يا اهل البــــــــــــــــاترول الرجاء الدخول والمشاركه

[مزاااجي300]

السلام عليكم


مساء الورد يالغالين




اخواني الاعزاء /


عندما ركبت الفرارات خف الموتر وصرت امشي تقريباً في الخطوط السريعه على سرعة 160 عند الزوم فقط وليس تهور

ولكن يحدث شي غريب !!

اي مطب يقابلني او حفره اوخلافه احس ان الطاره ( الدركسون ) يهتز بين يدي اهتزاز قوي !!!!

علماً الن الموتر يحتاج الى ترصيص لان عند سرعة 100 يرج الدركسون ثم يختفي بعد ذالك عند زيادة السرعه

ولكن اللي محيرني هو الاهتزاز اللذي ذكرت اسبابه في الاعلى

===========

في شي ثاني قدر الله علي وغيرت الفحمات او القماشات الخلفيه كانت في السابق لا يظهر منها صفير واضح

اما الان وبعد التغيير صار يظهر صفيرررررررر قوي جداً ومزعج ومحرج !!!!

ما الحل الله يجزاكم الف خير

باترول موديل 99

نفس اللي بالتوقيع

[عاشق الجبل]

وعليكم السلام ورحمة الله وبركاته


مشكلة هزة الدركسون لاعلاقة لها بالفرارات ..عليك الذهاب الى ميزان العضيب أو المجد للترصيص الأرضي ووتشييك الأذرعة



وبالنسبة للقماشات الخلفية فيظهر أنها متأثرة برمل أم أنها تجارية ..... أو تحتاج الى وزن اذا كانت أصلية .

[مزاااجي300]

اخوي ابي اشوف ميزان العضيب ان شاء الله

اما عن القماشات اخذتها بـ 45 ريال فقطططط واعتقد بل اجزم انها تجاريه !!!!

اما الحل في هذه الحاله ؟؟؟

[شاص]

حل الفحمات أنك تغيرها بأصليه لأنه حرام هالموتر الزين ماشاء الله تركب له تجاري

[ابو سلمان]

اخوي مزاااجي300

فضلا لا امرا اذا صار معك تحس بخصوص الرجه ياليت تفيدنا

لانه نفس المشكله اعاني منها وتعبت وبدون نتيجه

تم عمل الاتي

تغيير مساعد دركسون استرالي

وزن الاذرعه

تغيير عمود التوازن

تغيير جلب عمود التوزان

كبس الذراع

ترصيص ارضي

حتى الكفرات غيرتها لان الاوله بالون

الهوبات وخرطناها

ورمان الهوب ربطته

الورشة ورشه العضيب و ميزان المجد !!!!!!!!!!


لكن الشششششششششششكوى لله لاتزال المشكله اذا ضربت مطب يرج الدركسون

ملاحظه خفت الرجه بس ما راحت !!!!!!!!! وللمعلوميه ماركبت فرارات

[مزاااجي300]

اخوي شاص الله يبارك بعمرك انا توي مركبها ماصر لها 3 ايام فقط !!!
وشكلي على قولك ابي اخرط الهوب واغير اصلي


=============

ابشر اخوي راح اقول لك اذا تطور شيء

بس كل ها الامور سويتها ومازان الوضع شي غريب !!!

راح اشوف وارد هنا ان شاء الله

[ابو سلمان]

بانتظارك اخوي

[safari4x4ksa]

الرجه اللي في الباترول عند ال 100 صارت عادي مع الاسف
بالنسبة الى الصفير القماشات رح الوكاله يركبوا لك اصلي ةيخرطوا الهبات

[الوافي99]

السلام عليكم ورحمة الله وبركاته

بالنسبه للرجه مثل ماقال اخوي رح للعضيب اما الفحمات اكيد تجاريات اذا بغيت تغيرهن اوقف على راسه العامل اذا جاء يشتغل كله

ثلث ساعه بعدين مافيه قماشات وراء كله فحمات وراء وقدام .

[حرباش]

شباب

بالنسبه للرجه اذا ضربت مطب هذي اذرعه أو وصلات اذرعه انماخاب الظن


كان تصير لي على جمس حوض كان عندي ولمن شيكت عليه لقيت الأذرعه في خبر كان



شيكو على الإذرعه والرجه اللي تقولون عليها تختلف عن رجه الباترول المعروفه




تحياتي للجميع

[الجندي2005]

انا نفس المعاناه معي باترول 98 فاكه وكاله وللهالحين معي _ الله يستر عليه _ عانيت نفس المشكله وديته احسن واحد عندنا بالوزن راحت الرجه بعدين رجعت وتركته قلت ضيقه الصدر منه وبعدين راحت ولله الحمد

[الانيس]

ياجما عه انا معي سفاري 99 حصلت فيه رجه مجنونه تجي على حسب المزاج رحت على نياتي ارصص الكفرات وبعد مارصصتها ما حصل اي شي ......الرجه ماتغيرت رحت لم ورشه وقال مساعد الدركسون خربان وغيرته وكاله وسعره 160 ريال الرجه راحت لكن باقي شي بسيط منها ماتدري عنها الا اذا دققت فيها مره........
وتقبلوا تحياتي ........اخوكم الانيس

[مزاااجي300]

اخوي ابو سلمان ولا يهونون الربع

لقيت الحل والحمد الله ...

رحت المجد وطلعوا نصابين ورحت للعظيب ونفس الكلالالالالالالام حراميه !!!

قلت خليني اشيك عند الاخير وهو اليرموك

كشف الفني نفس الكشف اللي صار معي عند المجد والعظيب

قالي المهندس يبيلك /

تغيير جلب عمود التوزان

كبس الذراع

ترصيص ارضي

قلت بس هذا قال بس وضمان شهر لو صار رجه ارجع لنا مره ثانيه

رحت شريت جلب عمود التوازن بـ 80 ريال ( حبتين )

طبعاً كبسوا العمود الامامي والخلفي وسوى ترصيص ووزن اذرعه وشغل يدهم بالمطاااااااااااااااااااااااااقه مع الزول المختص 250 ريال فقط

يعني كامل الموضوع

80+ 250 =330 ريال فقط

وابشركم الى اللحين النتائج مرضيه ولله الحمد والمنه راحت الرجه والاهتزاز اخوي

كل الاحترام

[aziz99]

ياجماعة الخير...........

مشكلة رجة الباترول..............معروفة-------------- الجنوط ونوعيتها--------- وكل محلات الترصيص...ومحلات الميزان تعلم ذلك ولكن يلعبون على الناس ويقولون غير وغير...الخ

الحل ........غير الجنوط وسوف تعلم اين المشكلة......

[ابو سلمان]

جزاك الله خير اخزي مزاااجي300

الله يبارك لك في موترك
وان شاء الله نروح لليرموك ونشوف