استفسارات خيمة الطبخات البرية ( منكم السؤال ومنكم الإجابة ).

[يحيي بن حمد]

اجمع البهارات بنفسك

مثل الدارسين والليمون الاسود والفلفل الاسود والكزبرة الناشفة والهيل والزبيب

هذه امثلة فقط وتلقها في اي سوق للعطارة

او رح للقبة واسال هناك يعطونك العلم

[مداوي جروحي]

جزاك الله خيرا يا اخوي يحي بن حمد

[ملاحظ]

مساكم الله بلخير ياشباب
عندي موظوع مهم جدن وين حصل فرن الغنام تعبت وانا أدور عليه
دورته في الأحساء وطريق الأحساء والمحطات
ونا من الدوحه
ودورته على المنتديات مفيش فايده
لقيت بعظ البيانات عنه على منتديات مكشات وعناوين غلاط
وذاحد يعرف مكان له قريب حق قطر الله لايهينه
فقدت لأمل أني أحصله
وجزاكم الله خير يا خوان شمه

[أبوسعد999]

حياك أخوي . انا أعرف ورشة التصنيع الخاصة بفرن الغنام وهي بالرياض قريب من إسكان البحريه وانت متجه جنوبا طريق الخرج .

[سيف الملوك]

بيض الله وجهك اخوي/ابوسعد999
بس ممكن توضح لي السعر اذا امكن اثابك الله

[قشاع الرمث]

السلام عليكم ورحمة الله وبركاته


والله انا اشوفهن بالمحطات .

[ابو الشباب3]

مداوي جروحي مساء الخير: بهارات مهران المشكله الي عند اي بقاله اسل مجرب خذ الي معها فلفل تراها ممتازه حرارة الفلفل حليوه بالتوفيق اخوي

[صديان الغربي]

سلام على الجميع...

ودي بأهل الرياض يدلوني على فرن الغنام وين نحصله.. ودي ازور الرياض الاسبوع الجاي

وكذلك ودي بمحيل(محل) يبيع ارانب ممتازة وكذلك فروخ الحمام الفرنسي..!!

محل أو رقم جوال ..

الله يرعاكم

[ابو صقر992]

تلقا انشالله من يدلك كان عندنا سوق الحمام الي برياض وقفلوه والحين مدري متى بيفتحون الحلات لاكن تلقا الي في الاستراحات 00

[Ababidoo]

خلطةالبهارات

المقادير

ثلاث ملاعق طعام كمون مطحون
ثلاث ملاعق طعام كزبرة مطحونة
ملعقة طعام ليمون أسود ناعم
ملعقة شاي زنجبيل مطحون
ملعقة طعام قرفة (دارسين) مطحون
ملعقة طعام كركم مطحون
ثلاث ملاعق طعام هيل مطحون
ملعقة طعام فلفل أسود مطحون ناعم
ملعقة طعام زعفران مطحون

الطريقة:
تخلط المقادير مع بعضها خلطاًجيداً للتأكد من توزعها بطريقة منتظمة ثم تحفظ في الوعاء الخاص بالبهارات.
وتستخدم هذه الخلطة في عمل الرز بجميع أنواعه واللحوم والدجاج والمحشيات.

طبعاً أنا أقوم بغسل كل مادة بلحالها قبل الطحن وأنشفها في الشمس ماعدا الزعفران وبالنسبة للكمون والكزبرة يفضل حمسها قليلاً قبل الطحن بالمقلاة ....

[أبوياسر74]

إهلا أخوي

ورشة الغنام موجودة بالرياض
تروح مع الدائري الجنوبي حتى يجيك طريق الخرج اترك المسار الايمن ورح مع المسار الاوسط الجديد
الايمن يوديك مصنع الاسمنت اتركه والايسر يوديك للدائري الشرقي اتركه خلك مع الاوسط اللي يودي للاسكان العسكري الطريق يتقوس بك يمين خلك مع الخدمة امش شوي وعينك على اليمين تجيك الورشة اللي يصنعون فيها الفرن تراه أربع أحجام واشتر اللي يناسبك وإذا ما عرفت الورشة اسأل في المكان ويدلونك

أرجو إني افدتك وموفق واعزمنا على أول طبخة

[هبووب الشمال]

شوف افضل بهارات مسحوق الكاري ابو علبه خضرا مرسوم عليه سفينه تلقاه عند محلات المطاحن..لا يعلا عليه بالطبخ عندنا يالحريم
هذي صورته لك
http://www.qahtaan.com/works/up/get....ioqr1218120756

بس طريقتي انا للبهارات بالطبخ كالتالي

في عند المطاحن بهار اللي معه بصل في حار وبارد خذ البارد(موجود عند عطارين سوق حجاب) واخلطه مع بهارات الاميرلانه حار(بهار من البحرين وله مسمى اخر صناعه سعوديه علبه شفافه بها البهارات طبقات )(كل كوب بهار البصل ربع كوب بهار الامير) لجيت اطبخ احط مثلا ملعقه من البهار المخلط واضيف ملعقه بهار الكاري بروحه مع الطبخه...وش بهارات مهران ولا شي عند هالبهارات
هذي صورته
http://www.qahtaan.com/works/up/get....rtuy1218121617

و
http://www.qahtaan.com/works/up/get....mnsx1218121617

[مداوي جروحي]

مساء الخير جميعاعلى المتواجدين

جزاكم الله خيرا كلن باسمه وماقصرتوا

اللهم بارك لنا في شعبان وبلغنا رمضان

[مجازف2010]

اذا تعرف احد جاي من الدمام خله يمر اول محطه وهو طالع من الدمام محطة نفط فيه محل بحنب البقاله حق منتجات البحرين الي يبيع حلاوه بحرينيه عنده بهارات بحرينيه واحجام ومختلفه على كيف ومجربه وروعة

[راعي الكشته]

يا اخوان وين يبيعون تنور المندي في الامارات .