خيمة النوم بعز البر و شدة الحر 0000 الخادم

[العضيد 7788]

تقرير مميز من شخص مميز

الحقيقة فكرتها حلووووه واتمنى اذا فيه
احد يبيعها في الرياض تدلوننا عليه

وللجميع خالص التقدير

[الخادم]

وش هالزين أخوي : الخادم

ما شاء الله يعطيك خيرها ويكفيك شرها
ويعطيك العافية على هذه الصور والتجربة
بيض الله وجهك وما قصرت
ولا تحرمنا من جديدك

والله يحفظك ويرعاك .

اخوي منتعش
مشكور لمرورك يالغالي
و يبيض و جهك و يرحم والديك

[الخادم]

ياهلا وغلا بالعزيز الخادم

ماشاء الله ماشاء الله اللهم بارك

خيمه ممتازه وتستحق الاقتناء

وجت في وقتها الان والجو جميل

ومع بداية الطلعات والرحلات

وتشكر على المجهود المبارك

والله يجزاك خير ويرحم والديك

وكفيت ووفيت وعلومك كلها غانمه

لكم اجمل التحايا واعطرها

اخوي عبدالرحمن305
يا هلا و مرحبا مشكور لمرورك
و الله يجزاك عني خير و يرحم و الديك

[الخادم]

مشاء الله تبارك الله شي اجمل من الجميل اخوي الخادم عزالله دواء غرض والله البرد والله يحتار من وين يجيك اقول تقريرك وشرحك وردودك كلها ذوق وشي فوق الممتاز بارك الله فيك وفيت وكفيت يطول بعمرك يالجودي

هلا با اصيل نجد
مشكور لمرورك يالغالي
صدقت هاذا دواء البرد
و من ذوقك بالرد و يرحم و الديك

[الخادم]

أخوي الخادم السلام عليكم
بارك الله لك وبارك فيك على الموضوع المميز

ولي ملاحظة على موضوعك عند كلمة (الباقي على الله) من الجمل المنهي عنها لان الله عز وجل لا يكمل ما تركه عبده بل هو عز وجل مصرف الامور من اولها الا اخرها.

حبيت اوضح لك هذه فقط واشكرك على موضوعك بارك الله فيك

هلا اخوي ابو هدلاء
و عليكم السلام و رحمة الله وبركاته
و الله يبارك فيك و يرحم والدينا و المسلمسن اجمعين
اشكرك على التنبية و يجعله في ميزان اعمالك

[الخادم]

والله خوفي منها مثل خيام القاضي

بلاستيك خامتها بالبرد تبرد عليك وبنهار تولع نار ماتجي تحتها
تفوح فوح لانها مو قماش مثل خيام البكستانيه والصباحيه

خاصه الخيام الصغييره ماتجي قماش ثقيل عازل عن ا لشمس

الغالي جذآآآب
اولآ مشكور لمرورك
ثانيآ كل خيمة لها مميزات و لها عكس ذلك
خامتها جيدة و صدقني تدفى بالبرد طبعآ بوجودك داخل الفراش و بالحر افتح الشبابيك و انت بمجرى هواء و الباب مسكر كانك داخل مكيف

[الخادم]

خوي وش اسمها .وش صناعتها وهل توجد بغير المرباع

هلا و الله بالربذي
مشكور يالغالي على مرورك
اسمها عندهم خيمة نومسية للنوم
و الناموسية صناعتها ماليزية و القماش تفصيل خياط المرباع
و الله ما قد سالت او ذكر لي هل هي توجد عند غيرهم
و مرة ثانية مشكور لمرورك

[قناص خلاوي]

بيض الله وجهك
مادري مع الهواء القوي تخرفش الخيمة وتطلع صوت
او مثل الخيام الكبيرة ماتسمع له وحيف وقرقشة ؟؟

[الخادم]

تقرير مميز من شخص مميز

الحقيقة فكرتها حلووووه واتمنى اذا فيه
احد يبيعها في الرياض تدلوننا عليه

وللجميع خالص التقدير

مرحبآ يالعضيد 7788
و مشكور لمرورك و انت بمرورك مميز
حتى الان و حسب علمي لايوجد من يبيعها عدى المرباع بعنيزة
و الله يحييك ياغالي

[المهاجر انا]

ماشاء الله وهل تأخذ حيز في السيارة وشكرا على الموضوع

[سعود محمد]

يعطيك العافية

[راعي المستوي]

السلام عليكم
من ناحية المدفا فهي دافية لأن قماشها تنزاني تقيل
ولكن عيبها تنكسر البلاستيكة البيضاء اللي بها الحبل اللي يشد الاصياخ:


ومحطة المقرن اللي بحريملاء تفصلونها ببطانة و بدون وايضا قماش تنزاني ثقيل و خفيف

وبالنسبة لي افضل خيمة المبيت القطنية من القاضي

[سحابة معتق]

يسلام لو اوديها معي شمااال

[الخادم]

بيض الله وجهك
مادري مع الهواء القوي تخرفش الخيمة وتطلع صوت
او مثل الخيام الكبيرة ماتسمع له وحيف وقرقشة ؟؟

اخوي قناص خلاوي
الله محييك يالغالي
ابدآ ماتسمع لها صوت قرقشة و لا خرفشة
و لا احسن منها

[الخادم]

ماشاء الله وهل تأخذ حيز في السيارة وشكرا على الموضوع

هلا ابو عبدالله
يالغالي ما تاخذ حيز و ان شاء الله احاول انزل لها صور بجرابها
و مشكور لمرورك الطيب