قال رخصه قال , اذا فيها سجن حنا ندور السجن اصلاً
السجن مايطلع الا رجال !!!
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
نعم
لأ
لا اعلم !
قال رخصه قال , اذا فيها سجن حنا ندور السجن اصلاً
السجن مايطلع الا رجال !!!
تم التصويت
والله ما يلسونه ،، لاهطينا بساهر ويبون اصرح جهاز بـ 1300 !!
هــذه كــشــتـتـي ،، حـــيـــاكــــم الــلــه
شاكر لك ولا اعلم عنه ولا عندي رخصه
سبحان الله وبحمده سبحان الله العظيم
لا امتلك ترخيص
يا مرحبا بالجميع .. اانا ما املك رخصة .. وكنت اراسل في البيت وصادوني ..
اليوم الثاني كنت في الدوام .. كلمني الشايب وقال جوني اليوم رجاجيل ويسئلون عنك ويبونك تجيهم في الشرطة
والله وروحلهم اليوم الثاني .. وياخذوني على غرفة فيها 3 اشخاص طبعاً كلهم محققين
ويمسكني واحد منهم .. ويعطيني 3 اوراق طبعاً كلها أسئلة .. من ضمن الأسئلة ..
من وين شريت الجهاز .. واذكرلنا اسم الشخص .. من تراسل .. وغيرها من الاسئلة .. جلست عندهم ساعتين .. طبعاً صادروا جهازي والاريل .. وقالوا هذا تعهد ولو صدناك مرة ثانية ( لاتلومنا الا نفسكـ )
وبعدها .. حرمت الجهاز .. والحين صراحة أفكر اخذلي واحد ثاني ( خاربه خاربه )
والله طفشت ابي اسلي روحي .. وادورلي جهاز .. وابوتركي جعله يسلم يقول عنده اجهزه وبكلمه الليلة ان شاءالله .. والامور كلها طيبه .. الله يعز الأسلام والمسلمين .. ويطول عمر أبومتعب .. كله خير وبركة .. قال ايش قال ادفع 2000 ريال علشان رخصة .. عني ما راسلت ..
تحيــــاتي للجميــــــع
والله يا جماعه ان الامور الان اصبحت صعبه و التشديد على المختبرين جدا قوي واسئله ما انزل الله بها من سلطان و الدعوه فيها واسطات والله لو اننا نطنشهم ولا احد يقدم على الاختبار شف ايش بيصير
السلام عليكم اخواني
انا مااطلعت ترخيص ولا عارف طريقته ويعطيك الف عافيه
ولكن مايحتاج ، بصراحه ماهظمت موضوع الترخيص لانه غآلي شوي المفروض اذا زاد عن حده 300ريال
الله يعطيك الف عافيه ع الطرح الرائع
اااااااااااااااااااااااااااااااااااااااا
والله الان مشددين بشكل غير طبيعي على الاجهزه
في المنطقه الجنوبيه وخصوصآ منطقة الباحه كامله بمحافظاتها
صادوني بالجهاز وهو مفصول وشالو وحطو الا يصادرونه ويحولوني ع الشرطه
واكثر من ساعتين نترجا فيهم بدون فايده .
جا واحد اعرفه بالصدفه مر ووقفته وشرحت له الموضوع
واتصل على احد الضباط الله يجزاه خير وفكوني بالقوه بعد اخذ تعهد وتهديد علني من الرقيب انه ليجيبني غصب
ويصادر الجهاز ..
ولولاا الله ثم هالرجال مر في وقته كان الله العالم اش بيصير .
لكن بالنسبه للتصريح سألت كثير من الي راحو وعندهم خلفيه كامله عن الاختبارات
بصراحه شي غير طبيعي وصعوبه وكأنهم يقولون لاتصرحون افضل
بالنسبه لي ماني بمصرح ولا نويت ولو صادروه يعوضني الله خير وبشري غيره
عليهم بالعافيه .
وخل تصريحهم لهم
ومن المفترض ان الهيئه تتعاون مع الهواه بأختبارات بسيطه حتى لو اضطرو لتقديم دورات مدفوعه
وتنتهي بتصريح وبشكل نظامي ..
اما خذوه فغلوه وتعال اختبر 30 صفحه ما ادري كم ورموز وتشفيرات وخرابيط و80% من ملاك هالاجهزه والله يجهلونها مثل حالتي .
لكن تعقيد وادفع فولس ولا جب لك واسطه كبيره وخذ تصريح فهذا الكلام مرفوض بصرحه ,,
..
وجهة نظر شخصيه ..
وكم اتمنى انه يوصل هذا التصويت للهيئه ..
اعتذر على الاطاله
تحياتي ..
السلام عليكم و رحمة الله و بركاته
اعتقد أن التصريح أمر مهم و خصوصا بعد دورة تدريبية على استخدام هذه المعدات
اللي افهمهان التصريح يعني الالمام باشتراطات السلامة و الامان و اداب و قواعد التراسل ،فوق هذا تكون في النور.
انا قمت بتحميل بعض الكتب عن هواية اللاسلكي بالاضافة إلى دورة تدريبية في الجمعية القطرية لهواة اللاسللكي _ والله يكتب لنا و لكم التوفيقز
ختاماً اعتقد في حال وجود جمعية سعودية لهواة اللاسلكي ستكون الامور افضل بإذن الله
مااشغله الا اذا طلعت للبر
ابوعبدالله
والله ما ندري ان فيه ترخيص لكن ولله الحمد بعد عرفت ان فيه ترخيص راح اقصه ان شاء الله. بس لويرخصون علينا.
(سبحان الله وبحمده سبحان الله العظيم)
تبحث عن وظيفه؟؟ اضغط على الرابط:-
سلام عليكم
بخصوص الترخيص مفترض للأجهزة بعيدة المدى فقط ،وأما الأجهزة التي داخل المدينة كياسو 3000-2900،آيكوم8000-2100 والكنود وغيرها مفترض بدون ترخيص او بسعر بسيط مثل 100 لمدة 5سنوات او سبع سنوات..
تعقيدات وغرامات مالها داعي ،الحمدلله مجرد جهاز للخدمة والتسلية..
والله الموفق
نكرر لعل وعسى ان تصل الرساله للحكماء واهل الخيره واهل الخير جميعا
المحلات مفتوحه وتبيع هذه الاجهزع منذ سنوات عديده تحت نظر الجميع سواء امن او غيره وليست شيء يباع بالسر بل بالعلن فكيف يمنع استخدامها الا بترخيص خاص للهواه الحقيقين الذين يتراسلون عبر العالم ولديهم الرغبه الشديده والمستمره بممارسة هذه الهوايه
اما نحن هواة البر واهل الحلال ((وليس هواة اللاسلكي)) نستخدم هذه الاجهزه في البر لاسباب حقيقيه وعمليه اساسيه وهي السلامه والنجاه باذن الله من التيه والتقليل من المتاعب في البر من ضياع وغيره
امس والله احد ابناء ملاك الابل ومن الناس المتعودين العيش في البر والتنقل مع البل في البر رجع لنا يقول الحمد لله ان رجعت لكم ...الرجل تاه وخصوصا مع التعب والغبار كان الوضع صعب جدا وكان الوقت متاخر في النهار فلولا لطف الله ورحمته دله على علامه كبيره لما عرف يرجع!!!
كيف نطلب من البدو والكشاته واهل البر بشكل عام الحصول على تصريح هواة اللاسلكي؟ هذا امر صعب ويخالف المنطق والعقل ويجعل الناس تتمرس وتجتهد في طرق اخفاء الجهاز والتهرب من رجال الامن والبحث عن الطرق الغير شرعيه لاقتناء هذا الجهاز او هذه الخدمه
نرجو ونرجو ثم النرجو
هناك حلول تلبي المتطلبات الامنيه وهي عمل تصريح رسمي للبيع وتصريح للشراء لفئه عمريه معينه مثلا 30 سنه وما فوق والتصريح يعطى اثناء الشراء من محل البيع المصرح له ويتم التعهد بعدم استخدامه الا في البر وعند الحاجه وان لا يساء استخدامه واذا اساء استخدامه يكون هناك عقاب كذا وكذا ويعطى المشتري دوره نصف يوم مثلا تبين له كيف يستخدم الجهاز وماهو الصواب وما هو الخطاء ويحق مثلا للشخص ان يشتري اكثر من جهاز بعدد اقصى ثلاثه مثلا تحت مسؤوليته وذلك لاستخدام العائلات مثلا رجل وابنائه او مجموعة من الكشاته ...ويسجل الجهاز بنوعه ورقمه التسلسلي تحت اسم ورقم المشتري وعند الرغبه في شراء جهاز جديد يعاد القديم اذا تجاوز الثلاثه ويدفع له فرق قيمة المستخدم..كذلك يتم السماح بتأجير جهاز اللاسلكي باليوم وبالاسبوع للكشاته و للراغبين بعد اخذ الدوره..وهذا سيلبي رغبة عدد هائل من الناس حيث عند الرغبه في الذهاب الى البر في مكان بعيد اذهب الى المحل واستأجر الجهاز واعيده بعد انتها الرحله!
نرجو ونرجو ثم نرجو ان يتم حل هذا الاشكال بتقنينه كما اسلفت او كيفما يكون بحيث يسمح للناس الاستفاده من هذه الخدمه بشكل شرعي ومقنن وبتحكم وتحت اعين الجميع...
ملاحظه: يمكن طلب هذه الاجهزه بمواصفات ومقاييس بحث يسهل معرفة هوية الجهاز عند تشغيله وتمنع الاجهزه التى لا تتوافق مع المواصفات والمقاييس
هناك ردود واراء جميله في هذا الموضوع نتمنى الاستفاده منها..فهذا الجهاز له فوائد عظيمه في اوقات الامطار الغزيره وانقطاع الطرق او الكوارث نعوذ بالله منها حيث تنقطع الاتصالات العاديه او تضعف او يصيبها خلل ما
والله اعلم واكبر
اللهم انا نسألك بانا نشهد انك انت الله الواحد الاحد الصمد الذى لم يلد ولم يولد ولم يكن له كفوا احد ونسألك يا ارحم الراحمين يا لطيف يا خبير ان تفرّج عنا وعن اخواننا المسلمين فى فلسطين وفى كل مكان وتلطف بنا وبهم يا سميع الدعاء...وصلى الله على محمد واله وسلم تسليما كثيرا..رَّبِّ ارْحَمْهُمَا كَمَا رَبَّيَانِي صَغِيراً
انشر هذا الموقع (صدقه جاريه بأذن الله)
https://www.tvquran.com/Al-Minshawi.htm
الذين يشاهدون الموضوع الآن: 1 (0 من الأعضاء و 1 زائر)