سؤال لأهل الخبره

[وارف الظلال]

السلام عليكم ورحمة الله وبركاته

أخواني المكشاتيه الله يعطيكم العافية
حبيت اسأل عن اماكن تعبية مياة التحلية للتوانك
بمدينة الرياض
بحكم أني توي ماخذ التانكي جديد ولا ادري
ياليت تفيدوني بهذا الموضوع
انتظر ردودكم عفاكم الله

[حاتم العمر]

مااخبر ان فيه تعبئة ماء حلو بالرياض ومافيه الا الشيب اللي يعبون منه الوايتات ..
وبعدين يااخوي وراه ماتعبي من خزان بيتكم ماء البلديه وش المشكلة ؟؟

[سفاري959]

بالنسبه لي ما اعرف الا بشرق الرياض فيه بالنسيم بجنب حراج بن قاسم وفيه بحي الخليج بجنب صناعيه الخليج طبعاً وايتات مويه ابار الحفيره والعتش مفلتره اتمنى اكون افدتك

[وارف الظلال]

مااخبر ان فيه تعبئة ماء حلو بالرياض ومافيه الا الشيب اللي يعبون منه الوايتات ..
وبعدين يااخوي وراه ماتعبي من خزان بيتكم ماء البلديه وش المشكلة ؟؟

الله يعطيك العافية أخوي حاتم العمر
بالنسبة لخزان البيت حقيقة فيه طعم ولا اشرب منه
عموماً سلمت الايادي على الرد بارك الله فيك

[وارف الظلال]

بالنسبه لي ما اعرف الا بشرق الرياض فيه بالنسيم بجنب حراج بن قاسم وفيه بحي الخليج بجنب صناعيه الخليج طبعاً وايتات مويه ابار الحفيره والعتش مفلتره اتمنى اكون افدتك

الف شكر أخوي سفاري على الافادة
لا خلا ولا عدم رحم الله والديك
سلمت الايادي

[سبتان]

على الدائري الجنوبي بجانب حراج ابن قاسم
والوصف إذا وصلت كبري الفريان انزل لطريق الخدمة وبعد الإشارة خلك على طريق الخدمة وأول مدخل يمين ادخل معه وسوف تجد الوايتات قدامك على اليمين .

[وارف الظلال]

على الدائري الجنوبي بجانب حراج ابن قاسم
والوصف إذا وصلت كبري الفريان انزل لطريق الخدمة وبعد الإشارة خلك على طريق الخدمة وأول مدخل يمين ادخل معه وسوف تجد الوايتات قدامك على اليمين .

الله يعطيك العافية أخوي سبتان
الف شكر من الاعماق على الافادة
لا خلا ولا عدم رحم الله والديك

[سفاري959]

الف شكر أخوي سفاري على الافادة

لا خلا ولا عدم رحم الله والديك

سلمت الايادي

رحم الله والدينا ووالديك وحنا بالخدمه طال عمرك اذا الوصف ماهو واضح اوتحتاج خدمه ثانيه راسلني على الخاص او حط رقمك وابشر بسعدك تقبل تحياتي واحترامي لشخصك الكريم

[وارف الظلال]

رحم الله والدينا ووالديك وحنا بالخدمه طال عمرك اذا الوصف ماهو واضح اوتحتاج خدمه ثانيه راسلني على الخاص او حط رقمك وابشر بسعدك تقبل تحياتي واحترامي لشخصك الكريم

بيض الله وجهك كفيت ووفيت
لا واضح جدا سلمت عزيزي
كفووو يالذيب لا حرمك الله الآجر
بشروك بالجنة أنت من يشوف ووالدينا ووالديك والمسلمين آجمعين

[البرتقالي]

شفت اكثر من مره وايت موية العتش والوصف مخرج 15 اطلع يمين متجه شرق
واول اشاره اللي عندها مكدونلز ومستوصف الحياة لف يمين متجه جنوب
وقبل الاشاره على يمينك ارض فضاء تحصله هناك

موفق للخير اخوي

[وارف الظلال]

[QUOTE=البرتقالي;5832682]شفت اكثر من مره وايت موية العتش والوصف مخرج 15 اطلع يمين متجه شرق
واول اشاره اللي عندها مكدونلز ومستوصف الحياة لف يمين متجه جنوب
وقبل الاشاره على يمينك ارض فضاء تحصله هناك

موفق للخير اخوي[/QUOTE

الله يعطيك العافية أخوي البرتقالي
واضح الوصف سلمت الايادي
الف شكر من الاعماق
لا خلا ولا عدم كفيت ووفيت

[سفاري959]

بيض الله وجهك كفيت ووفيت

لا واضح جدا سلمت عزيزي
كفووو يالذيب لا حرمك الله الآجر

بشروك بالجنة أنت من يشوف ووالدينا ووالديك والمسلمين آجمعين

اللهم اما امين جـــــــــــــــــــــــــــــــــــزاك الله خير والله يحرم هالوجه عن النار من يشوف

[وارف الظلال]

اللهم اما امين جـــــــــــــــــــــــــــــــــــزاك الله خير والله يحرم هالوجه عن النار من يشوف

آمــــين ومن يقـــول أهلين وسهلين نورت