هل تستخدم جهازك الاسلكي بتصريح ام لا !

[اسلي نفسي]

السلام عليكم اخواني
انا لا احمل تصريح
ولكن من اربع سنوات تقريبا كنت رايح لروضة نوره وجاء التفتيش على خط القصيم وكان فيه ضابط برتبة مقدم وهو شباب ومن اهل الرياض
والله العظيم اقسم بربي اني ادعي عليه لين هالحين
لانه مهوب رجال مستقوي بنجومه المهم الاسلوب الي سواه معي
اول شيء قال يحجز الموتر
ثاني شيء تاخذ قسيمه ب900 ريال
ثالث شيء انت تتوقف عندنا ماتروح
رابع شيء تصادر السياره
انا قمت اضحك احسبه يمزح
والله ويطلع الرجال صادق
المهم اخذ وعطا لين وصلت للشد وهالاشكال مايبيلهم الا واحد اقوى منه فعلا سويت اتصال وهو يدف فيني يبي يركبني الموتر الي معي بالتلفون قال عطنياه وكلمه وقال معك فلان وقف انا جاي على الطريق اصلا انا مواعدهم
وفعلا كنا بنطلع كشتة شباب والرجال معنا ولين اظلم الليل رحنا للنقاء الكبير للمخيم
المهم الرجال قال تركب السياره الين يجي خويك كانك صادق انت وهو
والله ياشباب انا ماني قايل وش صار بالضبط احترام لاخواني الضباط كان احد معنا هنا
لكن تأكدو
ماصار من الي هو قاله لي شيء ورجعت كل اموري لي
وزياده على كذا يكفي والله انه قالي اسف والي مايعرفك مايثمنك ( وهو ممرمطني )
وجاه اقل من جزاه من هالرجال هذا لان اصلا الجهاز يتصادر وبس
وهالضابط قام يتفلسف ووصلت القصه لمديره على حسب علمي
حبيت اقولكم هالقصه والي صاير معي
والله اعلم شكرا واسف على الاطاله

ربك يحاسبه انشالله متفاخر بنجومه الي على جنبه
والله لو انتبه لل------------------------
هههههههههههه
خلني ساكت احسنلي
عالعموم والله انا ودي اطلع رخصه عشان مااحد يتفسف عليك
لكن والله ماردتني الا الاختبار بالرياض وانا ويني ووين الرياض

[sniper-5]

بسم الله الرحمن الرحيم

السلام عليكم ورحمة الله وبركاته :
سؤال مهم جدا : هل تحمل رخصة من هيئة الإتصالات لإستخدام جهازك الاسلكي ام لا و هل جهازك مرخص ايضا ؟
الكثير منّا لا يعلم انه يجب على كل مواطن (سعودي او غير سعودي ) ان يحصل على رخصه من هيئة الإتصالات لإستخدام جهاز لاسلكي (أيكوم ، ايسو ،...) و ايضا يجب ان يكون الجهاز مرخص

قيمة الدخول إلى الاختبار 300 ريال
قيمة إستخراج الرخصه 100 ريال
قيمة إسئجار القنوات 100 كل سنه و انت مجبر ان تدفع قيمة اشتراك لخمس سنوات مقدما
و غير ذالك 250 ريال قيمة ترخيص جهاز الاسلكي
---------------------------------
انا حاب اطرح هذا السؤال ، انا عارف ان اغلبنا زحيّفه مايعرفون لا رخصه ولا غيره فحبيت اشوف الاغلبيه معاهم رخص ولأ ؟ و هل مسكوك هيئة الإتصالات قبل كذا ، وهل تفتيش المرور في الطريق ياخذ الجهاز إذا شافه و ماكان معك رخصه ؟

الذي اعرفه ان الجهاز اللاسلكي الذي يتطلب ترخيص ليس 2100 او8000 ف وانما بامكانك ان ترسل اوروبا وعلى مااظن
ان قيمته عشرة الاف ريال

[hemo15]

يعطيك العافيه

[قريمط]

والله ياربع انا مامعي رخصة .. اللي اذكرهـ انهم طبو علي في الببيت .. على الاستيشن .. من الامارهـ ثلاث ضباط وعقيد .. شايب .. مدنيين .. المهم انه معهم تصريح بمصادرة الجهاز .. وقبل الاياخذون الجهاز خبطت ام امه في الجدار حق السطح .. ولا عطوني اورقه .اني ارجعهم بالامارهـ اليوم الثاني .. بالفعل راجعتهم ... وخلوني اوقع على تعهد بعدم حمل جهاز.. الشايب اللي كنت انكت عليه طلع هو العقيد .. اللي كنت اقوله ياشايب خل الجهاز حق بر ومقناص مو حق خرابيط ...عسى شعرك يصير اسود .. وتاخذ وحدهـ ثانيه .. المهم انه ضحك لين داخ بس مانفعت معه ... قال معه امر .. بمصادرة الجهاز... ويالله .. ياويل اللي يطيح بضباط من عقيد ثم رائد وثنين كل واحد فيهم ملازم اول ...(( لايجي احد يقولي كنت تستخدم الجهاز استخدام خطاء بالعكس نظامي ولا استخدمه الا وقت الضرورهـ في مراسلة الصمان .واذا طلعت لصمان حطيته على السيارهـ )) طبعاً اخذو الاستيشن ونسو الداريكشن(( التوجيه )) ..هذا الكلام طال عمركم ..من عام 1419هـ ..

والحين معي واحد ثاني ولا الله بلا رخصه بلا خرابيط .. والحمد لله ان بعض رجال الامن يعرفون وجه الصادق مثلي ههههههه ... اني طالع بر والجهاز خاص في البران ...

ودمتم بخير وصحه وعافيه ....

[ابوسعودmoh]

انا رافع استيشن بدون رخصه

ودي بالرخصه بس فعلن معقده

[ابوسعودmoh]

بناء على الاستفتاء الذي حتى الان حاز85% من الذين لا يحملون تصريح

وتذمر اغلبهم من طريقة استخراج التصريح لاسباب متفرقه

اتوقع انه فعلن لو تم اعادة النضر في استراتيجية استخراج التصريح

لوجدت النسبه الاعلى في التصويت للذين يحملون تصريح

اشكرك اخوي على هذى الاستفتاء لعل وعسى ........

اقل شي يوزعون افرع للاختبارت في المناطق

[الجنك]

لا والله بدون تصريح واستخدامي في البيت والى طلعت للبر ستيشن على البيت ودايموند عادي على السيارة الى نويت البر وفي حالة السفر ومعي خوي بسيارة ثانية اخذ اليدوي

[فرقاص]

بناء على الاستفتاء الذي حتى الان حاز85% من الذين لا يحملون تصريح

وتذمر اغلبهم من طريقة استخراج التصريح لاسباب متفرقه

اتوقع انه فعلن لو تم اعادة النضر في استراتيجية استخراج التصريح

لوجدت النسبه الاعلى في التصويت للذين يحملون تصريح

اشكرك اخوي على هذى الاستفتاء لعل وعسى ........

اقل شي يوزعون افرع للاختبارت في المناطق

100%

[هواوي]

الجهاز ظروري جدا جدا جدا ومن التفريط عدم حمله لكل من يطلع البر البعيد

ولن اتخلى عنه

ولن اطلع تصريح لو وزعوه ببلاش

وسنين وانا اركبه كل ما طلعت بر ولا عمر احد قالي شي بالعكس لما اشرح لرجال الامن استخدامي له يتفهمون ومن الاساس اغلبهم متفهم ويعرف فايدته عشان كذا يعرف انه للظروره فما يصادرونه

ولله الحمد كل الي طبيت فيهم من الامن عقلاء ومتفهمين لظرورته

[binmegin]

هههههه اطلع تصريح هههههه والله لو يعطوني الف ملصقينها مع التصريح ماخذته تاخذ تصريح وينسرق منك الجهاز ويستخدم استخدام سيء تقعد فيها فيه احد الزملاء مصرح مسدس ربع وانسرق بيته والمسدس في تجوري صغير والتجوري في الفرفه والغرفه في البيت والبيت داخل السور وكل اللي ذكرته كان مقفل ومع ذلك اتهموه بالاهمااااال تصدقون ياناس وفوق هذا جروه للمحكمه وحكم عليه الشيخ بغرامه مااتذكر كم الغرامه الله لا يوفقه من قاضي ولا يرحمه وعساه يموت بمسدس ربع
قال ايه قال تصاريح هذي رسوم وضرايب الله يصلح الحال

[f 16]

بسم الله الرحمن الرحيم

السلام عليكم ورحمة الله وبركاته

يبدو ان طريقة السؤال والتصويت والاسلوب رسمي بحت فهل هناك فائدة من هاذى

حتى الاجابات دبلوماسية 100/100

لاموب يبدو إلا أكيدين بعد
ماعندنا رخصة ولاحنب مرخصين
اللي رخصوا بواريدهم ماسلموا من التفاتيش
والمقصد موب فلوس وخرفنة المواطنيين
واللي اعرف راعين المحلات هم اللي يرخصون
اما واحد يستخدمة للكشتات ماله لزوم ابد

[hamd.shakr]

يا زين الرخصه تفكك من شي كثير

[hamd.shakr]

ما ادري ياااحبائ وش اجراءات الحصول على الرخصه هل هي بسيطه.

[بدوي دت كوم]

اجل حتى اللاسلكي له فاتورة

ويوم تقول قيمة إسئجار القنوات 100 كل سنه

سلامااااااااااااااااااااااااااااااااااات لايكون فاكرين انها محطة اف ام


ذا جهاز مراسلات مثله مثل الدردشة في الانترنت

من المفترض ان يتم منع استخدامه داخل النطاق العمراني والمناطق التي يؤثر عليها

اما في البراري لاداعي لمنعه

بعدين صيغة السؤال فيها خطأ

هناك ثلاث تصنيفات لمستخدم اللاسلكي
مستخدم عادي .... لأهل البر والمقناص من وجهة نظري لاداعي لتصريح
هاوي لاسلكي.... انشاء محطات وتعديل في الموجات الى اخره يتطلب الانظام الى نادي للهواة وتصريح بدون رسوم
محترف لاسلكي ..... ذا النوع خطير جدا وهو نادر الوجود في الخليج العربي ويكثر في العراق والاردن وبعض البلدان يستحب منعه للأفراد والنشاطات الفردية ويجب الاهتمام فيه في البحوث العلمية والجامعات الى اخره


وسلامتك واربعين عافية اخي الكريم

[شلعانكو]

لازم تصريح؟؟