ياجماعة شوفوا لنا حل مع هالرابطات ماتصلح!!!!!!!!

[ابو الشمقمق]

السلام عليكم ورحمة الله وبركاته
ياخوان كيف حالكم جميعا


ثم يااحبابنا الله يجزاكم خير انا من ملاك اليوكن
وجيت ابدخل رابطة اليوكن ولقيتها مصيبة المصايب 492 صفحة تصلح مجلد هذي


واغلب المشاركات
كذا ( انا معي يوكن 2007 سجلوني)
طيب وبعدين كثرت الصفحات على الفاضي
مع بعض المشاركات ذهب وفيها معلومات مفيدة بس انها ضايعة في هالصفحات الله لايبلا

فانا ودي لو يصير فيه تنقيح للصفحات وحذف للمشاركات اللي ماتفيد
لانها رابطة لعرض المشاكل والحلول
والتجارب المفيدة
مجرد راي لاحد يزعل علي

محبكم ابوالشمقمق

[عصاقيل الدخله]

كلامك سليم اخوي ،،، وانا من رابطة الباثفندر الجيل القديم " سابقا "

من ضمن الاجتماعات اقترحت على الشباب بحكم كثرة الصفحات انها تلخص المشاكل بروابط اخرى وتثبت
واقترحت بما ان عدد الصفحات 500 واكثر كل واحد من الشباب ياخذ من 50 الى 100 صفحه ويلخص جميع المشاكل اللي فيها ويوثقها لسهولة الوصول اليها ويليت هذا الاقتراح يطبق في جميع رابطات السياراه للفائد العامه ،،، تقبل مروري

[ابو الشمقمق]

والله انك صادق

[سعد السبيعي.]

كلامك جميل

بس لو يسوون لكل رابطه منتدى فررعي وتطرح فيه المواضيع ويحط مشرف من اعضاء الرابطه على القسم

ويرتب قسمه وكل مشكله في موضوع وكل سؤال في موضوع وهكذا

احسن من كثره الصفحاات

[PATHFINDER 4]

اشوف صعب مررة
وانت تقول 492 صفحة ههه
عندك مثلا رابطة الباث القديم تعدوا 800 صفحة (وين تلخصها هذي!!)

[الجش]

هههههههههههههه
احسها طلعت من قققققلب الله يعينا وياك فعلان مشكله ضعنا بالطوشه

[بر الوالدين]

بخصوص عدد الصفحات حلها سهل

تعال و ركز

( لوحة التحكم ) >>> من القائمة يمين ( تعديل الخيارات ) >>> ( خيارات عرض المواضيع )

وبعدين تروح لـ (عدد المشاركات المعروضة في كل صفحة) و أختر >>> ( عرض 40 مشاركة بكل صفحة )

و أنزل تحت و أضغط على حفظ التغييرات