعمل الأوتو ولا اعرف طريقته وصيانته

وشكراً

[ريثان القصيم]

بسم الله الرحمن الرحيم

نصيحه لوجه الله لاتغير زيت القير الا كما هو مكتوب بكتيب الصيانه(الكتالوج) المرفق مع السياره

وهذا روابط تفيدك باذن الله

http://www.nissan-arabia.com/vb/forumdisplay.php?f=60

http://www.nissan-arabia.com/vb/forumdisplay.php?f=115
__________________________________________________ _

ريثان القصيم

[ابو عبووودي]

الوكاله شغل يد فقط200ريال وبالورشه شغل يد فقط40ريال

[مواسي الطعوس]

طيب ...ليش تغير الزيت الان ؟؟؟؟؟؟؟؟؟؟؟؟؟؟؟؟؟؟؟؟؟؟؟

** انا معي اكستيرا اتوماتيك وغيرته يوم مشى 120 الف ...وانا راعي سرعه ممشاي في الخط 160 دائم وراعي تطعيس حتى طلعت ام حزم عدة مرات .....

**اذا انت تجور على الموتر غيره اذا مشى 100 الف .....علماان الوكاله مايغيرونه (هذا خطاء من الوكاله)هو والفاندر 2006م وطالع ...يغلقونه (يزيدونه)اذا نقص فقط .

[ابوعزيز2007]

عليكم السلام ورحمة الله وبركاته
اذا كنت ياخوي بالقصيم فيه ورشة العثمان في بريده بالتحديد بالتشليح متخصص في هذي الامور فيه واحد من الربع معه فتك توماتيك يغير عندهم ولافيه مشكله من وقت 2004 ارجوا اني افدتك واسف على الاطاله تقبل مروري

[ابوصالح77]

أهم شيء حط زيت أصلي

[حزوبر]

السلام عليكم
أخي لا أنصحك بتغيير زيت القير فقط، بل يجب تغيير الفلتر، وإحرص ان يكون الفلتر من الوكالة أصلي، وكذلك زيت القير
بالنسبهه للورش تستطيع تغيير زيت القير عندهم ب80 إلى 100 ريال، في الصناعية القديمة عند كبري ما يعرف بدوار الخرج
أنا غيرت عندهم بممشى 80000 كلم

[الستانس]

ريثان القصيم
جزاك الله خير على الروابط

ابو عبودي

جزاك الله خير
مواسي الطعوس

جزاك الله خير ولكن هذا المكتوب في الكتلوج كل اربعين الف يغير الزيت

ابوعزيز

حياك الله اخوي انا موقعي الرياض و اليوم غيرت الزيت عند شخص يدعى ابوبراهيم متخصص نيسان باث فاندر
وطبعا الاكستيرا نفس القير تقريبا وقالي عندي زيت بـ35 نفس زيت النيسان وانا اغيره لكل اصحاب النيسان ولا احد اشتكى وحطيت منه لان قيمته في الوكاله لـ5 علب 700 ريال


ابو صالح
والله يا ابو صالح زيت الوكاله غالي حيييل وحطيت زيت ثاني بنفس الاداء وهو اصلي

حزوبر

حياك الله اخوي بالنسبه للفلتر الأكستيرا ماله فلتر قير بلحاله يبي له قطعه ما ادري وشسمها المهم التكلفه تتعدى 1000 ريال ويوم رحت لابو براهيم وشاورته قالي ما عليك ونزل قطعه من القير والله اعلم انها فلتر
وغسلها ببنزين ورجعت زي الجديده



وبالنسبه للموتر اختلف علي اختلاف كبييير
الكثير من اصحاب الباترول يعاني من طقه في القير اذا حطه في الدي
وكانت عندي زيها ويوم غيرت الزيت راحت

ورجعت لدليل المستخدم ولقيت مكتوب ان القير يكون فيه طقه اذا ما غيرت زيت القير




وجزاكم الله الف خير

جزاكم الله خير على الرد