تسلم اخي الغالي على الصورة الجميلة
ولكن القصيده معدل عليها في الابيات
وهي للشاعر الملقب بالبحر الميت
هو / عبدالله بن باتل الرشيدي
وهذي هي القصيده كاااملة
عبدالله بن باتل الرشيدي:
.restore td { border: 0; padding: 0px;}سريا قلم مالي على الصبر طاقه = صبرٍ تعدى الحد ما عاد ينطاق
اكتب لمثلي قصته واشتياقه = في خطك الواضح على بيض الأرواق
قصة حزين صافي المر ذاقه = ليا ذكر ما صار له خاطره ضاق
باقوا به الأصحاب والوقت باقه =وصار الضحية بين بايق وبواق
يمشي وهو ما حس في كسر ساقه = أمسى على ساقين وأصبح على ساق
وهذي سوات الوقت شين اصطفاقه = والوقت لو يصفي لك أيام دراق
إن شان قطع عنك كل العلاقه = وان زان خلى لك مع الناس عشاق
ومن شان معه الوقت قلوا رفاقه =راحت حياته كلها هم واقلاق
والله خلق خلق تحب اللباقه =كما خلق له خلق ما عندها اخلاق
أحد يعيش بخير وأحد بفاقه =وأحد يعشق أيام وأيام ينعاق
وأحد معه حكمة وصبر ورواقه =سبحان منهو للمخاليق خلاق
لكن يا من معك عقل ووثاقه =ابنصحك كانك للامثال تشتاق
لا تنخدع بأهل العلوم الرقاقه =اللي سوالفهم توهق توهاق
صادق رجال يعرفون الصداقه =يقفون صفك يوم يبسات الارياق
ومن رغب في فرقاك فارغب فراقه =جاز الذي يجزاك بفراق بفراق
وتعلم التعشيق قبل السواقه =ولا تحسبنك بالدركسون سواق
ورزقك يجيك بدون تحضر بطاقه =وعند الله المعبود تقسيم الأرزاق
يقولها اللي جاير الوقت عاقه =ولا زال في غيبوبه الهم ما فاق
من انعزاقه بادي بانعزاقه =واللي يوده صار شوفه بالاشفاق
ولا قال هذا القول قصده طفاقه =ما قال هذا غير من نار الاشواق