ماكينة لـتـنـتـيف القميري وجميع انواع الطيور

[العازمي]

اخواني....
انا ابحث عن هذه الماكينة... يقال انها موجودة في منطقة القصيم ومن فوائد هذه المكينةتقوم بتـنـتيف وتنضيف
جميع الطيور وتعمل ....على ولاعة السيارة (12v)وسهلة الاستخدام ارجو من يعرف اي شي عنها ابلاغي
ولا عليكم امر. واين توجد بالضبط وكم سعرها....شاكر لكم....

[رحال]

مساك الله بالخير يا (( العازمي )) وعساك على القوه .
والله ماكينه ممتازه لتنتيف الطيور لكن تبي رايي وهو رآي شخصي مافي احسن من ان تقوم انت بتنتيف الطير اللي تصيده وان يكون التنتيف يدوياً يعني باليد والله قمة المتعه .

لكن بالنسبه للماكينه والله ماعندي خبر عنها لكن ان شاء الله الاخوان مايقصرون .

وتقبل تحياتي اخوي العازمي .
اخووووووووك الرحاااااااااال

[العازمي]

اللة يمسيك بالخير اخوي رحال....
الحقيقة انك صادق بس المشكلة يابن الحلال لاصارت قايلة ونت تعبان من المقناص طول النهار ولشباب
كلها دايخة ولا اطعم نتفها بيد ك بس اذا الصيد كثير ومعك اخويا كثيرين اشكرك اخوي رحال.....
اتمنى انك تلقى المكينة وتجرب راحتها اذا كنت تعبان من المقناص واتمنى لك بالصيد الوفير هذا الموسم,

[السرحان]

ما في شك المتعه مرتبطه بموضوعين وهما وضعية الشباب والكميه
على العموم اذا وجدت المكينه ما يضر ولا يفقد الصيد متعته
بالنسبه للمكينه موجود وسمعت عنها وهي مصنوعه لغير ما ذكرت لكن الناس وضفتها لحاجياتها .
الله يعينك تسأل في دبي او تنتظر المعرض .... وشكرا

[العازمي]

مشكوووووووووووووور يا لسرحان على مشاركتك وعطيك العافية

[مشعل العكيلي]

الله يعطيك العافيه اخوي العازمي
والله الماكينه هم انا سمعت عنها وعندنا بالكويت بس على كهربة البيت مو السياره
اذا بغيتها حاضر اجيبها لك وانا رايح سوريا تامرني امر حبيبي
اخوك : مشعل العكيلي الجويسري العازمي

[الأشهـــــب]

الحقيقة المرجو من الإخوان من يعرف عن هذا الجهاز أو سمع عنه شيئاً أن يدلي لنا بالمعلومات .لأنه في الحقيقة أمر مهم جداً.


ولكم خالص تحياتي،،،،،،،،،،،،،،،،،

[العازمي]

اخوي( مشعل العكيلي) حفظة اللة..
اسف على التأخير بالرد لأ ني طلعت للمقناص مقناص القمري والطيور ولاجيت ألأ امس ماشفت رسالتك ألأ اليوم وفرصة سعيدة اخوي مشعل . بالنسبة للمكينة موجودة عند نا بالقصيم على ولاعة السيارة ونشاء اللة اخبرك اذا حصلت عليها شاكر لك يابن العم.وطول اللة عمرك...

[أبو صياح]

اخواني الصيادة بالنسبة لمكنة نتف الصيد اعتقد انها مثل نتافة الدجاج التي يستعملها محلات بيع الدجاج الحي وهذه ممكن تتفصل في الصناعية

تحياتي لكم
اخوكم ابوصياح

[أبو صحن]

السلام عليكم يا اخوان

من كان مهتم بهذا الموضوع وهرجه العنقريزي زوين يمكن يلحق مقصوده وان كان ما هنا حاله يكتفي مثلي بالمناظره والمشاهده

وأسلمو يالكشـــــــــــــــــــــاته



http://www.cabelas.com/cabelas/en/te...navAction=jump

[العازمي]

صدق من قال (من طول الغيبات جاب الغنايم)
هلا واللة اخوي ابو صحن والحمد للة على السلامة. يعطيك ألف عافية على هالموقع الرائع .
وبالنسبة لمكينة التنتيف الموجودة بالموقع اتوقع اخوي ابو صحن انها اتخوف من ناحية الشكل
وأنا اتكلم باالنسبة لتنتيف مجموعة طيور مع بعض والمعروضة بالموقع الظاهر انها تنتف حبة .حبة
والمكينة الى اتكلمت عنها بالموضوع السابق موجودة وصناعة سعودية .موجودة بالقصيم وممكن تنتف
عشرين قمرية مع بعض في دقيقتين وأنا شفتها مع قوانيص من اهل القصيم قابلتهم بالمقناص وأ خبروني
أنها صناعة محلية وتوجد في محل وعطيت هذول الجماعة جوالي وقالو بس ناصل القصيم راح نخبرك بموقع المحل ورقم تلفونة والظاهر الجماعة نسو . معليش صارت قصة طويلة حكاية هالمكينة اتحملوني تكفون
وألف .ألف شكر اخوي ابو صحن وأنا( قريت رسالتك الخاصة ) مشكوووووووووووور.

[العازمي]

هلا اخوي ( ابو صياح) وأ شكرك على المشاركة فعلاّ المكينة تشبة مكينة الدجاج لكن اصغر حجم وعلى الولاعة تشتغل عموماّ ياجماعة فكرتها بسيطة اذا ماحصلناها .اعقول هاالا جانب احسن من اعقولنا؟
تحياتي.

[أبو صحن]

السلام عليكم
و
صبحكم الله بالخير

توضيح وأستفسار من أخينا العازمي

كاتب الرسالة الأصلية العازمي
المكينة تشبة مكينة الدجاج لكن اصغر حجم وعلى الولاعة تشتغل عموماّ ياجماعة فكرتها بسيطة اذا ماحصلناها .اعقول هاالا جانب احسن من اعقولنا؟
تحياتي.

بخصوص التوضيح نريد المزيد مثل الشكل والحجم و الموتور وش نوعه

أما بخصوص الأستفسار وهو:اعقول هاالا جانب احسن من اعقولنا؟

أجاوبك بالنيابه عن الأعضاء وأقو لا ثم لا لكن فيه فرق بينا وبينهم ألا وهو التعاون اقولها وحنا أولى منهم فيها وأعطيك مثل عن تعاونهم وفي موضوع يشبه موضوعك

راجع هذا الرابط وأنتبه لأول كلمه كتبها صاحب التجربه Wherein يعني في أي بقعه واي مكان

http://home.rica.net/phelbert/tub.html

على كل حال

أنكان عندك زيادة معلومات عن الحجم والشكل والموتور أقول أنشاء الله أنها تبي تسهل وأن كان يعجز القلم والبنان عن ذكر ماقد كان فلا تنسانا أن كان عرفت وين تصنع به لأني أود الحصول أو تصنيع هذا الجهاز أن صح التعبير

وأسلم وسلم على من تورى ******* أزكى سلامن لبن عمى (مشارى)

[العازمي]

مساك اللة بالخير يابو صحن .
انا يو م شفت الصور الاْ ولى قلت بس هذي المكينة الي شفتها مع الربع الحقيقة انها نفس الشكل بس اصغر
يعني نفس الفكرة ومقاسها كبر جركن ماء اربعين لتر وعا د اللة يعينك وبها نفس مقاسات البلا استك
الي على الجوانب لكن والظاهر واللة اعلم اني ابي اخترعها والرزق على اللة .صارت قضية.
يعطيك العافية يابن العم.

[أبو صحن]

صبحك الله بالنور و مساك الله بالخير

أخي العازمي

سوعالين لا ثالث لهما مع طلب خاص

ماهي الماده المصنعه منها المعده بلاستك ام حديد

ما نوع الموتور اللذي يدير المعده (حسب ماذكرت سابقا أنها تعمل على بطارية السياره)


أما الطلب يبن الأجواد معك أمانه أن توصلت ألى أي معلومه أين تباع أوإن توصلت لحل لا تنسانا على البريد التالي يابعدي AM1959US@YAHOO.COM